إعـــــــلان

Collapse

.

,
See more
See less

نصائح بسيطه للحصول على صور احترافيه

Collapse
X
 
  • Filter
  • الوقت
  • Show
Clear All
new posts

  • نصائح بسيطه للحصول على صور احترافيه

    صباح الخير
    في الموضوع ده يا جماعه هتكلم على شوية ملاحظات بسيطه لو تم اخذها في الاعتبار هتلقوا النتيجه رائعه بصرف النظر عن نوع الكاميرا

    ١-خد وقت كافي قبل تصوير اي لقطه
    فيه قاعده بتقول طالما عينك شايفه منظر معين حلو اكيد الصوره هتطلع جميله و احب ازود انك لازم تدرس المنظر الاول و تتخيله في دماغك من كذا وضع و كذا زاويه و بعدين تبتدي تصور

    ٢-قاعدة الاثلاث
    كنت اتكلمت عنها قبل كده و الغرض منها الحصول على صوره غير تقليديه و هي ببساطه انك تبعد عن توسيط الكادر و خلي الشئ اللي بتصوره في تلت الكادر مثال لوبتصور منظر طبيعي خط الافق هو الفيصل ما بين تلت وتلتين الصوره و موضوع الصوره الرئيسي يكون تلتين الكادر الاسفل و السما ممكن تاخد التلت الاعلى او العكس لو شايف ان منظر السما هي الموضوع الرئيسي
    و عند تصوير اي كائن حي برضه خليه في التلت اليمين او الشمال على حسب اتجاه العين اللي لازم نفتح لها مساحه

    ٣-الخطوط القياديه (leading lines)

    و دي بصراحه قاعده ذهبيه و دور دايما على الخطوط قبل ما تاخد اللقطه و الخطوط ممكن تكون ممر او شارع او سور او موجه او مجموعه حاجات في الكادر لو تم تصويرها بزاويه معينه هتعمل خط جوه الكادر زي صورة العربيات اللي قدام الجامع اللي انا صورتها قتلقوا ان ترتيب العربيات من الزاويه دي عمل خط نهايته كان الجامع موضوع الصوره.
    طب ليه بنهتم بالخطوط
    عشان ببساطه هيا اللي بتدي البعد التالت و بتاخد عين المتلقي و تخليها تتجول في الصوره.
    ً
    ٤-زوايا التصوير
    فنفترض مثلا انك شفت مبنى و قررت انك تصوره الطبيعي انك قتقف قدامه و تاخد اللقطه طب ايه النتيجه
    مهما كان جمال المبنى انت هنا صورت بطريقه تقليديه يادوب الواحد يتفرج و يقلب طب ايه المفروض كان يحصل؟
    المفروض ان حضرتك الاول تلف حوالين المبنى و تجرب تبص عيه من كذا زاويه و ده مهم للحصول على صوره ثلاثية الابعاد للمبنى و بعين تجرب تاخد كذا لقطه من عدة زوايا و عدة ارتفعات اوعدك هتحصل على نتيجه مذهله
    بالنسبه لتصوير الاشخلص
    عمرك مثلا جيت تصور بنت جميله و لما جيت تتفرج على الصوره لقيتها قلبت على شيتا
    الموضوع ده حصل معايا و كنت اقعد اتخانق مع الشخص و اقول له هيا الكاميرا هتجيب من بره؟
    لحد مره ما اكتشفت ان ده عيب زوايا تصوير يعني عيب المصور
    كل واحد ليه زاويه مثاليه للتصوير و لو عكستها هتشوف نتيجه سوده.
    يعني مثلا الجنس الناعم بيسرحوا شعرهم على جنب معين و لو عكسوا شكلهم مش هيبقى حلو.
    بالنسبه لتصوير الورود
    اتهرينا صور للورد من فوق فحاول دايما تصور من الاجناب او من تحت الورده و قول لي رايك

    ٥-اختار الاوقات المناسبه للتصوير
    الوقت الذهبي للتصوير بالنسبه لصور الطبيعه هو وقت الفجر و الشروق اللي بيجي بعد الفجر بنصف دقيقه فلازم تكون مستعد على الاخر
    بعد كده وقت الغروب و ما قبله وبعده بنصف ساعه
    بالنسبه للاشخاص قبل الغروب بساعه يعتبر احلى وقت و ممكن برضه بعد الشروق بساعه
    غير كده الاضاءه بتبقى عاليه جدا و الصور حتى لو كويسه ما فيهاش الالوان الدافئه اللي في الاوقات المثاليه

