يا تري ممكن عمل ارباح من تحويل الدولار لمصر؟

[sherif_hafez75]

السلام عليكم ورحمة الله وبركاته
اخوكم مصري مقيم في قطر قاعد اسمع واقرا علي النت كل يوم بيقولك سعر الدولار وصل 8 جنيه في السوق السودا في مصر فا طبعا جالي الشيطان وانا بصلي العشا وقالي
طيب يا ابني ايه المانع لو معاك مبلغ بالريال القطري تحوله دولار بسعر السوق وتبعته علي ححد من اهلك ف مصر حوالة بالدولار وهو يبيعه في السوق السودا علي 8 جنيه وتستفيد بفرق العملة فا يا تري لو بعتت مبلغ بالدولار الي حيستلمه هناك في مصر بالدولار برضه؟ ولا البنك حيستهبل ويقوله مفيش دولارات وخد فلوسك بالجنيه بسعر البنك؟ولا لازم يديله دولار زي ما انا حولت؟؟؟
والسؤال التاني بعد ما نبيع المبلغ علي 8 جنية الي حبعتله حينفع يحولي الفلوس لقطر مرة تانية؟ علشان اشتري دولارات تاني وابعتهاله تاني
يا تري الكلام ده واقعي ولا انا المفتح الوحيد في مصر؟؟
يا ريت الي عنده فكره او معلومات يقول لو سمحتم.

[walidzakzok]

لا احب اصحيك من الحلم لان ممكن اللي هاتبعتلوا الدولارات وهو رايح يحولها من السوق السودة يتنصب عليه وتتسرق منه !!!!!!!!

[sherif_hafez75]

لا احب اصحيك من الحلم لان ممكن اللي هاتبعتلوا الدولارات وهو رايح يحولها من السوق السودة يتنصب عليه وتتسرق منه !!!!!!!!

هو ده اخرك يعني ؟ حد يضحك عليه وياخدها منه؟
مهو يعني مش حيروح يغيرهم في حارة مزنوقة ولا في شارع ضلمة لا احب اعرفك انك ممكن تبيعهم في شركة الصرافة نفسها وبسعر السوق السودا لو تعرف حد فيها
انا سؤالي عن الامكانية انك تستلم في مصر دولارات وانك تبعتها لبرة تاني

[zico707]

عادي جداً ممكن تحول دولار بشرط اللي هتبعتله يكون له حساب بالدولار في البنك
بس لو حبيت تحول جنيه بره مصر مش هينفع إلا لو حد شاله معاه وهو مسافر وأظن في حد أقصى للمبلغ المسموح بيه حوالي 5 آلاف جنيه وعلى فكرة ٨ جنيه ده سعر الصرافة دلوقتي

[Land_Cruiser]

تبعت لمصر سهله إنما العكس هو اللي فيه مشكله لان حضرتك لازم تقول الحساب اللي رايحه عليه دي عباره عن حساب ايه و ليه بتحول الموضوع مش مفتوح ثم ان حضرتك هتبعت دولار و هتبيعه في السوق السوداء و هتاخد تمنه بالجنيه المصري و لو حولك قيمه الدولارات جنيه مصري لحسابك تبقي حضرتك ساعتها هتبقي محتاج تشتري دولار من قطر بالجنيه المصري لانه طبعا لو باع الدولار هنا و جه يشتريه علشان يرجعهولك اكيد هيدفع من جيبه لان سعره هيكون زاد. لو انت عرفت تشتري دولار بالجنيه المصري من قطر يبقي مفيش مشاكل و ان كنت اعتقد انك مش هتلاقي حد يبدلك و إذا لقيت مش هتكسب حاجه لان الجنيه قيمته انخفضت في العالم كله مش مصر بس و لذلك فالفكره بالشكل ده لا تصلح. يمكن الطريقه الوحيده ان حضرتك لو نزلت بنفسك تدخل بدولارات في حد المسموح و تبدلها هنا و تشتري بيها حاجه سعرها بيغلي بسرعه زي الذهب مثلا و بكده تستفيد من فرق العمله في حاجه بتتباع في اي حته في العالم و سعر بيزيد بس طبعا تبقي عارف جرام الذهب في قطر بكام دولار و هل هنا هيبقي ارخص و لا لأ لانك ممكن تكتشفان الذهب هناك ارخص فيبيقي مفيش داعي لوجع القلب اصلا

[walidzakzok]

