ارجو الافادة في هجرة رجال الاعمال لكندا والبنوك المصريه

[hema_emam]

عايز اهاجر لكندا تحت فئه هجرة رجال الاعمال ومطلوب 800 الف دولار ولدي عقارات بهذا المبلغ ولكن السؤال هل البنك هيحولي المبلغ مصري الي دولار ويتم تحويله للحكومه الكنديه وطبعا هيبقي في اوراق واثبتات وتأشيرة لهجرة رجال الاعمال وهيشوفها البنك وايضا الحد الاقصي للتحويل للخارج هو 100 الف دولار فقط سنويا فهل البنك هيحول كل المبلغ 800 الف دولار رغم وجود حد اقصي للتحويل ؟ ارجو الافادة وجزاكم الله كل خير

[Fawzy.Abdelnour]

اللى اعرفه ان 100.000$ فقط, الا فى حالة العمليات الجراحيه الخطيره.
اسأل علي التحويل من كذا بنك هيسمع فالبنك المركزي ولا لأ.
علي فكره الهجره لأمريكا 500.000$ امريكى فقط.

[MaZaGAngeE]

لو العقارات دي مسجلة هتبقي الامور اسهل .. ولا متفرقش ?
التحويلات مقفولة للافراد علي 10 الاف تقريبا… بس ممكن تخلي كذا واحد يحولولك كل شهر عشان تقدر تجمع المبلغ كله…

[hema_emam]

اخي mankind force شكرا لردك الكريم واعلم ان الاستثمار في امريكا 500 الف ولكن كندا 800 الف عكس امريكا حيث ان كندا هترجعلك المبلغ بعد 5 سنين عكس امريكا مفيش ضمان يعني ممكن يرجعو وممكن لا . ثانيا بخصوص البنوك فأنا سألت محدش بيجاوبني غير ان الحد الاقصي للتحويل للخارج 100 الف دولار ودي سياسه لكن حسيت خدمه العملاء انهم مش فاهمين لان دا هيبقي استثمار بمستندات حكوميه من كندا يعني مش مجرد تحويل اموال لبرة عشوائي وشكرا جزيلا

[hema_emam]

اخي MaZaGAngeE شكرا لردك ونعم العقارات متسجله ومعي ما يفيد ذلك اما بخصوص التحويل انا معاك ممكن كذا واحد يحول جزء من المبلغ لكن السؤال ازاي هحولهم دولارات لانهم مصري واخاف من موضوع السوق السودا لحسن يدوني عملة مزورة ولا يحصل حاجة لا قدر الله لان المبلغ كبير