طالع على مجهول

[mohamedkordy]

احبائى الكرام
انا مهندس شاب اعمل باحد المكاتب الاستشاريه وطبعا نظرا للظروف اللى البلد فيها ديه الشغل مش ماشى اليومين دول المهم المكتب جابلى شغلانه تبعو فى تنزانيا - دار السلام
انا مش عارف اعمل ايه معرفش اى حاجه عن البلد ونفسى حد يكون عارفها يحكلى عنها وينصحنى اعمل ايه
افيدونى بالله عليكم
تحياتى

[engaass]

انت عايز تعرف ايه بالظبط عن تنزانيا
هو مبدائيا الدولار بيساوى 1600 تقريبا تنزانى

[mohamedkordy]

المعيشه
درجات الحراره
الامراض والاوبئه
انا ان شاء الله حبقا فى دار السلام
تحياتى

[Falcon.Crest]

سافر و اشتغل و خد خبره و استمتع تنزانيا بلد حلوه هي عتبر في شرق افريقيا فيها مسلمين كتير و دي ميزه
انا كنت زيك من 3.5 سنوات بس انجولا و سافرت و اجازات 5/5 ,الان اخر شفت ليه في انجولا
و بعدها خليج المكسيك و عادي يا مان استمتع

[engaass]

بص هى المعيشة عادى وهتستمتع
ودرجات الحراة خلى بالك ان مش كل افريقيا حر دا ممكن يكون الجو احسن من مصر وراجع مكانها فين من خط الاستواء عشان تعرف الجو دلوقتى عامل ايه
بالنسبة لالامراض فطبعا لازم تاخد تطعيمات قبل ما تسافر ودى من جنب الاوبرا
بس خلى بالك ان افريقيا مش امان بالليل يعنى بلاش تتحرك كتير بالليل

[mohamedkordy]

بص هى المعيشة عادى وهتستمتع
ودرجات الحراة خلى بالك ان مش كل افريقيا حر دا ممكن يكون الجو احسن من مصر وراجع مكانها فين من خط الاستواء عشان تعرف الجو دلوقتى عامل ايه
بالنسبة لالامراض فطبعا لازم تاخد تطعيمات قبل ما تسافر ودى من جنب الاوبرا
بس خلى بالك ان افريقيا مش امان بالليل يعنى بلاش تتحرك كتير بالليل

ممكن حضرتك توضحلى المكان بتاع التطعيمات ده

[casperinoo]

لو رحت المصل واللقاح اللي في الدقي هتلاقي كل التطعيمات المطلوبه

[engaass]

ممكن حضرتك توضحلى المكان بتاع التطعيمات ده

بص هو انا بصراحة عمرى ما روحت هناك بس صحابى هما اللى كانو بيوصفو وكا ليهم وصف مضحك اوى وهو انك لما تروح ميدان الاوبر هتلاقى تمثال واحد راكب على حصان وبيشاور فى اتجاه مبنى فهتروح هناك الدور الارضى وشكل المبنى ميوحيش ان فيه حاجة اصلا بس بصراحة هو ده الوصف اللى سمعته منهم
بينى وبينك انا لو مكانك هافتكرها اشتغالة بس هو ده الوصف اللى كانو بيوصفوه لانى سبت الشركة وسافرت السعودية حاليا
بالتوفيق