استشارة عاجلة من أهل الخبرة

[deleto_2003]

النهاردا كنت بتكلم مع الشركة في السعودية بيقولولي في مكتب تسفير عمالة تبعهم في القاهرة هايخلصلي الورق بتاعي. المهم كلمني واحد من المكتب دا و قاللي ان كل حاجة من توثيقات او اي حاجة بتم من خلاله و هو في القاهرة وانا في الاسكندرية. و بيقوللي انه بياخد اتعاب 500 دولار (يعني 3500 مصري) + المصاريف التانية و الكشف الطبي و بعديمن بيديني فاتورة بيهم و لما اروح السعودية ابقا استردهم من الشركة. ايه رأيك في الكلام دا عشان انا بقلق من المواضيع دي خصوصا مع تجربة صديق ليا؟
حاجة كمان بيقوللي واحد من المكتب دا ان لازم هاغير الباسبور بتاعي عشان اغير المهنة و كمان التأشيرة بتاعتي بيقوللي مش هاينفع معايا غير اخصائي تسويق عشان وظيفتي المفروض انها تخضع للسعودة و انا وظيفتي في الباسبور صاحب شركة. ايه رأيك في الموضوع دا؟
بصراحة بدأ يضايقني الموضوع عشان اللي كتبتهولكم فوق: يعني في شغلي مثلا لو حد بيتعامل معايا و طلبت منه يروح لمكتب معين بكون اول حاجة في حساب بيني و بين المكتب دا و مش بجبر حد يدفع حاجة و اقوله استردها مني بعدين ولا ايه؟
كمان اني في اسكندرية و بيقوللي لازم كل حاجة في القاهرة طيب ما في هنا قنصلية و مكاتب صحة مش الاحسن اشوف عيادتهم اللي بيعترفوا بيها ايه هنا و اخلص حاجاتي هنا؟!
موضوع اني اغير الوظيفة علي الباسبور برضو مضايقني انا عارف اني كدا كدا حاغيرها لكن مش عجباني اللي عايزني احوطه دا.
بالمناسبة المكتب بتاع التسفير اللي في القاهرة اسمه الحكمة لالحاق العمالة.
يا ريت تردوا عليا بحكم خبرتكم. شكرا ليكم و لوقتكم أحمد

[deleto_2003]

لا اله الا أنت سبحانك اني كنت من الظالمين

[محمد بازيد]

اخى الفاضل انت عارف ان دة سبوبة للمكتب انت المفروض المكتب بياخذ نسبة لانك شكلك مش دافع ثمن للتاشيرة هو بيقلبك فى الفلوس دى وبعين اخصائى تسويق عادى انت ممكن تشوف المهنة اللى جاى بيها التاشيرة وتغير الباسبور زيها ب الشركات هنا مش بترد فلوس انت دفعتها فى مصر اللا لوا الموضوع وارد ذكرة فى العقد

[deleto_2003]

اخى الفاضل انت عارف ان دة سبوبة للمكتب انت المفروض المكتب بياخذ نسبة لانك شكلك مش دافع ثمن للتاشيرة هو بيقلبك فى الفلوس دى وبعين اخصائى تسويق عادى انت ممكن تشوف المهنة اللى جاى بيها التاشيرة وتغير الباسبور زيها ب الشركات هنا مش بترد فلوس انت دفعتها فى مصر اللا لوا الموضوع وارد ذكرة فى العقد

شكرا يا محمد علي فكرة انا اتكلمت مع الشركة في موضوع التأشير ة خلاص ان شاء الله تطلع بالوظيفة بتاعتي (أرجو ذلك) و كدا كدا هاغير المهنة في البطاقة و بناءا عليه في الباسبور ان شاء الله.
بالنسبة لموضوع الفلوس بتاعت الشركة هاقولهوم لو ينفع تتضاف علي الفاتورة. ربنا يخليك.
تحياتي

[engaass]

الشركات فى السعودية مش بترد عمولة المكاتب اللى فى مصر وطبعا لازم تغير المهنة فى الباسبور زى التاشيرة وبعدين تاشيرات العمل بتطلع غالبا من السويس بس

[deleto_2003]

الشركات فى السعودية مش بترد عمولة المكاتب اللى فى مصر وطبعا لازم تغير المهنة فى الباسبور زى التاشيرة وبعدين تاشيرات العمل بتطلع غالبا من السويس بس

شكرا لردك و مساعدتك و وقتك

[Hany Adel]

مش بيدوا في السعودية
لا العمولة
او تذكرة الطيارة
او اي شئ
الا ما هو متفق عليه في العقد فقططططططط

وخدك بالك جدا من حكاية المكتوب في العقد
اي كلام شفوي لا قييييييييييييييييييييييييييييييييييييييييييييييييي ييييمة له نهاااااااااااااااااائيا

وما تأملش فيه ابدا
ما يعرفوش غير الورق ..