هو ده اخرك يعني ؟ حد يضحك عليه وياخدها منه؟
مهو يعني مش حيروح يغيرهم في حارة مزنوقة ولا في شارع ضلمة لا احب اعرفك انك ممكن تبيعهم في شركة الصرافة نفسها وبسعر السوق السودا لو تعرف حد فيها
انا سؤالي عن الامكانية انك تستلم في مصر دولارات وانك تبعتها لبرة تاني

مهو لمعلومات حضرتك اللي فى الحارة المزنوزقة دي اللي هايجر الزبون لما يفهمه انه هايشتريه منه ب تمانية

لكن الصرافة المحترمة هاتشتري منه فرق عن البنك ربع جنيه مثلا

هية المشكلة ان البلد بقت خرابة وكله عايز يطلع اي مصلحة وخلاص حتى لو على حساب البلد والموضوع مش بكتر الفلوس المهم البركة

[engaass]

الافضل نبعت الدولارات لمصر زى ما هى
و بكده نزود الدولارات فى مصر وبكده سعرها ينزل قدام الجنية والعملية تظبط شويه وده اللى فى صالح البلد

مقيم بالسعودية

[Habd]

الافضل نبعت الدولارات لمصر زى ما هى
و بكده نزود الدولارات فى مصر وبكده سعرها ينزل قدام الجنية والعملية تظبط شويه وده اللى فى صالح البلد

مقيم بالسعودية

ربنا يباركلك و يرزقك رزق طيب حلال

[sherif_hafez75]

انا ملاحظ ان بعض الاخوة بيتكلموا علي اساس ان الموضوع حرام وان الواحد يرضي بالقليل الحلال احسن علشان كدة حبيت اوضح ان:
اولا: بيع وشراء العملة خارج الصرافة الرسمية ليس فيه ايه شبهة حرام بل هي عملية بيع وشراء حلال 100% بفتوي العلماء طالما توفرت فيها شروط البيع والشراء كالايجاب والقبول ويشترط فيها ان يتم البيع والتسليم في نفس جلسة العقد وليس اجلا
ثانيا: السعر الحقيقي للدولار يقاس بالسعر الذي يستطيع المشتري ان يحصل به علي الدولار فعلا وليس ما يعرضه البنك علي شاشته ولكن لا يستطيع توفيره فعلا
يعني ايه الفايدة لما يقولك سعر بيع الدولار 6.8 وبعدين تقوله طيب اديني 1000 دولار يقولك مفيش لكن برة البنك يقولك السعر 8 جنيه وتقدر تشتري فعلا يبقي أي واحد فيهم الي بيعكس السعر الحقيقي للدولار؟
ثالثا: انت مازلت تدعم الاقتصاد المصري عندما ترسل الدولارات الي مصر حتي لو قمت ببيعها في السوق السوداء لان الدولارات التي دخلت للبلد حسبت بالفعل في رصيد احتياطي العملة الصعبة للبلد وتساهم في رفع الاقتصاد فزيادة المعروض من الدولار للبيع حتي في السوق السوداء يساهم في خفض قيمة الدولار امام الجنيه حسب قانون العرض والطلب (الكلام للاخ بتاع البلد بقت خرابة وكل واحد عايز يعمل مصلحة علي حساب البلد)
رابعا: من المفهوم ان اسعار كل شيء في مصر زادت بسبب زيادة الدولار مثل اسعار السيارات مثلا يبقي انا لما ابيع الدولار لازم ابيعة بالسعر الي ترتبت عليه زيادة الاسعار ولا ابيع الدولار بالرخيص واشتري السلع الي زادت بسببه بالغالي؟
خامسا:انا ما رضيتش اعلق علي الموضوع اصلا الا بعد ما تم الموضوع وارسلت الدولارات لمصر فعلا وتم بيعها بسعر 7.92 جنية ومن شركة الصرافة نفسها (الكلام للاخ بتاع شركات الصرافة المحترمة والسعر زيادة ربع جنيه)
هذا للعلم وشكرا للاخوة الذين لم يبخلوا علي بأرائهم والله الموفق

[walidzakzok]

