تخيلو تويوتا كامرى شرطة فى مصر !!!!!!!!!!!!!!!!!

[MohabSaeed]

الشرطه بتركب كامرى ................

طيب يا حكومه فكيها على الشعب الغلبان ... ورخصيلهم ال128 ........ يعنى عربيه واحده من دول بتمن 12 عربيه 128 زيرو ام 40 الف ملطوش !!! ....



ولسه ياما نشوف ....بكره نلاقى مايباخ دوريه .... و مورسيلاجو مطارده .... ما اصل احنا عايشين الدور اوىىىىىىىى وبشكل بايخ اوىىىىى

[Mido80]

دي تلاقيها معونة من امريكا

[Ahmad Allawy]

لا يا باشا مش امريكا طبعا,.,
المعونة الامريكاني بتكون عربات امريكاني..
يمكن معونة من اليابان ولا حاجة..؟؟ :)

[Powert]

لا يا باشا مش امريكا طبعا,.,
المعونة الامريكاني بتكون عربات امريكاني..
يمكن معونة من اليابان ولا حاجة..؟؟ :)

+1

ايوة دي اكيد معونة يابانية عقبال المعونة الانجليزية

[Ahmad Allawy]

طيب استعد بقي للانجليزي..
روح بقي اتطوع ف الجيش و خليك عسكري بقي ولا حاجة و استني المعونة.. لو عايز تسوق.. لازم تضحي.. :) :) :)

ربنا ما يحكم علي حد بتجربة الجيش دي و يهون علي الناس اللي فيها دلوقتي
و يجعل الفترة دي في ميزان حسنات اللي دخلوا..
(انا الحمد لله معفي مؤقت.. :) )

[HeMa_LanCeR]

علي فكره انا شفتها فعلا وانا رايح الاكاديميه يوم الاتنين وتنحت طبعا

[eng_mkhalaf]

معونة أية يا جماعة دية جاية من دمنا

[mohaned_magdy]

اولا ممنوع ظابط يسوق اى سيارة ولو اتمسك ممكن توقفه ترقيه بس عندنا ماشيه كوسه يعنى بيعدوها لبعض لاكن و ظابط غلس ممكن يمسك صاحبه ثانيا المطارده فى مصر ممنوعه يعنى انا لو ظابط طاردنى وموته مالهوش عندى حاجه لانها حصلت مع واحد صاحبى الظابط طلع يجرى وراه بالموتوسيكل ووقف ادامه وفاكر ان صاحبى هايقف للاسف صاحبى ماكنش فى واعيه وداس بانزين شاله هو والموتوسيكل الظابط مات وفى الاخر دفع 500 جنيه غرامه

[م.محمد شافعي]

انا شفت العربيات دي في نفس محطه البنزين اللي علي اول عباس العقاد وكنت مستغرب جدا
طبعا دي حاجه عاديه في دبي لانها ب 90 الف درهم واحسن منها كمان بتتعمل شرطه وتاكسي بس في مصر حرام بصراحه عشان هتتبهدل علي الاخر زي سابقتها.

[Hossam_Hassan]

النهاردة عند بيت الريس فى العروبة كانت واقفة عربية نمرتها 2000، لوح محافظة القاهرة، عارفين نوعها ايه؟

مرسيدس E280 بيضاء، الشكل الأخير، يعنى نقول موديل 2005 - 2007 و على السقف انوار زرقاء

يا ولاد التتتتتتيييييييييييتتتتتتتتتتتت

[hazem_khidr]

و انا عندي في المحله واحده كامري برضه علي الكمين اول الدائري!!!
وقبلها اوكتافيا

[Hossam_Hassan]

لازم يشتروا عربيات جديدة، أصل القديمة مشغولة

[pop3]

العربيات دي بتبقى هدايا من ملوك و أمراء دول الخليج للحكومة المصرية و بيتم توزيعها زي ما الحكومة عايزه و طبعا كل ما Trs بتاع الموظف ما يعلى كل ماياخذ عربية أغلى

[Terrible_DaRsH]

من اليوم لابد ان تفخر بحكومة بلدك ...
لما تتكلم مع اى حد اجنبي بدل ما تقوله انا عندى كامرى
قوله الحكومة بتاعتنا عندها كامرى وانتوا لا :shocked:

يااجماعة الى سمعتو انو الحكومة بتاخد العربيات دى زاى البيجو والتيوتا والحاجات دى اما على سيبل الهدايا من الشركة او ضمن المعونة

هدايا مين ؟؟!
اشمعنه هما ياخدوا هدايا واحنا لا !!
يعنى لما قريبى يبعت لى مازدا 3 مثلا هدية هاخدها ببلاش زيهم !!

ده على ما اعتقد عاملنها علشان المطارده

علشان ال127 لما تقطع الاشاره يجرى وراءها ويجبها

فكره والله
وكمان احتمال نلاقى عربيات البوليس بتخمس فى ال fbi ..!!

[Abo.Omar]

هههههههههههههه
والله عمار يا مصر... بس جامد اوى اللى صور الهيونداى دى