مصر على خطا اليابان

[caboo_1]

فيديو يوضح ايه اللى ينقصنا عشان نبقى زى اليابان فى صناعة المحركات
بجد فيديو جامد
[youtube]http://www.youtube.com/watch?v=ki5UbRtrO-8&feature=share[/youtube]

[Bonanza]

تسلم ايدك يا باشا

فعلا فيلم جامد جدا و محفز

بس انا نفسنت بصراحة
ليه مفيش ميتسوبيشي :)
ههههههه .. بهزر طبعا

[smsm_cato]

فيديو جامد جدا ولو ان القصة انا عارفها من زمان بس الفيديو فعلا محفز جدا

[ossamayk]

يا رب ارحمنا

[essamenen]

عتدنا كفائات عاليه جدا
ولكن حسبى الله ونعم الوكيل

[aif]

المشكلة ليست في الامكانيات
المشكلة في حسن ادارة هذة الامكانيات
الامكانيات عندنا بتهدر
والدليل اننا نروي الحدائق ونغسل السيارات ونرش الطرقات ونخلط الخرسانات .... بماء الشرب

[MaZaGAngeE]

لأني انتمي الى مجال الصناعة و بحاول اطور و ارفع الانتاجية في معدات المصنع و بحاول اتعلم ازاي ارفع الجودة و نوعية المنتجات و ادخال منتجات جديدة ..... بس الفيديو ده وجعلي قلبي جدا و حزنت على حالي و حال امثالي من المهندسين اللب بيحاربوا طواحين الهواء .. و يجي ناس مش عارفين حاجة يقولك الصناعة المصية فاشلة و المنتج المصري لا يستحق تمنه ..
و الفرق بيننا و بين غيرنا :
احنا مطلوب مننا نصرف على اسرة و ناكل عيش بامكانيات و مرتبات محدودة .
مطلوب مننا ندير مجاميع عمل ( البعض و ليس الكل ) معندهاش اي ارادة او رغبة في عمل شيء صحيح او بكفاءة الا لو عارف انه هيتخصمله لو مشتغلش صح
مطلوب مننا نطور بدون مصروفات لأن صاحب العمل ( البعض برضه ) مش مقتنع انك تقدر تعدل على الخواجة
مطلوب مننا ندخل ارباح للمصنع من اول يوم شغل و الناس معندهاش صبر على ادخال منتج جديد للسوق المحلي اللي رافض اي منتج مصري ( في الغالب مش الكل )
مطلوب مننا انهاء اجراءات و اوراق و تراخيص مالهاش نهاية و تستهلك وقت كبير جدا بدون اي داعي و كان ممكن ان كل ده يكون بلجنة معاينة للمصنع و اجراء ترخيص تشغل واحد يكون فيه كل اللجان المطلوب انها توافق على التراخيص ( بس مين عايز يحل مشاكل في مصر )
و ..... كفاية كده انا قلبي مليان و مش عايز اتعب قلوبكم انتوا كمان

[Mzeid]

لأني انتمي الى مجال الصناعة و بحاول اطور و ارفع الانتاجية في معدات المصنع و بحاول اتعلم ازاي ارفع الجودة و نوعية المنتجات و ادخال منتجات جديدة ..... بس الفيديو ده وجعلي قلبي جدا و حزنت على حالي و حال امثالي من المهندسين اللب بيحاربوا طواحين الهواء .. و يجي ناس مش عارفين حاجة يقولك الصناعة المصية فاشلة و المنتج المصري لا يستحق تمنه ..
و الفرق بيننا و بين غيرنا :
احنا مطلوب مننا نصرف على اسرة و ناكل عيش بامكانيات و مرتبات محدودة .
مطلوب مننا ندير مجاميع عمل ( البعض و ليس الكل ) معندهاش اي ارادة او رغبة في عمل شيء صحيح او بكفاءة الا لو عارف انه هيتخصمله لو مشتغلش صح
مطلوب مننا نطور بدون مصروفات لأن صاحب العمل ( البعض برضه ) مش مقتنع انك تقدر تعدل على الخواجة
مطلوب مننا ندخل ارباح للمصنع من اول يوم شغل و الناس معندهاش صبر على ادخال منتج جديد للسوق المحلي اللي رافض اي منتج مصري ( في الغالب مش الكل )
مطلوب مننا انهاء اجراءات و اوراق و تراخيص مالهاش نهاية و تستهلك وقت كبير جدا بدون اي داعي و كان ممكن ان كل ده يكون بلجنة معاينة للمصنع و اجراء ترخيص تشغل واحد يكون فيه كل اللجان المطلوب انها توافق على التراخيص ( بس مين عايز يحل مشاكل في مصر )
و ..... كفاية كده انا قلبي مليان و مش عايز اتعب قلوبكم انتوا كمان

