صور للعبره من الحوداث المروريه في المملكه

[cpt_shawky]

بعض الصور قد تكون مفزعة لاحتوائها على من كانوا بداخل السيارة ولكنى اصررت على تركها حتى يتخذ كل متهور يقرأ هذا الموضوع حذره وتكون عبره له ويدرك ان ثانية تهور قد تفقده حياته وعليه أن يدرك انه لن يعنى للحياة سوى أن يكون بطل احدى هذه الصور!!!

[cpt_shawky]

[cpt_shawky]

[cpt_shawky]

[cpt_shawky]

[tohamy007]

اشكرك على الصور .....لاكن ارجوا من حضرتك رفع الصور التي بها جثث واشلاء هذة لان بجد حرام نشوف المناظر دي ... واعتقد بيكفي اوووي صور الحادث نفسة وشكرا ليك ...

[cpt_shawky]

اشكرك على الصور .....لاكن ارجوا من حضرتك رفع الصور التي بها جثث واشلاء هذة لان بجد حرام نشوف المناظر دي ... واعتقد بيكفي اوووي صور الحادث نفسة وشكرا ليك ...

اخى العزيز يمكنك الرجوع لكلامى فأول الموضوع لأن نوعية المتهورين دى لايصلح معاها الا انك توريها مباشرة نهايتهم شكلها ايه!!!

تعرف انا مرة كنت مع سواق ميكروباص وعلى 140 وبيحاول يعدى من اليمين والطريق اضيق جدااااااا وكان يستحيل يعدى وبعد مبقا فنص المقطورة واكتشف استحالة عبوره تخيل كان رد فعله ايه بكل بساطه رفع ايده بالكامل من على عجلة القيادة من المفاجأة لانه اكتشف انه بيموت خلاص وبعدها بثانيتن خبط عليها بايده وزعلان اوى بزبط نفس الخبطة اللى تشوفها من عيل صغير خسر جيم بلاى ستيشن!!!!!!!!!!!!!

[alaa_dash]

صورة الراس المشقوقة ديه مالهاش داعي ...لو حتى ينفع تغير في ملامحها شوية باقي الصور هتوصل رسالتك والله .بس الصورة دي صعبة اوي على ناس كتير

[tohamy007]

والله اخي العزيز انا قلت رأي الخاص واذا ادارة المنتدى تسمح بوجود صور زي دي بالمواضيع يبقى دة شئ تاني ...... !!!! انما بجد حرام انا اعصابي باظت عالصبح ومش قادر حتى اشوفها مرة تانية .... والسلام عليكم

[ecybrarian]

انا برضه مؤيد لإلغاء صور الجثث ليس فقط لبشاعتها بل احتراما للميت ايضا...ولا حول ولا قوة إلا بالله

[wildwest100]

يارب استرها معنا

[sherif80]

هى فيين الصور دى ؟

[ahmedfd]

رغم بشاعة الصور لكني مؤيد أنها تفضل كعبرة للناس اللي فاكرة الجري بسرعة شطارة. طبعاً شايفين العربيات كلها تريلات و تويوتا برادو و مرسيدس و شايفين بيحصلها إيه... يعني لا صاج و لا ماركة و لا airbags و لا ABS و لا 5 نجوم في euro-ncap و لا ليكزس و لا رمسيس بتحمي وقت القدر.
و ربنا يكفينا و يكفيكو شر الطريق و المتهورين.

[Karim_Monir]

رغم اني قلبي وجعني جدا واعصابي مش مستحمل المنظر لكن برضه احب اقول
خللي الناس اللي بتسوق بسرعة وتهور وتاخد غرز مووت بدون حساب تشوف نتيجة اعمالها
فعلا لا مرسيدس ولا فولفو
لا نقل ولا تريلا
كلة بيبقي عجينة صفيح علي اللي جواه

[mars3v]

يا جماعه مينفعش نحط صور الناس اللى ماتت بالشكل ده و كأنهم عبره، محدش يقبل كده على اخوه او ابوه انه يتحط كده و الناس داخله خارجه تتفرج عليه...و اللى مش عايز يتنيل و يتعظ من صور العربيات المكسره، يغور فى ستين داهيه و يتحرق بجاز...مينفعش نحط صور الناس اللى ماتت بالطريقه دى، افرض اب ولا ام ولا اخ واحد منهم دخل و شاف صورة ابنه معموله عبره كده، هايبقى شعوره ايه...انا و الله لو كان حصل اى حادثه من دول لواحد صحبى حتى مش قريبى، و لاقيت واحد بيصور كده، مش هيكفينى حتى انى اقطع ايده