انا ملاحظ ان بعض الاخوة بيتكلموا علي اساس ان الموضوع حرام وان الواحد يرضي بالقليل الحلال احسن علشان كدة حبيت اوضح ان:
اولا: بيع وشراء العملة خارج الصرافة الرسمية ليس فيه ايه شبهة حرام بل هي عملية بيع وشراء حلال 100% بفتوي العلماء طالما توفرت فيها شروط البيع والشراء كالايجاب والقبول ويشترط فيها ان يتم البيع والتسليم في نفس جلسة العقد وليس اجلا
ثانيا: السعر الحقيقي للدولار يقاس بالسعر الذي يستطيع المشتري ان يحصل به علي الدولار فعلا وليس ما يعرضه البنك علي شاشته ولكن لا يستطيع توفيره فعلا
يعني ايه الفايدة لما يقولك سعر بيع الدولار 6.8 وبعدين تقوله طيب اديني 1000 دولار يقولك مفيش لكن برة البنك يقولك السعر 8 جنيه وتقدر تشتري فعلا يبقي أي واحد فيهم الي بيعكس السعر الحقيقي للدولار؟
ثالثا: انت مازلت تدعم الاقتصاد المصري عندما ترسل الدولارات الي مصر حتي لو قمت ببيعها في السوق السوداء لان الدولارات التي دخلت للبلد حسبت بالفعل في رصيد احتياطي العملة الصعبة للبلد وتساهم في رفع الاقتصاد فزيادة المعروض من الدولار للبيع حتي في السوق السوداء يساهم في خفض قيمة الدولار امام الجنيه حسب قانون العرض والطلب (الكلام للاخ بتاع البلد بقت خرابة وكل واحد عايز يعمل مصلحة علي حساب البلد)
رابعا: من المفهوم ان اسعار كل شيء في مصر زادت بسبب زيادة الدولار مثل اسعار السيارات مثلا يبقي انا لما ابيع الدولار لازم ابيعة بالسعر الي ترتبت عليه زيادة الاسعار ولا ابيع الدولار بالرخيص واشتري السلع الي زادت بسببه بالغالي؟
خامسا:انا ما رضيتش اعلق علي الموضوع اصلا الا بعد ما تم الموضوع وارسلت الدولارات لمصر فعلا وتم بيعها بسعر 7.92 جنية ومن شركة الصرافة نفسها (الكلام للاخ بتاع شركات الصرافة المحترمة والسعر زيادة ربع جنيه)
هذا للعلم وشكرا للاخوة الذين لم يبخلوا علي بأرائهم والله الموفق

مع احترامي ليك كلامك كله مغالطات
اولا لما السوق السودة تزدهر ويبقى الدولار موجود ولانك بتبعته كدة تبقى بتساهم فى الاقتصاد!!! الكلام دة الواحد بيضحك بيه على نفسه لان اللي بيعمل كدة بيساهم فى ازهار السوق السودة واللي بتزود سعر الدولار مش لسبب طبيعي ولكن بسبب تعطيش السوق السودة للدولار وتحقيق ارباح خيالية.

اما قانون العرض والطلب ف الكلام دة فى الدول المحترمة مش الدول اللي مليانة غش وفساد

عايز تخدم اقتصاد مصر فعلا ابقى حول من البنك

وانا اعرف ناس بيخبوا الدولارات وهما نازلين من الخليج علشان يوفروا مصاريف التحويل كمان ويبيعوها سوق سودة وبكدة بيدعموا الاقتصاد!!

[sherif_hafez75]

يعني حضرتك عايز تفهمني انك ممكن تدخل شركة الصرافة تطلب تغيير ١٠٠٠ دولار مثلا وتغيرهم ب ٦٨٠٠ جنيه مع ان نفس الشركة في نفس المكان ونفس اللحظة ممكن يديلك ٧٩٠٠ جنيه؟ وبعدين ايه المغالطات في كلامي في ان زيادة العرض من الدولار لازم تنزل سعره لان الناس بتشتري بالغالي لانه مش موجود فا بالتالي لو اتوفر حيرخص مش محتاجة حسبة يعني

[walidzakzok]

لو عايز تسثمر فى الدولار وفى نفس الوقت تفيد البلد افتح حساب بالدولار فى مصر وسيبه شوية ولما تحتاج الفلوس هتلاقي الدولار ساعتها ب 10 جنيه على الاقل وخلى بالك اسعار العقرات او الاراضي والشقق مش هاتزيد بنفس النسبة بسبب الركود

[engaass]

