استفسار لإخواننا المقيمين ف السعودية

[احمد-اسلام]

السلام عليكم ورحمة الله وبركاته .........لو سمحتم أنا خريج كلية علوم دفعة 2012 و فيه اعلان لقيته عن وظيفة مدرس في الطائف و كنت عاوز اعرف ايه رأي حضراتكم ف العرض من الناحية المادية و تكاليف المعيشة و كده يعني .......


ده العرض ان شاء الله

(نطلب مدرسين لكبري المدارس الاهلية في السعودية ( الطائف ) معلم أحياء )

توفر المدارس السكن و التامين الطبي و الانتقالات و تذاكر الطيران و شهر اجازة مدفوع الراتب سنويآ
الراتب يبدآء من 2200 ريال
........

أرجو المساعدة و شكرا لإهتمام حضراتكم ..........

[Haitham Basha]

شوف يا باشا أنا مولود في السعودية و فضلت فيها لحد ما خلصت ثانوي و والدي لسه مقيم فيها لحد دلوقتي العرض ده نصيحه من أخ بلاش منو لو بتاخد في مصر 1500 جنيه يبقى برقبتهم أقل حاجة تصافر عليها 6000 ريال سعودي و عامتاً السعوديه خلاص مبقتش زي الأول السعوده للوظائف خلت الموضوع إتغير و بقى الحد الأقصى لبداية التعيين هو 2600 ريال ... فنصيحة لو عايز تسافر إبعد عن السعودية و الإمارات لأن الإمارات غاليه جداً و السكن عالي و الأكل و الشرب غاليين جداً و السعوديه زي ما قلتلك فا لوعايز يبقى الكويت ، قطر ، عمان أو البحرين ... وفقك الله لما فيه الخير و الصلاح ... تقبل مروري ...

[Ahmed.Ali]

قطر اغلي من السعوديه و الامارت في كل حاجه اساسا مفيش ارخص من السعوديه في الخليج

[محمد بازيد]

السلام عليكم ورحمة الله وبركاتة
أخى الفاضل انت خريج جديد يعنى بدون خبرة انت ممكن تروح المكتب تشوف اية العرض كامل والمكتب هياخذ منك قد اية لان 2200 قليل شوية بس مدام بيوفرا السكن وكل حاجة عليهم يبقى مناسب كبداية مدام منتش ملتزم فى مصر يعنى وظيفة حكومية