اجمل دايو جوليت ممكن تشوفها

[ASD peugeot]

انا هسيب ليكم الحكم علي العربيه بس العربيه
في عندي مشكله ان الصور عاوز احطها تكون كبيره علي الصفحه لكن الصور اللي بحطها في موضوعاتي بتكون صور مصغره الحل ازاي عاوز اعرف ازاي احط الصور علي الصفحه و متكنش مصغره و بعدين ازاي يكون اكبر حجم للصوره عشان ارفعه علي الموقع 97 كيلو يا ريت يتعدل الحجم

[ASD peugeot]

انا كنت عاوز ارفع صوره العربيه من قدام بس حجم الصوره كان اكبر من اللي سامح بيه المنتدي

[tutankhamoun]

العربية دي أتعرضت قبل كدا في المنتدى من يومين
و أنا صوت للتعديلات الروعة لأن بصراحة اللي عمل التعديلات دي خلى العربية تحفة فنية
و هي أصلا الدايو الجوليت جميلة أساسا و هي جميلة جميلات الدايو

و دي وصلة صاحب الموضوع

http://www.nilemotors.net/Nile/showthread.php?t=11814

[ASD peugeot]

انا دخلت علي الرابط بس اول مره اشوف الموضوع بس بجد العربيه تستحق يتعمل ليها موضوعين

[Chicco]

كويسة بس الدهان الخارجي بوظها

[TAG_Turbo0]

العربية دى انا بشوفها فى بنها على طول العربية مش وحشه
بس صاحبها مبهدلها جامد شوية
منصحش حد يفكر يشتريها
على فكرة هى فيها موتور نوبيرا وطبعا ملعوب فية

[CryptonX]

من جوا جميلة و انيقة , بس من برة شكلها زي اي تعديل زبالة بنشوفه !

[major_memo]

علي الفكرة العربية ممتازة وتعديلها جميل جدا

وياريت يا استاذ CryptonX محدش يهين في عربية حد علشان دي عربية جاري وعلي فكرة العربية جاي فيها 60 الف ومرضيش يبعها والي عايزيين يشتروها كتير ومعظم التعديلات في توكيلها مش شغل صنيعية يعني والعربية اتعرضت في كذا معرض هيا ومعاة فيات بونتو بردوا بتاعتة

[CryptonX]

انا مهنتش السيارة .. انا هنت التعديل .. الي انت سال الناس علي رأيهم فيه .. و ده رأي .
وعلي العموم بلاش زبالة.
خليها سيء جدا جدا !

[pegasos]

انا رأى ان الجوليت رياضية عموما ومش محتاجة تعديلات كتيرة فيها ..يعنى ممكن التعديل فى الزجاج بتاعها او الفرش من جوة يعنى تعديلات مش كتيرة .. بس دية مبالغ فيها شوية وانا رأى ان الدهانات اللى فيها دى ممكن تليق على عربية تانية بس مش الجولييت, ودة رأى بس هوة حر بقة يعمل اللى هوة عاوزة فيها..

[Hisham_ElFeky]

هايلة من جوا ووحشة اوي من بره

[eslam007]

العربيه جميله وربنا يبركلك فيها واى حاجه الواحد بيعملها فى العربيه بتبقى كويسه

[al_manara]

شكل التابولة من الداخل جميل بيحسسك ان العربية واسعة جدا مع لون الابواب
لاكن من الخارج شكلها مش حلو خالص كان يكفي من برة بس جنوط عريضة وكاوتش محترم

[tmz9111]

كويسة بس الدهان الخارجي بوظها

100+++++++++++++

[ahmed azab]

العربية دي في الصور غير علي الواقع انا شوفتها في السوق من فترة فعلا عربية ماشاء الله عليها معمول فيها شغل ومصاريف جامدة وكان بيطلب فيها 64 مشكلتها من بره انها مش مخدومة صح لكن التعديلات فعلا حلوه ولايق عليها جدا