من الاخر اللي بيعمل مصنع في مصر همه الاول و الاخير المكسب
حتى لو بيكسب كتير او قليل مرتبات العمال و الموظفين في الارض
تقوله اعمل r & d و طور منتجك يقولك يا عم ايه اللي انت بتتكلم فيه دة
الفرق بين هنا و الخارج ان في الخارج عارفين ان مكسبهم بييجي من رضا العميل انما هنا مكسبه باجبار العميل

و دة طبعا رأيي الشخصي يا بشمهندس

[Ralliart]

تسلم ايدك يا باشا

فعلا فيلم جامد جدا و محفز

بس انا نفسنت بصراحة
ليه مفيش ميتسوبيشي :)
ههههههه .. بهزر طبعا

رغم ان ميتسوبيشي كانت بتصنع سفن وطيارات وعربيات من قبل ما هوندا او تويوتا يفكرو يعملو موتسيكل والراجل العظيم اللي عمل المحرك ده شركته اصبحت هي شركة داتسون وبعدين بقى اسمها نيسان وميتسوبيشي هي اول شركة تعمل خط انتاج لعربية في اليابان

لو هنفكر بتفكير دول العالم الثالث هنقول من أنتم واين كنتم عندما كانت ميتسوبيشي (طبعاً بنتكلم على العربيات بس انما حالياً هما اكبر مجموعة شركات في اليابان)
لو هنفكر زي واحد ياباني هناخد عبرة وهي ان النجاح مبني على التفكير والتخطيط السليم مش على حاجة تانية وان التاريخ بيذكر "أنجزت ايه" مش في "بدأت امتى" ،مش مبدأ أكبر منك بيوم يعرف اكتر منك بسنة
علشان كدة تويوتا وهوندا تفوقو على ميتسوبيشي وحالياً شركة حديثة زي هيونداي معلمه عليهم كلهم في المبيعات

طول ما البلد دي حاكمها عواجيز ممكن نتقدم اه بس هنتقدم بالراحة زي ميتسوبيشي ولو مسكها شباب عندها طموح هنتقدم بسرعة زي تويوتا وهوندا وهيونداي
ايه الهري ده

[lanos2004]

لا يتقصنا العقول ولكن ينقصنا الامبراطور

[medo_coool2002]

ياجماعه
طول ما نظام التعليم الفاشل ده موجود
ماتحلمش انك تصنع بسكلته حتي

يعني ايه تدرس حاجه انت مش بتحبها

يعني ايه تفضل تصم فيزياء من اول اولي ابتدائي لحد الثانويه
وانت كارها

يعني ايه لما تسرح بخيالك شويه مثلا في الفصل
ولما تيجي تسال المدرس يعني ايه كذا كذا
يقول
"والله هو ده المنهج المقرر عليك يابني"

ياجماعه اوحش حاجه في مصر
ان الناس بتدور علي لقمة العيش وبس
ولاغيين حاجه من دماغهم
اسمها
الحلم

[minicooper20]

يا الله