استفسار عن نزول سيارة لمصر نهائي

[أبو صلاح]

السلام عليكم
ياشباب انا معايا كورولا 2013 مانيوال اعتبر تاني يد رغم اني شاريها تاجير من الوكالة في السعودية
عايز انزل بالعربية دي مصر وادفع جماركها
ايه الورق المطلوب والإجراءات؟

[jackson_75]

أنا فى نفس مشكلتك وبسأل وماحدش بيرد خالص ، بس انت لازم تحدد هى كام سى سى . أن شاء الله حد بيفيدك

[أبو صلاح]

الكورولا مانيوال 1600 سي سي

[Ahmed_Adham]

لو انت أول مالك ليها ينفع تنزل بيها غير كده لاء. ومنصحكش بالمانيوال في مصر لأن الاوتو بقى عذاب فما بالك المانيوال.

[hugan]

لو انت أول مالك ليها ينفع تنزل بيها غير كده لاء. ومنصحكش بالمانيوال في مصر لأن الاوتو بقى عذاب فما بالك المانيوال.

+11111

[أبو صلاح]

انا كنت سمعت قبل كده لو السيارة معداش على موديلها سنتين تنزل عادي

[raedegypt]

مانيوال انتهى عصره مع كثرة السيارات والزحمه
تانى مالك ما ينفع
بيع واشترى من مصر

[az01234]

السلام عليكم
ياشباب انا معايا كورولا 2013 مانيوال اعتبر تاني يد رغم اني شاريها تاجير من الوكالة في السعودية
عايز انزل بالعربية دي مصر وادفع جماركها
ايه الورق المطلوب والإجراءات؟

يمكن ان تنزل بها تربتك بس اما نزول نهائى للسيارة و تدفع جمرك لها فهذا ممنوع لانك لست اول مالك وتستطيع ان تسال فى السفاره بالرياض او القنصليه بجده عن شروط ادخال سيارة بصفة نهائية او تربتك

[mohamedrabia]

اول مالك له حق النزول بالسيارة ويتم تحدد الشرائح الجمركيه حسب سنة الموديل وسعه الماتور وسعر السيارة .... ويفضل بجميع الاحوال في حاله النزول بسيارة تكون بجميع المواصفات والكماليات المطلوبه لان اجراءات الافراج الجمركي وتخليص السيلرة بياخد مجهود ومبالغ وتحياتي للجميع

[أحمد كمال]

السلام عليكم
ياشباب انا معايا كورولا 2013 مانيوال اعتبر تاني يد رغم اني شاريها تاجير من الوكالة في السعودية
عايز انزل بالعربية دي مصر وادفع جماركها
ايه الورق المطلوب والإجراءات؟

الايجار المنتهي بالتملك لا يعتبر اول مالك فما ينفعش تنزل بيها

[أحمد كمال]

انا كنت سمعت قبل كده لو السيارة معداش على موديلها سنتين تنزل عادي

غير صحيح

[a7medsh3rawi]

لن تستطيع ترخيصها فى مصر لانك لا تعتبر اول مالك ولا يسمح لسيارات التأجير بدخولها مصر الى عن طريق التربتك والرجوع بها مره أخرى

كشفت القنصلية المصرية في "الرياض" عن الشروط الجمركية المطلوبة لاستيراد سيارة من المملكة العربية السعودية إلى مصر.

وقالت القنصلية في بيان لمكتب التمثيل التجارى بالرياض: "طبقًا لما ورد من مصلحة الجمارك فيما يتعلق بسيارات الركوب فيتم شراؤها خلال سنة الموديل وتكون موديل نفس العام "مالك أول"، كما يتم تسجيلها بالمرور باسم المشترى واستخراج برنت من المرور يكون موضحًا فيه عبارة "لا يوجد مالك سابق لهذه السيارة".


وأضاف: يتم اعتماد فاتورة الشراء والتصديق عليها من الجهات المختصة "غرفة تجارية، خارجية سعودية، قنصلية مصرية من شباك التصديقات".


ويتم سداد التعريفة الجمركية لسيارات الركوب للمحركات فئة 1600 سي سي بواقع 40% من سعر الوارد الإجمالى للسيارة وإضافة 15% ضريبة مبيعات، 3% رسم تنمية موارد.


أما السيارات فئة المحركات التي تبدأ من 1600 وحتى 2000 سي سي فيتم سداد نحو 135% رسوم جمركية من قيمة سعر الوارد الإجمالى للسيارة وإضافة 30% ضريبة مبيعات، 5% رسوم تنمية موارد، فيما يسدد نحو 135% رسوم جمركية للفئة الأعلى من 2000 سي سي، بالإضافة إلى 45% ضريبة مبيعات، 8.5% رسوم تنمية موارد.


وتشمل الشروط خصم 10% من قيمة السيارة في السنة الأولى من إجمالى فاتورة الشراء"، 5% عن كل سنة تالية بحد أقصى 50% بعد مضى تسع سنوات، منوهًا إلى أنه يتم احتساب السنة بداية من شهر أكتوبر في سنه الموديل.


وتسدد سيارات "البيك أب" والميكروباص 30% جمارك للأولى، بالإضافة إلى 10% ضريبة مبيعات، أما السيارات الميكروباص فيتم سداد 40% من قيمتها رسوم جمركية، 10% ضريبة مبيعات.


وتنص الشروك على إلزام صاحب السيارة الميكروباص رخصة قيادة مهنية أو سجل تجارى للإفراج عنه، أما بالنسبة للسيارات البيك أب فيلزم الإفراج عنها أن يحمل صاحبها رخصة قيادة مهنة أو وجود حيازة زراعية أو سجل تجارى، ولا تنطبق الشروط على عملية إيجار السيارة التىى تنتهى لتمليكها.


وقررت القنصلية عدم السماح بدخول سيارات الدفع الرباعى بنظام الإفراج المؤقت "التربتك" إلى مصر من خلال موانئ شبه جزيرة سيناء.

[a7medsh3rawi]

هذا نص الاعلان من السفاره المصريه بالرياض وطبعا اى قوانين فى غير مصلحة المصريين هتلاقيها عندهم باذن الله لانهم بيحطوا العقده والمنشار فى رقبة المصرى المتغرب عن بلده.

[elrasy]

طيب لو واحد جاب عربية 1600 cc زى السيراتو مثلا من السعودية ... هل الموضوع دة مجدى ؟؟

[a7medsh3rawi]

طيب لو واحد جاب عربية 1600 cc زى السيراتو مثلا من السعودية ... هل الموضوع دة مجدى ؟؟

سعر السيراتو نص كماليات 62 الف ريال 2016 والجمرك تقريبا 50 الف جنيه
يعنى التكلفه تقريبا 165 الف جنيه
اكتر من سعرها فى مصر