الاجرائات اللازمة لأضافة مولود جديد بالسعودية !

[wael_hassan]

السلام عليكم ورحمة الله
انا أعمل بمنطقة نجران بالسعوديه ولي استفسارات من المصريين المقيمين بالسعودية بخصوص مولود جديد ان شاء الله وهي كالتالي

- شهادة الميلاد هل تستخرج من السعوديه وكيفيه استخراجها . ام من مصر عند النزول اجازة
-:هل سيحتاج الي جواز سفر خاص بالمولود عند النزول وكيف يستخرج وما الاجرائات اللازمة والمستندات المطلوبه في هذا الشأن وانا بالسعوديه
هل سيستخرج له هويه "رخصة أقامة "؟
- كيف اقوم بعمل اضافة للمولود بالجوازات بالسعوديه وماذا عن تأشيرة الخروج والعودة ؟؟حتي نتمكن من النزول والرجوع من الاجازة الي المملكة بدون اعاقات قانونيه

انا عارف انها اسئلة كتيرة وارجو من المقيمين بالسعودية اللي لهم تجربه في هذا الموضوع افادتنا ولكم جزيل الشكر

[أبو صلاح]

السؤال الاهم
الولادة تمت فين ؟.

[wael_hassan]

السؤال الاهم
الولادة تمت فين ؟.

الولادة بالسعوديه ان شاء الله

[أبو صلاح]

حضرتك بتاخد اخطار الولادة من المستشفى
ويكون معاك جواز سفرك واقامتك وكذلك زوجتك وتروح بيهم السفارة وتطلع بيهم شهادة ميلاد ثم تطلع ليه باسبور من السفارة ايضا

وعامة ده موقع السفارة على الفيس بوك

https://www.facebook.com/Egyptian.Consulate.In.Riyadh

[wael_hassan]

حضرتك بتاخد اخطار الولادة من المستشفى
ويكون معاك جواز سفرك واقامتك وكذلك زوجتك وتروح بيهم السفارة وتطلع بيهم شهادة ميلاد ثم تطلع ليه باسبور من السفارة ايضا

وعامة ده موقع السفارة على الفيس بوك
https://www.facebook.com/egyptian.consulate.in.riyadh

شكرا يا باشا علي اهتمامك
هل بعد الباسبور بيتعمل اقامة للمولود واذاي ؟علما اني كنت عامل استقدام للأسرة من قبل

[أبو صلاح]

لما تطلع شهادة ميلاد للمولود وتعمله باسبور في السفارة (الاجراءات دي بتطول شوية)
بتاخد الباسبور واقامتك وتروح الجوازات وهتدفع 2000 ريال رسوم استقدام وتاخد الاقامة وانت واقف

[wael_hassan]

لما تطلع شهادة ميلاد للمولود وتعمله باسبور في السفارة (الاجراءات دي بتطول شوية)
بتاخد الباسبور واقامتك وتروح الجوازات وهتدفع 2000 ريال رسوم استقدام وتاخد الاقامة وانت واقف

شكرا ياباشا
بس حضرتك متأكد ان هاعمل استقدام للمولود ، لاني كنت عامل استقدام من قبل للأسرة

[أبو صلاح]

شكرا ياباشا
بس حضرتك متأكد ان هاعمل استقدام للمولود ، لاني كنت عامل استقدام من قبل للأسرة

انا آسف معلش على الخطأ الغير مقصود
طالما المولود هنا في السعودية بتعمله الاقامة مجانا
لو من مصر بتدفعله مصاريف استقدام

آسف

[wael_hassan]

انا آسف معلش على الخطأ الغير مقصود
طالما المولود هنا في السعودية بتعمله الاقامة مجانا
لو من مصر بتدفعله مصاريف استقدام

آسف

طمنطني يا باشا شكرا لاهتمامك

[M.Moustafa]

معلش معلومة واحده زياده هو ان حضرتك لازم تطلعله شهاده ميلاد سعودية وتوثقها من الخارجيه السعودية بيها تقدر تطلعله اقامة علي طول مش شرط الباسبور

[Mamdoh Elarby]

هيا الخطوات اللي تمت معايا كالاتي تماما

1 - تاخد ابلاغ الولادة من المستشفي و جواز السفر الاصل و الاقامات الاصل للاب و الام و تروح الاحوال المدنية تعمل شهادة ميلاد سعودية.
2 - قبلها تكون حاجز ميعا بالتاريخ من علي موقع الداخليه
3- بعد ما تعمل شهادة الميلاد السعودية تطلع علي السفارة تطلب شهادة ميلاد مصرية ( لازم عشان تعمل الباسبور) ب 55 ريال
4- خدت معايا حوالي شهرين و اخويا طبعلي نسخة من مالسجل المدني في مصر و بعتهالي لكن لو استنيتها هتاخد حوالي 4 شهور
5- لما تيجي شهادة الميلاد تاخد 4 صور للطفل و تروح تعمل البابور برده في السفارة ب 455 ريال
6 - بياخد 3 اسابيع و تستلمه و بعد كده تطلع علي الجوازات تعمل اقامة علي طول او تديها لمعقب الشركة يخلصهالك

ملاحظة في السفارة بياخدو صورة شهادة الميلاد متسيبش الاصل

[wael_hassan]

هيا الخطوات اللي تمت معايا كالاتي تماما

1 - تاخد ابلاغ الولادة من المستشفي و جواز السفر الاصل و الاقامات الاصل للاب و الام و تروح الاحوال المدنية تعمل شهادة ميلاد سعودية.
2 - قبلها تكون حاجز ميعا بالتاريخ من علي موقع الداخليه
3- بعد ما تعمل شهادة الميلاد السعودية تطلع علي السفارة تطلب شهادة ميلاد مصرية ( لازم عشان تعمل الباسبور) ب 55 ريال
4- خدت معايا حوالي شهرين و اخويا طبعلي نسخة من مالسجل المدني في مصر و بعتهالي لكن لو استنيتها هتاخد حوالي 4 شهور
5- لما تيجي شهادة الميلاد تاخد 4 صور للطفل و تروح تعمل البابور برده في السفارة ب 455 ريال
6 - بياخد 3 اسابيع و تستلمه و بعد كده تطلع علي الجوازات تعمل اقامة علي طول او تديها لمعقب الشركة يخلصهالك

ملاحظة في السفارة بياخدو صورة شهادة الميلاد متسيبش الاصل

شكرا ياباشا علي الشرح الوافي
بس ليا استفسار اختصارا للشهرين او الاربع شهور لأستخراج شهادة الميلاد المصرية ، هل مكن ابعت شهادة الميلاد السعودية لاخويا في مصر ويطلع شهادة مصرية ويبعتهالي ، وفي الحاله ديه يوثقها خارجية وسفارة ؟؟ لان الاجازة السنويه بتاعتي بعد الولادة بشهر ونص بالكتيرر والوقت مش كافي....
وشكرا جزيلا

[Mamdoh Elarby]

لا شكر علي واجب .. احنا اخوات

ينفع تبعتهاله بس لازم توثقها انت هنا في السعودية و بعد كده ابعتهاله و يروح يعملها من العباسية ... لازم و يبعتهالك لما تخلص تروح تعمل الباسبور في القنصلية