انا ملاحظ ان بعض الاخوة بيتكلموا علي اساس ان الموضوع حرام وان الواحد يرضي بالقليل الحلال احسن علشان كدة حبيت اوضح ان:
اولا: بيع وشراء العملة خارج الصرافة الرسمية ليس فيه ايه شبهة حرام بل هي عملية بيع وشراء حلال 100% بفتوي العلماء طالما توفرت فيها شروط البيع والشراء كالايجاب والقبول ويشترط فيها ان يتم البيع والتسليم في نفس جلسة العقد وليس اجلا
ثانيا: السعر الحقيقي للدولار يقاس بالسعر الذي يستطيع المشتري ان يحصل به علي الدولار فعلا وليس ما يعرضه البنك علي شاشته ولكن لا يستطيع توفيره فعلا
يعني ايه الفايدة لما يقولك سعر بيع الدولار 6.8 وبعدين تقوله طيب اديني 1000 دولار يقولك مفيش لكن برة البنك يقولك السعر 8 جنيه وتقدر تشتري فعلا يبقي أي واحد فيهم الي بيعكس السعر الحقيقي للدولار؟
ثالثا: انت مازلت تدعم الاقتصاد المصري عندما ترسل الدولارات الي مصر حتي لو قمت ببيعها في السوق السوداء لان الدولارات التي دخلت للبلد حسبت بالفعل في رصيد احتياطي العملة الصعبة للبلد وتساهم في رفع الاقتصاد فزيادة المعروض من الدولار للبيع حتي في السوق السوداء يساهم في خفض قيمة الدولار امام الجنيه حسب قانون العرض والطلب (الكلام للاخ بتاع البلد بقت خرابة وكل واحد عايز يعمل مصلحة علي حساب البلد)
رابعا: من المفهوم ان اسعار كل شيء في مصر زادت بسبب زيادة الدولار مثل اسعار السيارات مثلا يبقي انا لما ابيع الدولار لازم ابيعة بالسعر الي ترتبت عليه زيادة الاسعار ولا ابيع الدولار بالرخيص واشتري السلع الي زادت بسببه بالغالي؟
خامسا:انا ما رضيتش اعلق علي الموضوع اصلا الا بعد ما تم الموضوع وارسلت الدولارات لمصر فعلا وتم بيعها بسعر 7.92 جنية ومن شركة الصرافة نفسها (الكلام للاخ بتاع شركات الصرافة المحترمة والسعر زيادة ربع جنيه)
هذا للعلم وشكرا للاخوة الذين لم يبخلوا علي بأرائهم والله الموفق

حضرتك الموضوع مش حرام وحلال الموضوع كله انك لما بتحول الفلوس على البنك فده بيزود احتياطى النقد الاجنبى فى البنوك وبالتالى فطبقا لقاعدة العرض والطلب كلما زاد المعروض كلما قل الثمن وفى الاخر الموضوع يخضع لرايك انت بس

[hobiko]

الحقيقة ان الغلط هنا يقع على الحكومة ........ مش على المواطن العادى

الأصلا فى فكرة تعويم سعر الجنيه و جعل قيمته خاضعة لقواعد السوق الحر و على رأسها أليات العرض و الطلب هو القضاء على السوق السوداء ...... لأنكك ببساطة مش حتبقى فى حاجة اليها لأن سعر الجنيه امام الدولار مثلا بيتغير كل يوم حسب العرض و الطلب فما فيش سوق سودة كده اصلا

و ده اللى نظريا المفروض ان مصر عاملاه من زمان ........ هنا بقى بييجى دور الحكومة هى و شطارتها ازاى تخلى عملة صعبة كتير تدخل البلد و فى نفس الوقت تعمل صناعة و زراعة و تجارة محلية تغنى عن الأستيراد و تعمل رقابة داخلية على اسعار السلع المستوردة و بالتالى استهلاك الدولار يقل فبالتالى برده سعر الدولار قدام الجنيه ينزل

اللى حاصل طبعا العكس بس ماعلينا ........ المشكلة ان الحكومة لجئت لخدعة قديمة قدم السنين فى محاولة لتجميل وجهها ليس أكثر و هى خدعة تثبيت سعر الدولار امام الجنيه بقرار منها بعيدا عن قيمته الحقيقية او مدى توفره فى السوق او اى حاجة تانية

و طبعا نتيجة ان السعر اللى فرضته الحكومة فرضا ده لا يعكس وضع السوق الحقيقى بأى حال من الأحوال ........ ازدهرت بشكل كبير و مفاجىء ما يطلق عليه السوق السودة و هى فى الحالة ديه بصراحة لا يطلق عليها سوق سوده قد ما يطلق عليها سوق حقيقية ........ لأنها بتعكس بشكل حقيقى قيمة الجنيه امام الدولار و مدى توفره استنادا لأليات العرض و الطلب و السوق الحر

الناس فاكرة كلمة سوق سودة يعنى مثلا كأننا بنشترى مخدرات و ده مش صح ..... روح اى مكتب صرافة عادى و مرخض و كل حاجة و قله معايا 3 الاف دولار مثلا ....... تشتريهم منى بكام و من غير ولا كلمة تانية ........ و اسمع هو لوحده خالص حيقولك ايه

اما حتة الوطنية و عشان خاطر مصر و يا حبيبتى يا مصر و اصله ماعداش على مصر و الكلام الجميل ده كله ........... للأسف مالوش مكان فى الوضع ده لأنه ببساطة مش حيكون مؤثر بالشكل اللى بتتخيلوه

