مش عارف ده حرام ولا ايه !!!

[rafeek633]

السلام عليكم ورحمة الله وبركاته

انا عايز اجيب سيارة من السعودية وانزلها معايا مصر نهائي
وطبعا لازم اكون المالك الأول

كل الناس عارفه أد ايه السيارات هنا رخيصة لكن اللي بيغلي الموضوع ده الجمارك اللي بتُفرض عليها
فواحد نصحني اني اجيب سيارة مستعملة 4 سنين يعني موديل 2011 تقريبا هاتكون رخيصة طبعا والجمارك هاتقل عليها علشان عدا اربع سنين على صناعتها
وقالي ان فيه ناس هنا بتخلص ورقة المرور بتاعة المالك الأول وبمبلغ بسيط جدا

فأنا بسأل الموضوع ده حرام ولا لأ ..
ولو مش حرام ياترى الجمارك ممكن تعرف اذا كانت الورقة دي مضروبه؟ ولا بيتأكدو منهاازاي يعني؟
مع العلم ان الورقة هاتبقى موثقة والأختام عليها تمام

[mr.moustafa]

اولا الورقة مش مضروبة يعني مش مزورة و حطها في عين التخين انت بتدفع للموظف (عن طريق وسيط طبعا) في المرور و بيعملهالك
ثانيا لازم تكون اقامتك في السعودية سارية في نفس سنة موديل السيارة ، يعني لو السيارة موديل 2011 يبقى لازم تكون انت موجود في السعودية و على جوازك انك كنت في السعودية في نفس السنة 2011
ثالثا الجمارك عندنا حرامية بلطجية يستاهلوا اي حاجة تفكر تعملها فيهم

[أبو صلاح]

فين السكة ديه يا جماعة
انا معايا عربية ايجار منتهى بالتملك وعايز اعمل مالك اول

[svneleven]

حرام ليه؟ السرقة اللي بيسرقوهالنا هي اللي حرام.

[mashy45]

انا اشوف انك تتكل على الله وتعملها وياريت تقولنا على المكتب اللى بيساعد على عمل الموضوع ده علشان لو كدا نعملها احنا كمان بس فيه مشكلة انا مش عارفها هل لازم تكون مسجلها فى السفارة وقت ماشتريتها جديدة على حد علمى ولا مش لازم اسال عن الموضوع ده الاول

[minicooper20]

يعنى لو كلب عضك انتا تعضو
نظريه برضو
حرام يا باشا و لو مش فارق معاك اعملها بس افتكر انك ماشى على الهواء
تحياتى

[Mohammmed]

بص ياباشا حضرتك بتسأل سؤال فى المكان الغلط
حرام وحلال دى تسأل فيها شيخ بس مش من بتوع اليومين دول

[amr011111]

ابعت سؤالك لدار الإفتاء المصريه

[svneleven]

يعنى لو كلب عضك انتا تعضو
نظريه برضو
حرام يا باشا و لو مش فارق معاك اعملها بس افتكر انك ماشى على الهواء
تحياتى

بس أنت مش بتعضو. كل ما هنالك أن أنت بتتحايل عشان ما يعضكش.

[sellou]

سؤال صعب قوي
ومش هعرف ارد عليك
بس مش برضه حرام لما تبقى تمن السيارة صافي لحد ماتوصل المينا 15 الف دولار يعني حوالي 105 الف جنيه
مواصفات السيارة 2000 cc وفول اوبشن طبعا طبعا يجي يتحط عليها جمارك توصل لنص مليون جنيه
وتعالى شوفها في السعودية هتلاقيها ب 80 الف ريال
قيس الفئة دي بقى على التويوتا كامري والهيونداي سوناتا والمازدا 6 وهكذا بقى
نوصل بقى للسؤال اللي بيطرح نفسه فلوس الجمارك دي بتروح فين ولمين ؟؟؟
يعني لو قلنا كمية العربيات اللي بتنزل مصر عن طريق الوكلاء معظمها 1600 cc يعني جمارك مش اقل من 50 الف جنيه على اقل امكانيات واقل cc
احسبوا بقى كمية المبيعات اللي بيحققوها في مصر وطبعا اللي بيشيل الليلة كلها في الاخر الزبون اللي بيشتري
احنا كل اللي طالبينه انه يتم السماح لاي حد مغترب انه ينزل سيارة واحدة فقط بدون جمارك يعني كفاية اني بدخل للبلبد عملة صعبة وفي نفس اللوقتمش قاعد في مصر عاطل وعالة على الدولة

في النهاية برضه حتى لو عملت موديلل قديم مالك اول انت برضه هتدفع 33% جمارك يعني بتكلم في حدود 40 الف جنيه ده لو شاري سيارة كوري على اقل تقدير

[waga]

كل اللي يشجعك علي كده مش تمام الحلال بين والحرام بين اتقوا الله