[engaass]

مش بيدوا في السعودية
لا العمولة
او تذكرة الطيارة
او اي شئ
الا ما هو متفق عليه في العقد فقططططططط

وخدك بالك جدا من حكاية المكتوب في العقد
اي كلام شفوي لا قييييييييييييييييييييييييييييييييييييييييييييييييي ييييمة له نهاااااااااااااااااائيا

وما تأملش فيه ابدا
ما يعرفوش غير الورق ..

متنفق معاك فى كل اللى قولته بس بصراحة انا اخدت قيمة التذكرة بس هى كان المفروض المكتب يحجزلى بس قاعدو يماطلو فكلمت الشركة فى السعودية واتفقت معاهم انى احجز وبعدين اصرفها وقد كان

[deleto_2003]

متنفق معاك فى كل اللى قولته بس بصراحة انا اخدت قيمة التذكرة بس هى كان المفروض المكتب يحجزلى بس قاعدو يماطلو فكلمت الشركة فى السعودية واتفقت معاهم انى احجز وبعدين اصرفها وقد كان

السلام عليكم و شكرا لردودكم و كل سنة و انتم طيبين
لما واجهت الشركة في السعودية بالمصاريف اللي شركة التسفير طلبتها هنا قالولي هات فاتورة منه معاك و انت جاي. تفتكروا ممكن استرد ولا فعلا اللي في العقد بس؟ مش عارف
تحياتي لكم

[engaass]

بص كل شىء جايز خد الفاتورة ومش هتخسر حاجة
كل عام وانتم بخير

[أبو صلاح]

اللي اعرفه لو انت اللي جايب الوظيفة الاتصال مابينك وبين الكفيل مباشرة من البداية يبقى المكتب مبايخدش اي عمولات بس بياخد مصاريف لا تتجاوز 500 جنيه
وبعدين مفيش اي مكتب بيدي فواتير لانهم كلهم بيلعبوا على الضرائب وبيلعبو في الاوراق الرسمية بتاعة مكتب العمل
اخيرا انا مستغرب موقف الشركة السعودية ازاي تقبل بالكلام ده في حين ان دور المكتب انهاء اوراق فقط وانك اتفاقك كان معاهم مباشرة

بالنسبة للعقد هيجيلك النسختين من السعودية موثقين ولا هيتعملوا هنا في مصر والمكتب هو اللي هيمضي مكان الكفيل ويختم؟
انا بسال السؤال ده لان المكتب هو اللي هيمضي ويختم يبقى معاه توكيل موثق من الكفيل وده يبقى شبهة انك بنتورط في لعبة مش ظريفة
ولو كش عامله توكيل اطلب من الكفيل انك تختار مكتب قريب من سكنك وتبعتله بيانات المكتب ده علشان يعمله توكيل بانهاء اجراءات سفرك

[ESO101]

أهلًا بيك يا أخي
أولًا المكتب دا لازم تتكلم معاهم وتعرف المطلوب بالظبط وتشوف هل فيه إمكانية تعملها بدون الرجوع ليه
إسأل الشركة في السعودية عن إمكانية قيامك أنت بالمطلوب بنفسك بدون الرجوع للمكتب إلا للحاجة
غير كدا خد بالك من حاجة مهمة جدًا
الباسبور لازم المهنة فيه تطابق المهنة الموجودة في التأشيرة
ومن الأفضل وركز على النقطة دي إنك ماتشتغلش برا تخصصك لإنه يصعب تغييره بعدين
وتأكد إنك هتشتغل في نفس المهنة اللي أخدت التأشيرة عليها ومع نفس الكفيل
لإن هنا في السعودية فيها ترحيل على طول لو شغال في مهنة غير الموجودة
أو بتشتغل في مكان غير مكانك أو مع كفيل غير كفيلك
تأكد من العقد تمامًا وإسأل عن الشركة
بمجرد مابتيجي وتكون صرفت دم قلبك كل الكلام الجميل اللي بيتقال ( بيتلحس )
وبيركبولك الوش الخشب
ربنا يوفقك

[deleto_2003]

