عايز اهاجر و استقر فى اى دولة

[Delta Force]

عايز اهاجر و استقر فى اى دوله مثلا ليبيا لانها عربيه
بس مش عارف كام دينار ليبى ايجار شقه و تكاليف المعيشه
أو لو السعودية عايزة كفيل و السكن غالى
من النهايه عايز بلد بجد رخيصه جدا
يعنى 300 دولار يعيشونى هناك
يفضل انها تكون عربيه و سعر السكن و السيارات فيها رخيص

[mcomics]

ليبيا فيها قلق ، ده غير اني لسه قاري في الأخبار عن موضوع الموافقة الأمنية من مجمع التحرير قبل السفر لتركيا وليبيا تحديدا! ومعرفش ان كان بجد ولا لا
جرب تروح الاردن او المغرب. حضرتك تخصصك او مجال عملك في ايه؟ يمكن اقدر افيد

[Delta Force]

قصه القلق دى موترانى اوى بسبب ليبيا
كانت الاول زى الفل دلوقتى بقيت صعبه فعلا
و المغرب سمعت انها جميله بس فيه ناس بتقولى ان الامن و الامان هناك بفلوس
الاردن معرفش عنها حاجه هحاول اسئل
انا يهمنى فى المقام الاول بلد يكون السكن و العربيات فيها رخاص جدا مش محتاج حاجه من الدنيا تانى الا احترام للانسان و ميكونش فيه اضطهاد للمصريينو كمان يا ريت نبذه عن الاسعار يعنى السكن بكام و العربيه بكام و المعيشه بكام

[egyptiandiver]

حضرتك عاوز هجرة نهائي؟ مصر بلد جميل... أنا كنت شغال في السعودية و هي بردو بلد جميل لكنها مملة جداً... ليبيا فيها قتل! الاردن أعرف إن غالي.. لتر البنزين بيمكن ما يوازي 8 جنيه مصري تقريباً... و دة معناه العيشة نار، أكتر من مصر كمان. لو حضرتك ليك خبرة محترمة في تخصصك تقدر تشتغل في دول عربية مستواها ممتاز ذي الامارات أو الكويت. أظن حضرتك مش كبير في السن... و د ميزة ممتازة. عرف ليه؟ ببساطة معناها إن شاء الله إن عندك وقت تشتغل و تتعلم... ممكن تاخد كورسات كمبيوتر أو لغات متخصصة تتقل من الآخر ال-cv بتاع حضرتك.... إشتغل في مصر و خد دورات و مش مهم هتكسب كام... عشان إنت في المقابل هتكسب خبرة، الخبرة دي مش ببلاش دي ليها تمن، تقوم تروح الدول العربية بتمن أكبر و أكبر كمان. ده رأيي الشخصي، أنا راجل عندي 40 سنة و بفكر أخد بكالوريوس غير إلي أصلاً معايا دلوقتي. طول ما صحتك الحمدلله كويسة و عندك صبر و هدف كل شيء ممكن، إيه المانع؟ لو احتجت أي إستشارة أنا و زميلنا تحت عمر حضرتك، أخوك في الله / أحمد سامي

[د.محمود صلاح]

سلطنة عمان

[M.Elwan]

الدول العربية لا تصلح للاستقرار فيها ماعدا الإمارات
الاستقرار يعني يتم معاملتك نفس معاملة أهل البلد وده مستحيل في الدول العربية حتي لو حصل وخدت جنسيتهم وده مستحيل بيقولو عليك مجنس
فكر في نيوزيلندا او استراليا دي بلاد محترمة لو مهاجر بشكل شرعي حتاخد حقوقك كاملة من اول يوم زيك زي أهل البلد حتي من غير ما تاخد الجنسية

[mr_vampire]

الدول العربية لا تصلح للاستقرار فيها ماعدا الإمارات
الاستقرار يعني يتم معاملتك نفس معاملة أهل البلد وده مستحيل في الدول العربية حتي لو حصل وخدت جنسيتهم وده مستحيل بيقولو عليك مجنس
فكر في نيوزيلندا او استراليا دي بلاد محترمة لو مهاجر بشكل شرعي حتاخد حقوقك كاملة من اول يوم زيك زي أهل البلد حتي من غير ما تاخد الجنسية

مين اللي قال كدة ??? امال الناس لسة بتسافر الدول العربية ليه مادام مافيهاش استقرار???