ليه ؟؟؟؟

عشان ببساطة انت ممكن تحول فلوسك على البنك (و لا زم يكون بنك حكومى على فكرة) و تحول فيه الدولار بسعر البنك المركزى و عشان خاطر عيون مصر ........ ممكن و بقول ممكن مش دايما ييجى رجل اعمال او مستثمر ياخد الدولارات ديه من البنك على اسا انه حيستورد حاجات و كده و ممكن يطلع نصاب حياخد الدولارات من البنك بالسعر القليل و يبيع بالغالى فى السوق السودة و يكسب هو او يروح يستورد حلبسه مستوردة بالفلوس ديه

و عظيمة يا مصر :)

[walidzakzok]

الحقيقة ان الغلط هنا يقع على الحكومة ........ مش على المواطن العادى

الأصلا فى فكرة تعويم سعر الجنيه و جعل قيمته خاضعة لقواعد السوق الحر و على رأسها أليات العرض و الطلب هو القضاء على السوق السوداء ...... لأنكك ببساطة مش حتبقى فى حاجة اليها لأن سعر الجنيه امام الدولار مثلا بيتغير كل يوم حسب العرض و الطلب فما فيش سوق سودة كده اصلا

و ده اللى نظريا المفروض ان مصر عاملاه من زمان ........ هنا بقى بييجى دور الحكومة هى و شطارتها ازاى تخلى عملة صعبة كتير تدخل البلد و فى نفس الوقت تعمل صناعة و زراعة و تجارة محلية تغنى عن الأستيراد و تعمل رقابة داخلية على اسعار السلع المستوردة و بالتالى استهلاك الدولار يقل فبالتالى برده سعر الدولار قدام الجنيه ينزل

اللى حاصل طبعا العكس بس ماعلينا ........ المشكلة ان الحكومة لجئت لخدعة قديمة قدم السنين فى محاولة لتجميل وجهها ليس أكثر و هى خدعة تثبيت سعر الدولار امام الجنيه بقرار منها بعيدا عن قيمته الحقيقية او مدى توفره فى السوق او اى حاجة تانية

و طبعا نتيجة ان السعر اللى فرضته الحكومة فرضا ده لا يعكس وضع السوق الحقيقى بأى حال من الأحوال ........ ازدهرت بشكل كبير و مفاجىء ما يطلق عليه السوق السودة و هى فى الحالة ديه بصراحة لا يطلق عليها سوق سوده قد ما يطلق عليها سوق حقيقية ........ لأنها بتعكس بشكل حقيقى قيمة الجنيه امام الدولار و مدى توفره استنادا لأليات العرض و الطلب و السوق الحر

الناس فاكرة كلمة سوق سودة يعنى مثلا كأننا بنشترى مخدرات و ده مش صح ..... روح اى مكتب صرافة عادى و مرخض و كل حاجة و قله معايا 3 الاف دولار مثلا ....... تشتريهم منى بكام و من غير ولا كلمة تانية ........ و اسمع هو لوحده خالص حيقولك ايه

اما حتة الوطنية و عشان خاطر مصر و يا حبيبتى يا مصر و اصله ماعداش على مصر و الكلام الجميل ده كله ........... للأسف مالوش مكان فى الوضع ده لأنه ببساطة مش حيكون مؤثر بالشكل اللى بتتخيلوه

ليه ؟؟؟؟

عشان ببساطة انت ممكن تحول فلوسك على البنك (و لا زم يكون بنك حكومى على فكرة) و تحول فيه الدولار بسعر البنك المركزى و عشان خاطر عيون مصر ........ ممكن و بقول ممكن مش دايما ييجى رجل اعمال او مستثمر ياخد الدولارات ديه من البنك على اسا انه حيستورد حاجات و كده و ممكن يطلع نصاب حياخد الدولارات من البنك بالسعر القليل و يبيع بالغالى فى السوق السودة و يكسب هو او يروح يستورد حلبسه مستوردة بالفلوس ديه

و عظيمة يا مصر :)

متفق مع كلامك جزئيا بس انا لو عملت كل حاجة زي ما الناس بتعملها حتى لو غلط يبقى لما ربنا يحاسبني هاقوله اصل الناس كانت بتعمل كدة وانا عملت زيهم !!! الناس دي حسابها على ربنا انا اعمل اللي انا شايفه صح واللي ربنا هايسالني عليه حتى لو خسرت شوية فلوس فربنا هايكرمني فى حاجات تانية اكتر بكتيرر

والا ايه رايك