اللي اعرفه لو انت اللي جايب الوظيفة الاتصال مابينك وبين الكفيل مباشرة من البداية يبقى المكتب مبايخدش اي عمولات بس بياخد مصاريف لا تتجاوز 500 جنيه
وبعدين مفيش اي مكتب بيدي فواتير لانهم كلهم بيلعبوا على الضرائب وبيلعبو في الاوراق الرسمية بتاعة مكتب العمل
اخيرا انا مستغرب موقف الشركة السعودية ازاي تقبل بالكلام ده في حين ان دور المكتب انهاء اوراق فقط وانك اتفاقك كان معاهم مباشرة

بالنسبة للعقد هيجيلك النسختين من السعودية موثقين ولا هيتعملوا هنا في مصر والمكتب هو اللي هيمضي مكان الكفيل ويختم؟
انا بسال السؤال ده لان المكتب هو اللي هيمضي ويختم يبقى معاه توكيل موثق من الكفيل وده يبقى شبهة انك بنتورط في لعبة مش ظريفة
ولو كش عامله توكيل اطلب من الكفيل انك تختار مكتب قريب من سكنك وتبعتله بيانات المكتب ده علشان يعمله توكيل بانهاء اجراءات سفرك

شكرا جزيلا لردك و الوافي و اؤيدك الرأي جدا و انا مستغرب
أصلا انا كنت حاطت السي في بتاعتي علي موقع و شركة توظيف في دبي شافتها و رشحتني للشركة السعودية و بعد اختبارات و امتحانات و انرفيوهين و مقابلة وافقوا و راحوا قايلينلي انهم بيتعاملوا مع مكتب معين في القاهرة رغم اني في اسكندرية و عملولوه توكيل الكتروني عشان يخلص الورق بتاعي
الشركة اللي هنا بتقوللي اني طبقا للمعاملة بتاعتها مع الشركة السعودي انا المفروض ادفع 3500 جنيه غير الكشف الطبي و اخد منهم فاتورة بيهم و حتي شاملة الكشف الطبي و اخودها معايا و الشركة السعودي تدفعها. لما بعت مايلز للشركة السعودي بقولهم ان دي حاجة داخلية مبينهم و بين الشركة اللي هنا قالولي هات الفاتورة معاك و انت جاي!! المهم تقريبا انا اتورطت مع الشركة اللي في القاهرة و المفروض ابعتلهم الباسبور و الاوراق عشان يبدأ الاجراءات و لما اروح الكسف الطبي ادفعلهم.
ايه رأيك؟
شكرا لوقتك و مساعدتك

[deleto_2003]

أهلًا بيك يا أخي
أولًا المكتب دا لازم تتكلم معاهم وتعرف المطلوب بالظبط وتشوف هل فيه إمكانية تعملها بدون الرجوع ليه
إسأل الشركة في السعودية عن إمكانية قيامك أنت بالمطلوب بنفسك بدون الرجوع للمكتب إلا للحاجة
غير كدا خد بالك من حاجة مهمة جدًا
الباسبور لازم المهنة فيه تطابق المهنة الموجودة في التأشيرة
ومن الأفضل وركز على النقطة دي إنك ماتشتغلش برا تخصصك لإنه يصعب تغييره بعدين
وتأكد إنك هتشتغل في نفس المهنة اللي أخدت التأشيرة عليها ومع نفس الكفيل
لإن هنا في السعودية فيها ترحيل على طول لو شغال في مهنة غير الموجودة
أو بتشتغل في مكان غير مكانك أو مع كفيل غير كفيلك
تأكد من العقد تمامًا وإسأل عن الشركة
بمجرد مابتيجي وتكون صرفت دم قلبك كل الكلام الجميل اللي بيتقال ( بيتلحس )
وبيركبولك الوش الخشب
ربنا يوفقك

اهلا بيك يا اخي و كل سنة و انت طيب
للأسف لازم من خلال المكتب دا خصوصا كمان انه معاه توكيل الكتروني من الشركة في السعودية و انت عارف ان السفارة بتاعتهم مبتتعاملش مع جمهور لازم من خلال شركات
الحمد لله الشغل بنفس تخصصي و برودا لما تخلص الاجراءات هاتأكد ان كل حاجة تمام. العقد وصلني و مختوم من الغرفة في السعودية و عليه تصديق الخارجية و هنا انا عملته توثيق الخارجية بتاعتنا و كمان الشركة اللي في القاهرة قبل ما تبعتهولي اخدت عليه ختم القنصلية قبل اجازة العيد.
دلوقتي بعت ما الشركة اللي في القاهرة بعتتلي العقد، أنا عدلت بطاقتي و الباسبور و ناقص اكمل باقي الاجراءات و ربنا يسهل. دا كل اللي حصل معايا
تحياتي