>: 5 تصميمات من خيالى .. ايه رأيكم فيهم ...

[ahmad7610]

ايه رأيكم فى التصميمات دى .. وياريت تقولوا رأيكم بصراحة وأى نصيحة .. وازاى أقدر أوصل التصميمات دى
لاى حد .. وكان نفسى أعرضهم فى أوتوماك ... اللى جاى 2009 :)
-----------------
5 تصميمات كنت عاملهم ...
-
معلهش الورق مخطط بس هو ده اللى كان معايا ساعتها .. اعتذر عن ان بعض التصميمات مش واضحة قوى
-

_________________تصميماتى________________





---------------






----------------





----------------------------








--------------







--------------------------------

يهمنى رأيكم والنقض البناء واى نصيحة ...
-
حاولت اشترك فى معرض أوتوماك بتصميمات لكن معرفتش أوصل لحد أكلمه ..
-
بعثت لاخبار السيارات وكانوا نشروا تصميمين لى من أكثر من 4 سنوات ..

[wawoo]

يهمنى رأيكم والنقض البناء واى نصيحة ...
-
حاولت اشترك فى معرض أوتوماك بتصميمات لكن معرفتش أوصل لحد أكلمه ..
-
بعثت لاخبار السيارات وكانوا نشروا تصميمين لى من أكثر من 4 سنوات ..

التصميمات جيدة يا اخ احمد , انت بس محتاج تعمل شوية ظلال و اضائة على عشان جسم السيارة عشان تظهر اكتر ,
بالنسبة للاشتراك فى المعارض , معرض فورمولا بيعمل جناح للمصممين مخصوص , حاول تشترك السنة دى ان شاء الله .

[ahmad7610]

ألف شكر على تشجيعك .. هى فعلا التصميمات دى انا كروتها شويه ..
-
ان شاء الله حأجهز كام تصميم كده للمعرض اللى جاء وحيكونوا ب 3Dmax

[hitsh88]

جامدين موت بس عندى اعتراض فى موضوع اتوماك ...ليه تضيع مجهودك و تعبك على الفاضى .عشان دى مصر و هتفضل مصر و محدش هيهتم بى اللى انتا عملته ..انا رآى انك تحاول توصل لشركات كبيرة برا و حاول مش هتخسر حاجة !!

[Sameh]

الله ينور على المجهود ده يا أستاذ / مهندس : أحمد

ده رأيى المتواضع أتمنى إنه يفيدك:

التصميم الأول:
شكله منطقى جداً لسيارة هاتشباك أوروبية ، شكل المقدمة بيفركنى بالبيتلز الجديدة ، وشكل الهاتش باك بيفكرنى بالرينو ميجان ، والرفارف من جنب العربية بتفكرنى بالسيريون ، خلى بالك إنت نسيت تحط مساحة خلفية فى الدرافت لأنها أساسية فى معظم الهاتشباك والليفت باك عشان الثلج المتراكم على الزجاج ، لأنك بترفع باب الشنطة والزجاج الخلفى مع بعض وإنت بتفتح الشنطة ، أعتقد التصميم مقبول جداً ومش شاذ ، ويمكن يبقى أحسن لو الشبكة الأمامية إتغيرت شوية ، ممكن لو المسافة بين الفانوسين المدورين تبقا أبعد من كدة شوية

التصميم التانى:
شكل رائع وفخم ، أقرب إلى مايباخ أو clk بس ضخمة حاجة كدة ، والسقف فيه إستعارة فرنسية من البانوراما بتاعت بيجو أو رينو ، شكل المؤخرة غريب أوى ويوحى بشكل عربية ستيشن واجن sw مع إن من الجنب ماتقولش كدة ، إيه رأيك ؟ ، طبعاً دى تبقا عربية من ذوات الكام أرنب ، بس لو عربية بالفخامة دى أعتقد هتكون سيدان أفضل

التصميم التالت:
سيارة متعددة الإستخدام ، شكل يوحى بالإنطلاق والشراسة ، شكل المؤخرة يفكرك بالمؤخرة الفضائية بتاعت نيسان مورانو أو إنفينيتى كيو إكس 7 ، وعجبانى أوى فكرة الكشافات الخلفية فوق وحول الزجاج الخلفى جميلة جداً ، وطبعاً واضح إن الإطارات عريضة مش أقل من 235 مثلا ، نقطة الضعف بقا شكل المقدمة ، تبدو مش إنسيابية خالص تحس إنها هتعبى هوا والعربية ماشية ، أو إن العربية عاملة حادثة خفيفة وده مش شكلها الأصلى ، شكل ال V فى الإكصدام الأمامى جميل زى الألفا روميو ، وحاسس إنه شكل سبيدر مان أو إن العربية عايزة تزعق وتقول ماحدش يقف قدامى ، بس أعتقد اللى مبوظ الشكل هو إلتقاء الكبوت بالإكصدام ، يمكن لو الكبوت نزل شوية من الأمام هيدى الإنسيابية ويلغى الإحساس الغريب ده

التصميم الرابع:
شكل يوحى بسيارة ستحقق إنتشار و أرقام مبيعات عالية !! ، المقدمة صغيرة على حجم العربية ، أقرب إلى شكل الفورد مونديو أو فوكاس ، الكبوت قصير فعلا ويخوف ، إنت عارف الإنطباع بالشكل بقا : صيانة صعبة - مافيش مساحة تمد إيدك - الخبطة بخساير كتيرة ، شكلها من الجنب جميل ويوحى بالقوة ومش عارف أى عربية تشبهها من الجنب ، كنت هقول كامرى على نيسان التيما الجديدة بس كدة هنظلم التصميم بتاعك ، شكل الؤخرة طبيعى برغم الإكصدام الضخم ويوحى بمؤخرة الكرايسلر c300

التصميم الخامس والأخير:
العربية دى خليط بين عدة عربيات فى بعض ، سوبارو هاتشباك من الخلف ، ومرسيدس بى كلاس وإيه كلاس سوا أو هوندا يفيك هاتشباك أو أو ، زى التصميم الأولانى شكلها أوروبى صميم ، بس بدرجة نضج أكتر من التصميم الأولانى اللى هو شبابى أكتر ، مش لاقى كلام أقوله عنها غير إنها عربية ممكن تشوفها كل شوية جنبك من غير ماتستغربها لو إنت فى دولة أوروبية ، مش عارف أربطها بشكل عربية واحدة بس وده معناه إنها عربية سوق وهيمشى حالها !!

أتمنى ليك كل التوفيق ، أنا إحترمتك جداً لمجوداتك ، لأن فرق كبير بين إنك تركب أو تسوق وإنك تصمم من أفكارك

[sherif_84]

الله ينور يا أحمد باشا
التصميمات جميلة جدا
انا زيك برضو كده بحب رسم السيارات بس على قدي ( :

[ibrahimrdawn]

الله ينور عليك يا باشا
جميل وحاول تانى وتالت لحد متوصل ان شاء الله

[misho2mimy]

الله ينور عليك .......... لكن التصميمات محتاجة بعض التوضيح والاضاءة