استفسار بالنسبة للعمل فى السعودية

[viper911s]

اولا السلام عليكم
ثانيا اسف انى عملت الموضوع فى منتدى ملتقى المغتربين وهنا فى الاجتماعى
بس لاانى عاوز اعرف الرد فى اسرع وقت
حاليا انا معروض عليا وظيفة مسؤول حركة فى السعودية فى الرياض تقريبا
هى شركة سيارات تابعة لشركة عبد اللطيف جميل
كلام الشركة كاالتالى
السكن وتأمين الصحى والانتقالات عليهم والراتب 2000 ريال
انا شايف الراتب قليل لكن مش عارف بصراحة
وبيقولوا بخلاف ان فى عمولة من 200 الى 300 كل شهر
والعقد لمدة سنتين
هل دة مناسب ولا رئيكم اية
لرجو الافادة علشان المفروض ارد انهارة لو امكن

[MOUSTAFA_SAAD]

اعمل حسابك مصاريف اكل وشرب حد ادنى 500 ريال

غير لو انت بتدخن غير مصاريف السجاير
الاتصال باهلك عن طريق النت افضل
شوف انت واحسبها
لو شركه فعلا كبيره زى عبد اللطيف جميل يبقى تسافر احسن وتتعلم وتاخد خبره

[محمد عز]

متساهلش انك تسافر وتتغرب على 2000 ريال لانهم هيعشوك مخنوك ده ان كفوا

سافر لو انت قاعد فى مصر من غير شغل

لكن لو بتشتغل فى مصر وبتقبض مرتب فى حدود 1500 ل 2000 يبقى لا والف لا متسافرش

[viper911s]

واللة يا شباب العرض لسة قائم والناس لسة بيتصلوا بيا رغم انى رفضت العرض ولكنهم بيكلمونى لكن مفيش تفاهم بالنسبة للراتب

[viper911s]

على فكرة انا مش مدخن
انا الراتب بتاعى هنا 1100 للااسف
رغم انى وظيفتى هى
ممثل قطع غيار للشركة

[محمد عز]

اخى العزيز

انت ادرى بامورك

مرتب 2000 ريال

الشغل هيوفر السكن ، فى الغالب سكن مشترك مع زملاء فى نفس الشركة

ومع غلو الحياة هتصرف نصهم على الاقل مصاريف واتصالات والى اخره

وتوفر 1000 ريال كل شهر بحيث ترجع فى اجازتك السنوية بحوال 10 الاف ريال يعنى 16 الف جنيه

هل المبلغ ده بالنسبة لك كويس ويساوى تمن غربتك وبعدك عن اهلك واسمك بشتغل فى السعودية

ده رائى

وفيه رائى تانى

انك تسافر ، تشبك فى البلد اللى انت رايح فيها والشغل بيجيب شغل

ومين عارف يمكن ربنا يكرم هناك بوظيفة احسن ومرتب احسن

انا قولتلك الرائيين وانت اختار