    ٦-قاعده الاطار
    اضافة اطار للكادر بتدي جمال غير عادي سواء لو تصوير طبيعه او اشخاص
    تخيل صوره للبحر و السما ساعة الغروب اكيد صوره جميله جدا
    طب ايه رايك لو في جنب الكادر نخله طبعا هتبقى رهيبه واحد يقول مافيش نخله قدامه ايه الحل؟
    اي حاجه تنفع كاطار زي جزء من كشك خشب برضه شغال او جذع شجره كافي يضيف بعد للصوره و لمسه جماليه
    لو بتصور شخص
    طبعا لاحظتوا في تصوير الاشخاص عادة يحطوا جنب الشخص شجره او باب بلكونه مثلا صح؟
    هو ده الاطار

    ٧-الاهتمام بالخلفيه
    قبل ما تصور بص على الخلفيه اللي هتطلع في الكادر
    هل هيا بتخدم الموضوع؟ اخبار الالوان فيها ايه؟ وهل متناسقه؟
    طب لو مش مناسبه ممكن اغير الزاويه فالموضوع يكون احلى؟
    ولا اخد الشخص اللي باصوره في مكان تاني احسن.

    ٨-الاهتمام بالظلال و الانعكسات
    احرص على تصوير اللقطات اللي فيها ضل مبنى على الارض و عادة ده بيبقى من زاويه معينه او صورة شجر على الميه او انعكاس الاضاءات بجميع الوانها على المياه او انعكاس صورة الشمس على المياه ساعة الغروب و هكذا

    ارجو يا جماعه ما كونتش تقلت عليكم و رجاء قراءة الموضوع عدة مرات للاستفاده

  • #2
    موضوع رائع

    شكرا استاذ هاني
    eacho22 سابقا

    Comment


    • #3
      تسلم يا باشا
      لو مثال علي كل قاعدة يبقا تمام جدا(اقصد صور لتوضيح المعني المقصود)
      تسلم ايدي
      [CENTER][SIZE=3][B][COLOR=blue][FONT=&quot]سئل بن تيمية رحمه الله أيهما أنفع للعبد الإستغفار أم التسبيح ؟؟؟[/FONT][/COLOR][/B]
      [/SIZE] [/CENTER]
      [CENTER] [SIZE=3][B][COLOR=blue][FONT=&quot] [COLOR=Indigo]فأجاب : إذا كان الثوب نقياً فالبخور وماء الورد أنفع , وإذا كان دنساً[/COLOR][/FONT][/COLOR][/B][/SIZE][SIZE=3][COLOR=Indigo][B][FONT=&quot] فالصابون و الماء أنفع !![/FONT][/B][/COLOR][/SIZE][SIZE=3]
      [B][COLOR=blue][FONT=&quot] فالتسبيح بخور الأصفياء و الإستغفار صابون العصاة [/FONT][/COLOR][/B][/SIZE] [/CENTER]

      Comment


      • #4
        تسلم ايدك يا باشا...........موضوع هايل.
        [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
        [/CENTER]

        Comment


        • #5
          المشاركة الأصلية كتبت بواسطة eacho22 مشاهدة المشاركة
          موضوع رائع

          شكرا استاذ هاني
          ياباشا العفو و شكرا على ذوقك

          Comment


          • #6
            المشاركة الأصلية كتبت بواسطة waleed_fathy مشاهدة المشاركة
            تسلم يا باشا
            لو مثال علي كل قاعدة يبقا تمام جدا(اقصد صور لتوضيح المعني المقصود)
            تسلم ايدي
            تعيش يا استاذ وليد
            فعلا عندك حق الموضوع كان محتاج شوية صور بس للاسف مقدرتش عشان عملت الموضوع عن طريق الايباد
            و تحت امرك هبقى ازود صور توضيحيه
            و ياريت حضرتك تكون نزلت كتاب قواعد تكوين الصوره الفوتوغرافيه هتلقى فيه معظم الملاحظات دي متوضحه بالصور

            Comment


            • #7
              المشاركة الأصلية كتبت بواسطة ahmed a.maksoud مشاهدة المشاركة
              تسلم ايدك يا باشا...........موضوع هايل.
              تعيش يا احمد باشا ده المفروض ناخد صورك ندرس عليها
              يا ترى نازل امتى بالسلامه؟
              عايزين نعمل المقابله انشالله نحدد ميعادها من دلوقت

              Comment


              • #8
                موضوع رائع جدا .. ربنا يكرمك.

                أنا بأه مش عارف ليه بحب أصور الضهر .. مبحبش أصور قبل الغروب دي خالص .. حتى لما بنكون خارجين بقولهم تعالوا نلحق نتصور قبل المغرب.

