ايه الحل في الافلام القديمة ؟؟؟

[محمد عمر 2014]

السلام عليكم

عندي افلام قديمة 35 مم متصورة ومش عايز اطبعها مجرد بس احولها لنيجاتيف او لو ينفع تتحول ديجيتال

ايه الحل ؟؟؟؟؟؟؟

[homme49]

ممكن تحويلها على. أسطوانات cd ، فى عام ٢٠٠٨ قمت بتحويل عدة أفلام نيجاتيف ألوان و بوزيتيف ألوان الى صور ديجيتال على أسطوانة ٧٠٠ميجا مقابل مبلغ ٦٥ قرشا للكادر الواحد في محل كوداك للأفلام بميدان سفير في مصر الجديدة و لكنه اخبرنى بتعذر تنفيذ ذلك مع الأفلام الأبيض و اسود ، و أحب ان اؤكد علي أهمية ان تختبر الأسطوانة بعد استلامها ضد الفيروسات حيث أننى نقلت الأسطوانة على أسطوانة اخري بعد استبعاد الملفات المفيرسة

[محمد عمر 2014]

تمام ....
شكرا

[محمد عمر 2014]

طب سؤال كمان

هل ممكن اشوف الفيلم في البيت عندي من غير ما احرقه ... عشان ما اتكلفش ع الفاضي

[homme49]

لو الفيلم الموجود عندك بوزيتيف ممكن مشاهدته على بروجيكتور لكن لو نيجاتيف ليس يكون بدرجة وضوح مقبوله و انما تشاهد خيالات بدون تفاصيل

[محمد عمر 2014]

كنت اقصد الفيلم قبل التحميض

[homme49]

قبل التحميض لو تعرض الفيلم لاى ضوء غير الضوء الاحمر يفسد تماما لذا يجب تحميضه اولا و قبل ان تتلف المادة الكيمائية الموجودة على سطح الفيلم و لا يصلح بعد فترة للتحميض و بيكون مكتوب على كارتريدج الفيلم تاريخ الصلاحية و لكن ممكن تتجاوز فى حدود من ٣ الى ٥ سنوات لو محفوظ فى حرارة معتدلة او مازال موجود فى الكاميرا ، غير كدة ليس هناك بدائل اخرى ، على فكرة التحميض مش غالى و كانت بعض المحلات تقوم بالتحميض مجانا لو كنت سوف تقوم بالطباعة لديهم او كنت شارى الفيلم الخام منهم ذلك كان حتى عام ٢٠٠٥ - طبعا الان الامور تتغير و سوق التحميض و الطباعة راكد نتيجة رواج الكاميرات الديجيتال و كاميرات الموبايل ، احب انوه ايضا ان الافلام ال ١٦ مللى و الكارتريدج ذو ال ٢٤ صورة اصبح من الصعب ان تجد من يتعامل معهم لذا اكسب وقتك و حمض الفيلم قبل ان يتلف او قبل ان تتقادم اجهزة التحميض و الطبع و يتعذر توفر قطع غيارها .

[محمد عمر 2014]

مشكور والله .. جزاك الله خيرا