اسف كلام حضرتك جملة وتفصيلا غلط. اي دولة عربية ورقك فيها مظبوط وماشي قانوني محدش يقدر يتكلم معاك. انما الوافدين وخصوصا المصريين هما اللي بيحاولو يتحايلو.عالقوانين زي مثلا يضربو شهادات راتب عشان ياخدو قروض او يزورو المسمي الوظيفي عشان يطلعو رخص. واخيرا بيتاجرو في فيز مضروبة للكسب السريع الحرام.

كل بلد فيها قوانين وعلي من ارتضي بالسفر اليها احترامها. وعلي فكرة.مفيش.حاجة اسمها اخدت.جنسيتهم لانها بشروط وهي زواج منهم وده مبيحصلش او والدك او.والدتك منهم. غير.كدة.مفيش.منح جنسيات.حتي لو فنيت.عمرك كله فيها لان الجنسية.عندهم ليها.مميزات عايزين يحكروها لمواطنيهم فقط وده في رايي حقهم.

[Mecha]

الدول العربية لا تصلح للاستقرار فيها ماعدا الإمارات
الاستقرار يعني يتم معاملتك نفس معاملة أهل البلد وده مستحيل في الدول العربية حتي لو حصل وخدت جنسيتهم وده مستحيل بيقولو عليك مجنس
فكر في نيوزيلندا او استراليا دي بلاد محترمة لو مهاجر بشكل شرعي حتاخد حقوقك كاملة من اول يوم زيك زي أهل البلد حتي من غير ما تاخد الجنسية

حقوقك هناك الي حد ما يا اخي ,طالما مانتش اوروبي ابيض

[M.Elwan]

مين اللي قال كدة ??? امال الناس لسة بتسافر الدول العربية ليه مادام مافيهاش استقرار???

اسف كلام حضرتك جملة وتفصيلا غلط. اي دولة عربية ورقك فيها مظبوط وماشي قانوني محدش يقدر يتكلم معاك. انما الوافدين وخصوصا المصريين هما اللي بيحاولو يتحايلو.عالقوانين زي مثلا يضربو شهادات راتب عشان ياخدو قروض او يزورو المسمي الوظيفي عشان يطلعو رخص. واخيرا بيتاجرو في فيز مضروبة للكسب السريع الحرام.

كل بلد فيها قوانين وعلي من ارتضي بالسفر اليها احترامها. وعلي فكرة.مفيش.حاجة اسمها اخدت.جنسيتهم لانها بشروط وهي زواج منهم وده مبيحصلش او والدك او.والدتك منهم. غير.كدة.مفيش.منح جنسيات.حتي لو فنيت.عمرك كله فيها لان الجنسية.عندهم ليها.مميزات عايزين يحكروها لمواطنيهم فقط وده في رايي حقهم.

لا فى تفضيل لاهل البلد فى حاجات كتير وخصوصا فى الترقيات للمناصب القيادية خصوصا فى الشركات المحلية والمنح والمميزات اللى بتتقدم لاهل البلد زى قروض الزواج والسكن والسيارة وانواع دعم كتيره جدا تقدم لاهل البلد ممكن تعيش عمرك هناك ومتاخدش 1% منها
موضوع الجنسية ده موضوع غريب جدا وعنصرى فى نفس الوقت يعنى ايه تبقي مولود فى بلد ومتعلم فيها وعايش فيها عمرك ومعكش جنسية البلد رغم انك لو فى اى دولة اروبية كفاية جدا انك تكون مولود فى البلد عشان تحصل على جنسيتها

[mr_vampire]

لا فى تفضيل لاهل البلد فى حاجات كتير وخصوصا فى الترقيات للمناصب القيادية خصوصا فى الشركات المحلية والمنح والمميزات اللى بتتقدم لاهل البلد زى قروض الزواج والسكن والسيارة وانواع دعم كتيره جدا تقدم لاهل البلد ممكن تعيش عمرك هناك ومتاخدش 1% منها
موضوع الجنسية ده موضوع غريب جدا وعنصرى فى نفس الوقت يعنى ايه تبقي مولود فى بلد ومتعلم فيها وعايش فيها عمرك ومعكش جنسية البلد رغم انك لو فى اى دولة اروبية كفاية جدا انك تكون مولود فى البلد عشان تحصل على جنسيتها

