حدث فى مصر :)) يا ترى حيوصلها كام حصان ؟؟

[AkramArafa]

700 حصان اية !!!!!!!!!!!!!!!استحالة دى لو اتنططت اخرها 200 فيما اقل انتوا بتتكلموا الزاى والله لو مكتوب عليها ايه حتى

يا عم كان جاب فيرنا احسن موتور قوي جدا 1600cc ووزن قليل وليها قطع غيار في كل حته و دليل الكفائه انها شغاله تاكسي
بلاها سوبرا علي سكاي لاين يا عم و الحاجات القديمه ديه

الى انت شا شيفه ان شلة تكون مليون حصان بس 700 حصان فى سيارة ذى دى معجزة

مش باقولك الفيرنا احسن علي الاقل ليها سوق و مش بتخسر في البيع

[BMW5260]

عموماً ربنا يباركله فيها ويكفيه شر الثقة الزائدة

[lila]

انا معايا فيتارا 91 وبعمل فيها اللي مايعمع دية موتعه

[scraper2012]

بسم الله ما شاء الله بيفهم في الدريفتات كويس,

و المصور بجد فنان محترف

[hosar]

السلام عليكم و رحمة الله و بركاته

أنا بصراحة ماعرفش أعمل كده فى العربية لأسباب كتير:

أنى مستحيل أكون تعبان فى تمن العربية و طافح الدم عشان أجيب عربية, أقى بيها نفسى, أنا و أسرتى من ذل سؤال سواقين التاكسى و عربيات الأجرة و يهون عليا أنى أعمل فيها كده, ممكن يكون الموضوع ده عندى أنا بس و ممكن يكون فيه ناس تانية زيى, بس أنا ماعرفهمش بصراحة.

أنى فعلا, ماعرفش التكنيك بتاع الحركة دى.

أنى على ما أعتقد - و الاعتقاد ده ممكن جدا يكون غلط- أن حرق الكاوتش و العربية بالشكل ده, هو اهدار للمال الخاص اللى ربنا -سبحانه و تعالى- منحه لينا, أكيد مش عشان نحرقه بالشكل السئ ده, الا اذا كان الموضوع ده, لا بيأثر لا عالعربية و لا على الكاوتش, يبقى ده أمر تانى, لأنى من الناس اللى بأعتقد أن الانسان المسلم ليس له مطلق الحرية فى ماله الخاص, لكنه يجب أن يستخدم المال الخاص ده فى الأمور اللى فيها نفع ليه و لسائر المسلمين, لأن المفروض أن المال ده ربنا أعطانا اياه, عشان نقضى بيه حوائج المسلمين.

طبعا, هنا فى المنتدى, حرية الرأى مكفولة للجميع و كل واحد حر جدا فى رأيه.

و بالنسبة لأى حد شايف أن الموضوع ده لا حرام و لا غلط, خلاص, ok, enjoy it .

+111
طبعا انا معاك جدا جدا جدا

[hosar]

[QUOTE=MASERATI;3873615335][QUOTE=Deshahcoka;3873614679]

السلام عليكم و رحمة الله و بركاته

أنا آسف جدا لو كلامى استفزك, بس كلامك بصراحة ماستفزنيش و لا حاجة لأنى متأكد أن فيه ناس كتير ليها نفس التفكير.

يا أخى الفاضل: فيه فرق كبير بين أنك تنفق من مالك الخاص -الحلال طبعا- فى أنك تشترى شقة ب6 مليون جنيه, أو عربية MERCEDES AMG65 ب 2 مليون جنيه, أو أنك تشترى بمالك الخاص الحلال, عربية عشان تحرقها و تستهلكها فى سباقات و دريفتات, أو مثلا تشترى ألعاب نارية و صواريخ و تروح تحضر مباراة الأهلى و الزمالك و تفرقعلك ب500 جنيه صواريخ فى الاستاد.

لأنك لما تشترى عربية فاخرة و لا شقة غالية, أنت شارى العربية عشان تركبها و الشقة عشان تسكن فيها, حق لأى بنى آدم, لكن شارى العربية التويوتا سوبرا بالشئ الفلانى عشان تحرقها و تلعب بيها.

