كام صورة جديدة و عاوز رأيكم

[Ahmed Selim]

السلام عليكم

من فترة كنت فى زيارة لمسجد الشيخ زايد بأبو ظبي و أخدت كام صورة و عاوز رأيكم





أول صورتين هما هما بس تأثير HDR مختلف عن بعض.






أخر صورتين كانوا عازين كادر أوسع بس مكنش معايا عدسات أوسع من كده ولا كان ينفع أرجع أكتر لورا علشان أوسع الكادر.

[hany63]

تسلم ايدك بجد كادرات و زوايا نموذجيه
معلش سؤال اخر صوره ميلان المئذنه ده نتيجة ايه؟

[Ahmed Selim]

تسلم ايدك بجد كادرات و زوايا نموذجيه
معلش سؤال اخر صوره ميلان المئذنه ده نتيجة ايه؟

الله يخليك يا باشا

أعتقد أنه طبيعي من العدسة.......يعني العدسة جايبة المأذنة من فوق بس.....و بالتالي بتظهر كده.

ده كانت عدسة 18-55 عادية.

[S O P H O S]

بصراحة صور جميلة
لمكان جميل ..

[hossam_elwani]

ايه الجمال ده !!!!!!!!!!!

[Ahmed Selim]

بصراحة صور جميلة
لمكان جميل ..

ايه الجمال ده !!!!!!!!!!!

الله يكرمكم يا شباب :)

[M.Hosni]

صور جميلة جدا

تسلم ايدك

الصورة الثالثة كمان اللي متاخده من تحت الارش , مميزة

[kar!m]

تسلم ايديك.

[Ahmed Selim]

صور جميلة جدا

تسلم ايدك

الصورة الثالثة كمان اللي متاخده من تحت الارش , مميزة

شكراً يا باشا الله يخليك

تسلم ايديك.

الله يسلمك :)

[Sameh]

السلام عليكم

من فترة كنت فى زيارة لمسجد الشيخ زايد بأبو ظبي و أخدت كام صورة و عاوز رأيكم





أول صورتين هما هما بس تأثير hdr مختلف عن بعض.






أخر صورتين كانوا عازين كادر أوسع بس مكنش معايا عدسات أوسع من كده ولا كان ينفع أرجع أكتر لورا علشان أوسع الكادر.

الله ينور يا أبو حميد ، صور جميلة وزى الفل
ال hdr رائع مافيش كلام سواء الأولى أو التانية
والصورة التالتة عجبانى جميلة جداً اتاخدت بعين فنان
واخر صورة جميلة برضه ، العيب الوحيد اللى فيها هى الوقفة ، احتمال فيه حاجة منعتك انك تاخد مكان افضل ، كانت محتاجة تقف شمال شوية عن كدة لان الصورة متاخدة بميل على مستوى الجامع مش عمودى عليه بالظبط ، سيبك من ظبطة المأذنة وبص على القبة الكبيرة اللى فى النص والقبة اللى تحتها ، هتلاقى الصارى بتاعهم مش على خط واحد والأعمدة مش متماثلة على الجانبين ده نتيجة الوقفة مش اكتر ، انما هى صورة جميلة ووريتنا مكان ماشوفناهوش وبعين فنان

تسلم ايدك بجد كادرات و زوايا نموذجيه
معلش سؤال اخر صوره ميلان المئذنه ده نتيجة ايه؟

نتيجة انه كان واقف على الارض وبيصور المأذنة من تحت لفوق فلازم الخطوط تطلع محنية للداخل
لأن هو اقرب للمأذنة من تحت فبتطلع اوسع ، وأبعد عن المأذنة من فوق فبتطلع اضيق
وبالتالى النتيجة النهائية ميل المأذنتين للداخل
لو فرضنا ان احمد ركب فى باسكت ونش والونش رفعه لمستوى نص إرتفاع المأذنة ساعتها هياخد الصورة دى وهتطلع المأذنتين متوازيتين تماماً مع كادر الصورة
انما طبعاً هو بيصور طبيعى زى اى حد وهو واقف على الارض فمايقدرش يمنع الظاهرة دى انها تحصل

ومع ذلك فيه اسلوب فى التصوير يحل المشكلة دى ، اللى هيقول عليه ليه جايزة من قسم التصوير الفوتوغرافى :)

[ashouhdy]

حلوين جدا .. نوع الكاميرا اية اللى جابت ال purple haze دى :))))

[Ahmed Selim]

الله ينور يا أبو حميد ، صور جميلة وزى الفل
ال hdr رائع مافيش كلام سواء الأولى أو التانية
والصورة التالتة عجبانى جميلة جداً اتاخدت بعين فنان
واخر صورة جميلة برضه ، العيب الوحيد اللى فيها هى الوقفة ، احتمال فيه حاجة منعتك انك تاخد مكان افضل ، كانت محتاجة تقف شمال شوية عن كدة لان الصورة متاخدة بميل على مستوى الجامع مش عمودى عليه بالظبط ، سيبك من ظبطة المأذنة وبص على القبة الكبيرة اللى فى النص والقبة اللى تحتها ، هتلاقى الصارى بتاعهم مش على خط واحد والأعمدة مش متماثلة على الجانبين ده نتيجة الوقفة مش اكتر ، انما هى صورة جميلة ووريتنا مكان ماشوفناهوش وبعين فنان

نتيجة انه كان واقف على الارض وبيصور المأذنة من تحت لفوق فلازم الخطوط تطلع محنية للداخل
لأن هو اقرب للمأذنة من تحت فبتطلع اوسع ، وأبعد عن المأذنة من فوق فبتطلع اضيق
وبالتالى النتيجة النهائية ميل المأذنتين للداخل
لو فرضنا ان احمد ركب فى باسكت ونش والونش رفعه لمستوى نص إرتفاع المأذنة ساعتها هياخد الصورة دى وهتطلع المأذنتين متوازيتين تماماً مع كادر الصورة
انما طبعاً هو بيصور طبيعى زى اى حد وهو واقف على الارض فمايقدرش يمنع الظاهرة دى انها تحصل

ومع ذلك فيه اسلوب فى التصوير يحل المشكلة دى ، اللى هيقول عليه ليه جايزة من قسم التصوير الفوتوغرافى :)

تسلم يا باشا

يا ريت تقولنا على الطريقة و تاخد انت الجايزة :-)

حلوين جدا .. نوع الكاميرا اية اللى جابت ال purple haze دى :))))

دي الكانون مش كاميرا الايفون يا دكتور :-)

[ashouhdy]

عجييييبة جدا .... محدش خد بالة غيرى من ال purple cast او ال purple tint

Sent from my GT-N7100 using Forum Runner

[Ahmed Selim]

انا ملاحظه في التالتة شوية بس غالباً مش من التصوير من التأثيرات اللي عملتها

[طاهر]

برافوووووووووووووووو