عروض كارت خصومات نايل موتورز

[تامر.محمد]

هممممم , فيه ملحوظة ضروري تتقال , و لو انا فاهم غلط ارجو التصحيح , الناس اللي اشترت الستيكر من المنتدى كانت شارياه على اساس ان ده شيء دائم , مش حاجة بصورة مؤقتة ...

انا بصراحة , و انا واحد من الناس دي , شايف ان الناس اللي معاها الستيكر بالفعل من حقها على الاساس ده تحصل على الكارت بدون تكاليف اضافية , اللهم الا تكلفة طباعة الكارت مثلا

[YahiaAshraf]

على الرغم من ان فكرة الكارنيه كويسه الا أن ده هيبقى فعلا ظلم للناس اللى اشترت استيكر نايل موتورز واللى كان سعره ب 100 جنيه برده

http://www.nilemotors.net/Nile/110085-a.html

[Samah AbdAllah]

بالنسبة للناس اللى اشترت الاستيكر باعتبار انه دائم فهو دائم لان ده استيكر نايل موتورز
لو اشترته فقط من اجل الخصومات فاكيد كل واحد اشتراه ب 50 او 100 جنيه بالفعل اخد خصم يفوق ال 100 جنيه
يعنى الحمدلله الناس استردت اللى دفعته وزيادة
وكان واراد جدا ان التعاقدات الخاصة بالخصومات تقف وتنتهى ومتتجددش يعنى اللى اشترا استيكر في 2014 عشان ياخد خصومات عارف انها هتنتهى في 2014 وكون 2015 يكون فيها او لا دى كانت حاجة في علم الغيب

الكارت الجديد ده مش بمزاجنا ده كان شرط من كل الاماكن اللى تم الاتفاق معاهم او التجديد معاهم

[Samah AbdAllah]

على الرغم من ان فكرة الكارنيه كويسه الا أن ده هيبقى فعلا ظلم للناس اللى اشترت استيكر نايل موتورز واللى كان سعره ب 100 جنيه برده
http://www.nilemotors.net/nile/110085-a.html

يحيى انت اشتريت الاستيكر ؟

[Karim_Monir]

التعاقدات تم الغائها من الاماكن نفسها المتعاقد معاها بسبب تعذر تصوير وسيله الخصم وارفاقها مع الحسابات زي بريدجستون بيعانو جدا وبلغوني اكتر من مره بده


لو في شخص اشترى الاستيكر وماستفادش باللي دفعه واكتر هاديله الكارت بنصف الثمن فقط وده وعد شرف مني

[YahiaAshraf]

التعاقدات تم الغائها من الاماكن نفسها المتعاقد معاها بسبب تعذر تصوير وسيله الخصم وارفاقها مع الحسابات زي بريدجستون بيعانو جدا وبلغوني اكتر من مره بده


لو في شخص اشترى الاستيكر وماستفادش باللي دفعه واكتر هاديله الكارت بنصف الثمن فقط وده وعد شرف مني

الله ينور :)

[YahiaAshraf]

يحيى انت اشتريت الاستيكر ؟

لا

[Samah AbdAllah]

لا

تمام

[تامر.محمد]

هو الصراحة الكلام مش على استفدنا ولا ما استفدناش ...

الواحد يبقى كداب لو ادعى انه ما استفادش ...
فعلا الاستفادة من الخصومات على الستيكر بتغطي تمنه و زيادة , في المقابل الاعتراض هنا معنوي بحت ...

بالنسبة لي انا لما حطيت الستيكر على عربيتي من سنين و لما غيرت العربية اشتريت واحد تاني ما كانش عشان فيه خصومات و لو مافيش خصومات كنت هاحطه على عربيتي برده

لكن كلامي عن وعد صريح من المنتدى لأعضاؤه بالاستفادة من الخصومات اللي المنتدى بيقدر يقدمها , و النهارده الكلام اختلف و بقى الستيكر obsolete و فيه كلام جديد




ممكن - بالرجوع للصيغة الموضحة اعلاه - افترض ان استفادة المنتدى من وجود الستيكر على العربيات ما بقتش زي الاول و بالتالي الحسبة اختلت و بقى مطلوب فيها بنود جديدة , و هو شيء منطقي و وارد ممكن اتفهمه ...

لكن ده لا يستقيم في نظري مع اعتبار الستيكر القديم الملزوق على عربيات كتير كأن لم يكن ..

كذلك ايه يخلي الواحد ما يفكرش ان الكارت نفسه معرض لنفس اللي حصل للستيكر ؟ فترة معينة و ينزل حاجة جديدة و يبقى الكارت برده obsolete

عموما الواضح ان القرار اتاخد خلاص , فالجدال فيه مش هايبقى مفيد , و الواحد عموما بيتكلم من عشمه ...

دمتم بود و ارجو التوفيق لكم و لنا جميعا ان شاء الله

[Samah AbdAllah]

زى ما وضحنا قبل كده احنا ملغناش الاستيكر
الاماكن المتعاقد معاها طلبت كارت بسريال نمبر لامكانية تفعيل الخصومات لامور متعلقة بالحسابات
واحنا سالناكم عن رايكم قبل التنفيذ وكان فيه ترحيب بالفكرة وتم التنفيذ بناء على كده
شكرا تامر عارفين انك خايف عالصورة العامة للمنتدى وهدفك المصلحة

[omda hassnin]

مساء الفل ... خطوه كويسه وليا كام سؤال كده أرجو الرد عليهم
الكارت هيكون بسيريال ونيم ... معنى كده لو انا عندى عربيتين هقدر أستفيد بنفس الكارت للعربيتين ؟؟
الكارت هيكون دائم ولا هيتجدد كل سنه ؟؟
لو انا عايز الكارت شحن أكلم مين ؟؟

وشكرا لكم على المجهود الرائع

[Falcon.Crest]

اليوم زرت موتور ون و الاستاذ تامر قال ان لسع الكارد مش متوفر ؟
يا ريت نعرف متي يكون متوفر؟

[Samah AbdAllah]

مساء الفل ... خطوه كويسه وليا كام سؤال كده أرجو الرد عليهم
الكارت هيكون بسيريال ونيم ... معنى كده لو انا عندى عربيتين هقدر أستفيد بنفس الكارت للعربيتين ؟؟
الكارت هيكون دائم ولا هيتجدد كل سنه ؟؟
لو انا عايز الكارت شحن أكلم مين ؟؟

وشكرا لكم على المجهود الرائع

الكارت هيكون بسيريال نمبر فقط مش هيكون بالاسم
وان شاء الله دائم ولو عاوز الكارت شحن تتصل بكريم منير 01001263030

اليوم زرت موتور ون و الاستاذ تامر قال ان لسع الكارد مش متوفر ؟
يا ريت نعرف متي يكون متوفر؟

الكارت ان شاء الله بكرة او بعده هيكون متوفر في اماكن التوزيع

[احمد فهمى]

بالتوفيق للجميع

[momo44]

مش الخصومات دى كانت بتتعمل بالستيكر ؟