اولا يافندم الترقيات للمناصب القيادية ده حقهم لانها بلدهم ومن حقهم يديروها بنفسهم حتي لو استقدمو وافدين يعلموهم وبعدين يمسكو مكانهم ( الوافد جالهم وعلمهم واخد.مرتب علي كدة ). اولا القروض والدعم والكلام ده منطقي ميروحش غير للمواطن اذا كان في مصر التموين ( اللي عبارة عن كيسين سكر ورز وزبت ) بيطلعو روح الناس عليهم ( فحضرتك عايز قروض وتسهيلات ومميزات توصل لالاف تتوزع علي غير المواطنين . بامارة ابه ????? )

مش كفاية تبقي مولود وعايش ومتعلم فيها عشان تاخد جنسية البلد ( اعتقد كفاية انك استفتدت بمميزات مش متوفرة في بلدك فمش هنفتري ونقول عايزين جنسيتكو كمان ) لانها مش مجرد جنسية لا ده بيترتب عليها ان تاخد كل التسهيلات والمميزات اللي بياخدها اهل البلد. وبرده الجنسية المصرية اللي مش بتاخد من.وراها اي.مميزات بيطلعو روح الناس عليها ( عن الفلسطينين والاجانب.ولاد المصريات اتحدث ) فمابالك بجنسية هتجني من وراها مميزات وتسهيلات لا حصر لها عايزها تبقي من غير شروط وقوانين !!!????

[M.Elwan]

اولا يافندم الترقيات للمناصب القيادية ده حقهم لانها بلدهم ومن حقهم يديروها بنفسهم حتي لو استقدمو وافدين يعلموهم وبعدين يمسكو مكانهم ( الوافد جالهم وعلمهم واخد.مرتب علي كدة ). اولا القروض والدعم والكلام ده منطقي ميروحش غير للمواطن اذا كان في مصر التموين ( اللي عبارة عن كيسين سكر ورز وزبت ) بيطلعو روح الناس عليهم ( فحضرتك عايز قروض وتسهيلات ومميزات توصل لالاف تتوزع علي غير المواطنين . بامارة ابه ????? )

مش كفاية تبقي مولود وعايش ومتعلم فيها عشان تاخد جنسية البلد ( اعتقد كفاية انك استفتدت بمميزات مش متوفرة في بلدك فمش هنفتري ونقول عايزين جنسيتكو كمان ) لانها مش مجرد جنسية لا ده بيترتب عليها ان تاخد كل التسهيلات والمميزات اللي بياخدها اهل البلد. وبرده الجنسية المصرية اللي مش بتاخد من.وراها اي.مميزات بيطلعو روح الناس عليها ( عن الفلسطينين والاجانب.ولاد المصريات اتحدث ) فمابالك بجنسية هتجني من وراها مميزات وتسهيلات لا حصر لها عايزها تبقي من غير شروط وقوانين !!!????

اللي حضرتك كتبته هو هو اللي انا بقوله واسمه في النهاية تمييز . مبرراته ايه وعندهم حق ولا معندهش دي مش قصتي اصلا .

[mr_vampire]

اللي حضرتك كتبته هو هو اللي انا بقوله واسمه في النهاية تمييز . مبرراته ايه وعندهم حق ولا معندهش دي مش قصتي اصلا .

ليس تمييز ولكنه حق. فمن حكم في ماله ماظلم.

[M.Elwan]

ليس تمييز ولكنه حق. فمن حكم في ماله ماظلم.

الحقوق تكتسب والحكم بغير العدل و المساواة ظلم لانه تمييز للسكان الاصليين عن الوافدين وبعض الدول يصل التمييز لاشكال سيئة من العنصرية

[mr_vampire]

الحقوق تكتسب والحكم بغير العدل و المساواة ظلم لانه تمييز للسكان الاصليين عن الوافدين وبعض الدول يصل التمييز لاشكال سيئة من العنصرية

لما تاخد حقوقك في بلدك الاول وتحصل فيها علي عدل ومساواة وتتعامل معاملة السكان الاصليين تبقي تطالب دول انتا رايحها بمحض ارادتك انها تعاملك معاملة سكانها الاصليين.

[رحالة]

اشتري تاكسي في اوكرانيا
وشغل عليه واحد هناك
(ضحكة خليعه)