و بعدين, هو أنا قلت أن مالك الخاص ده مش مالك و أنه مالى أنا !!!!!!!!!!, المال الخاص ده بتاعك و لكن كله من فضل الله و كله لله, لا يجوز أن تنفقه فى أى وجه يغضب الله.

المشكلة هنا بأه, أنك شايف أن حرق العربيات و استهلاكها فى الدريفتات و السباقات ده مش من الأوجه اللى ربنا -سبحانه و تعالى- لا يرضى عنها, لكن أنا عن نفسى -وده رأيى و أنا حر فيه- شايف, أنه من الأوجه اللى ربنا لا يرضى عنها.

و أنا كمان على فكرة, شايف, أنه من الخطأ -أنا ماقلتش أنه حرام لأنى ماقدرش أقول اذا كان حرام و لا لأ- أنى أجيب عربية بالشئ الفلانى و أقعد أحرق فيها و أمرمط فيها و يشوفنى فقير من فقراء المسلمين, هو يعلم جيدا, العربية دى بكام و أد ايه تمنها يفرق معاه, أنا مابقولش, أنى أنزل من العربية و أديهاله, لكن على الأقل, أنى ما أعملش كده أودامه.

أنا اللى خلانى أفكر التفكير ده, أنى استشعرت أنه ماينفعش أجيب عربية أتسابق بيها و أمرمطها و يشوفنى و أنا بعمل كده, واحد فقير يقف يبصلى و هو ساكت لأنه مش فى ايده طبعا أنه يعمل حاجة لأنها عربيتى مش عربيته, هو ساكت صحيح مابيتكلمش, لكن مخه شغال و عمال يقول لنفسه أنه يتمنى يكون عنده عشر تمنها عشان يحل بيها مشاكل كتير أوى عنده.

و طبعا, كل واحد مسؤول عن نفسه و حر فى رأيه و ربنا ييسر لينا الأحوال.

آسف للاطالة و تقبل تحياتى .

+1
كلام صحيح جدا

[shaddadfalcon1]

الموضوع بعيد عن الحلال والحرام هو متعه شخصيه
يعني اللي هيجيب عربيه زي دي هيجيبها يعمل بيها ايه غير كده؟ يوقفها في الجراج ولا يجري شويه بيها في الطوالي؟ لو فيراري ولا لامبو تقول ماشي لكن دي هي واخواتها اليابانيات معملوين عشان كده

[MASERATI]

السلام عليكم و رحمة الله و بركاته

ماهى فعلا متعة شخصية, بس احنا كمسلمين, لازم الأول نصنف أى حاجة بنعملها: اذا كانت حلال و لا حرام و بعد كنا نعملها, ده اللى أنا أقصده.

و أنا لا زلت عند رأيى, أن أى حد اشتغل و تعب فعلا بجد عشان يحوش تمن عربية, أيا كانت العربية دى بأه, اسبرانزا a113 و لا mercedes s550, لازم هيفكر كتير أوى قبل ما يعمل فيها كده, لأن أنا على مدار حياتى, ماصدفش أنى أقابل حد جايب عربية من تعبه و شقاه الحلال فعلا و عمل فيها كده.

[hosar]

و الله كل واحد دماغة مريحاة

[shaddadfalcon1]

السلام عليكم و رحمة الله و بركاته

ماهى فعلا متعة شخصية, بس احنا كمسلمين, لازم الأول نصنف أى حاجة بنعملها: اذا كانت حلال و لا حرام و بعد كنا نعملها, ده اللى أنا أقصده.

و أنا لا زلت عند رأيى, أن أى حد اشتغل و تعب فعلا بجد عشان يحوش تمن عربية, أيا كانت العربية دى بأه, اسبرانزا a113 و لا mercedes s550, لازم هيفكر كتير أوى قبل ما يعمل فيها كده, لأن أنا على مدار حياتى, ماصدفش أنى أقابل حد جايب عربية من تعبه و شقاه الحلال فعلا و عمل فيها كده.

انا لو جبت موستنج اكيد اكيد مش هحسس عليها واسوقها براحه
ده حتي العربيه تتخنق مني

في حاجات لازم الواحد يستمتع بيها طالما دافع فيها فلوس والحاجات دي مش هتبوظها ولا حاجه

عربيه 800 حصان مش هتفرق معاها شوية فرك ودريفتات بسيطه