بخصوص العروض التى تتم مع الشركات -تنبيه ادارى

[Karim_Monir]

السادة اعضاء المنتدى الكرام
السلام عليكم ورحمه الله وبركاته
وردت العديد من الشكاوي فيما يخص العروض التى تتم مع محلات كماليات
او شركات صغيرة يمكنها التحكم في هامش الربح الخاص بها او نسبة الخصم
وبعد ورود العديد من الشكاوي ان نسبة الخصم تكون غير حقيقية
او تفعيل الخصم يكون على بعض السلع دون الاخرى بما لا يتوافق مع العرض
قررت ادارة المنتدى عدم اقامة اي عروض مع محلات او شركات صغيرة
وان التعامل معها عن طريق اعلان مباشر فقط
دون ادنى مسئولية على المنتدى وعلى المشتري ان يتاكد من جودة السلعة ومصداقية السعر وملائمتة للسلعة
اما العروض فتتم مع التوكيلات والشركات الكبيرة فقط التى ليها قائمة اسعار لا تستطيع اللعب بها سوى في نسبة الخصم التجارية المعروفة لدى تجارة الجملة
نرجو تفهم وجهة نظر الادارة في الحرص على مصلحة الاعضاء من جانب
ومصلحة المنتدى ككيان له سمعة يهمه الحفاظ عليها من جانب اخر

شكرا جزيلا
عن ادارة المنتدى
كريم منير

[DELL]

كلام مظبوط لان الشركة الكبيرة هتخاف علي سمعتها بس بردة لازم النتدي يوقف بجانب التجار الصغار بردة وخصوصا الاعضاء في المنتدي ولا اية يا استاذ كريم دة انا بيعجبني فيك انك دائما بتشجع الناس الجديدة في المنتدي

[Karim_Monir]

طبعا اشجعهم واقف جنبهم
بس في بعض الاحيان وصل الامر ان الاعضاء اشتكت
يبقي انا وقفت جنبك وعملت اعلان ببلاش وبعتلك اعضاء وانت تعمل نسبة خصم وهمية وكمان تاذيهم في عربياتهم
طبعا في نسبة من الاعضاء بتتلكك
عشان مفيش ملايكة بينا
كلنا بشر
يفضل في الاخر ان العضو يكون مصحصح لنفسة وعارف بيشتري ايه وبيكام وبياخد خصم كام وحقيقي ولا لاء
والله الموفق

[أبو صلاح]

كلام مظبوط 100% وانا مؤيد

[the-hero]

ربنا يوفقكم لما فيه صلاح البلاد والعباد

[original]

الله ينور عليكم..

[mohamed777]

فعلا كلام مظبوط
وياريت لو يكون للصعيد جانب من ذلك

[ابوهاشم]

نشكر ادارة المنتدى على ادارتها السليمه الواعيه
ومتابعة حقائق العروض
وطبعا دى لمسه جميله ومرضيه لصالح اعضاء نايل موتورز

[mostafa3000]

i agree with you

[د.محمود صلاح]

انا كنت شاكك فى العروض دى انها تكون وهمية أو خادعة

[rafe3_dent]

كده أفضل بتهيألي
واكيد هيجنب المنتدى مشاكل هو اعضاءه في غنى عنها

شكراً

[m_o_sakr]

yes you are absolutly correct

[dolcy2000]

فين العروض اللي بيحصل عليها الاعضاء مقابل الاستيكر يا كريم؟
عناوين المحلات يعني شكرا

[A.Saad]

فين العروض اللي بيحصل عليها الاعضاء مقابل الاستيكر يا كريم؟
عناوين المحلات يعني شكرا

خــدمات نــايل موتورز للأعضــاء - :: NileMotors.net ::

[dolcy2000]

شكرا

جزيلا