                في الضهر كل حاجه في الكادر بتكون باينه .. في المغرب الفلاش بيشتغل و ده بيخلي الأشخاص واضحيين و الخلفيه غامقه.

                أكيد طبعا الكاميرا بتفرق في الموضوع ده.
                [CENTER][B]القران الكريم بجودة صوت عاليه جدا[/B]
                http://www.nilemotors.net/Nile/230790-a.html[/CENTER]

                Comment


                • #9
                  المشاركة الأصلية كتبت بواسطة kar!m مشاهدة المشاركة
                  موضوع رائع جدا .. ربنا يكرمك.

                  أنا بأه مش عارف ليه بحب أصور الضهر .. مبحبش أصور قبل الغروب دي خالص .. حتى لما بنكون خارجين بقولهم تعالوا نلحق نتصور قبل المغرب.

                  في الضهر كل حاجه في الكادر بتكون باينه .. في المغرب الفلاش بيشتغل و ده بيخلي الأشخاص واضحيين و الخلفيه غامقه.

                  أكيد طبعا الكاميرا بتفرق في الموضوع ده.
                  تعيش ياباشا
                  اولا حتة الفلاش انه يفتح لوحده ده نتيجة انك بتصور على مود الاوتو لو على المانيوال مود انت اللي هتتحكم اذا كنت عايز فلاش ولا لاء
                  يعني لو قلنا ان غروب الشمس الساعه ٥:٣٠ يبقى بدايه من ٤:١٥ مثلا تقدر تصور اشخاص و كل ماتقرب على ساعة الغروب تقدر تصور لاندسكيب
                  الفكره في التوقيت ده ان زاوية الشمس بالنسبه للارض تعتبر قليله فهنا الاضاءه ما بتبقاش مباشره و ده المطلوب في انك تحصل على اضاءه ناعمه و متساويه
                  طبعا كل ما زادت امكانيات الكاميرا تقدر تصور في اضاءه قليله بدون فلاش و تحصل على صوره بجوده معقوله
                  و ياريت حضرتك تراجع على موضوع التحكم في الاضاءه بالنسبه لتصوير البورتريه
                  وشكرا لمرورك الكريم

                  Comment


                  • #10
                    المشاركة الأصلية كتبت بواسطة hany63 مشاهدة المشاركة
                    تعيش يا احمد باشا ده المفروض ناخد صورك ندرس عليها
                    يا ترى نازل امتى بالسلامه؟
                    عايزين نعمل المقابله انشالله نحدد ميعادها من دلوقت
                    يا باشا الله يكرمك........ده أنا لسه بتعلم

                    أنا نازل إن شاء الله 17 فبراير

                    ممكن من أول الجمعة 22 فبراير أكون معاكم فى أى حاجة إن شاء الله.

                    بس يا ريت تكون طلعة الفيوم اللى قولتلكم عليها.
                    [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                    [/CENTER]

                    Comment


                    • #11
                      المشاركة الأصلية كتبت بواسطة ahmed a.maksoud مشاهدة المشاركة
                      يا باشا الله يكرمك........ده أنا لسه بتعلم

                      أنا نازل إن شاء الله 17 فبراير

                      ممكن من أول الجمعة 22 فبراير أكون معاكم فى أى حاجة إن شاء الله.

                      بس يا ريت تكون طلعة الفيوم اللى قولتلكم عليها.
                      طب ايه رايك نبتدي بحديقة الازهر عشان يبقى تعارف الاول و هناك نتفق على الفيوم

                      Comment


                      • #12
                        موضوع رائع ونصائح مفيده جدا
                        شكراااااااااااا

                        Comment


                        • #13
                          موضوع اكثر من رائع
                          بس يا ريت لو مثال على موضوع الخطوط ده
                          ولو اجتمعوا على ان يضروك بشيء لن يضروك الا بشيء قد كتبه الله لك

                          Comment


                          • #14
                            موضوع جميل واتمنى اني اطلع صور جميلة في المستقبل ان شاء الله....
                            تحياتي

                            Sent from my SE Arc S using Forum Runner
                            don't judge a car unless you have driven it

                            hm414 سابقا

                            Comment


                            • #15
                              المشاركة الأصلية كتبت بواسطة speed_magnum مشاهدة المشاركة
                              موضوع اكثر من رائع
                              بس يا ريت لو مثال على موضوع الخطوط ده
                              اعمل داونلود للكتاب ده هتلقى فيه صور لكل اللي في الموضوع و زياده
                              و الكتاب بالعربي و اسلوبه سهل و مش هياخد في ايدك نص ساعه و قول لي بعدها ايه اللي انت محتاجه
                              قواعد التكوين في الصورة الفوتوغرافية.pdf

                              Comment

                              Working...
                              X