اختبار تصادم جالينا (فضيحة الصينى ثانى مرة)

[أبو عبدالله]

يا اخي ده مش جديد ده في اسبانيا والقديم كان في المانيا
فانا لا اعرف الأسس المبني عليها كلتا الأختباريين والاختلاف ما بينهم

[PRO-DRIVE]

شوافوا السرعات كانت كام هنا و كام هناك

[MrTooFast]

شوافوا السرعات كانت كام هنا و كام هناك

برافو نقطة هايله. بالرغم من انك ممكن تكون أثرتها على أساس ان الأختبار الأسبانى كان بسرعه أبطاء و لكن فى أعتقادى انه بالعكس الأختبار الألمانى كان على سرعه أكبر من المعلنه. وبعدين لو لاحظتم اخر صورتين فى أول الموضوع (اختبار التصادم الجانبى) هما فى الحقيقة مش لنفس الأختبار, مع أن التانية توحى بأنها بعد انتهاء أختبار التصادم الجانبى , لكن الحقيقة ده مش صح لأن فى الصوره الأولى(من اخر صورتين) السياره فيها دمية واحدة و بدون فتحة سقف, فى حين الصورة الأخيرة فيها دميتين و فتحة سقف(الحقيقة دى صورة فى المواجهة بعد أختبار التصادم الأمامى). على فكرة نفس الترتيب موجود على كل ال websites اللى شفتها لحد دلوقت.

أنا مش بدافع عن ماركه معينة و لكن بحاول اعرض الأمور بموضوعية.

[جندى مجند]

على فكرة و للأمانة و الموضوعية أنا كنت اليومين اللى فاتوا دول مع قريب لى بأتابع اصلاح سيارته (الانترا 2006) عند سمكرى ... و زيارة السمكرى عامةً هى نوع من العظة و التذكرة أنصح كل واحد انه يقوم بها بين الحين و الآخر :)

المهم ... السمكرى كان عنده عربية اسبرانزا 2000 سى سى كانت عاملة اصطدام أمامى قوى جداً لأن كل حاجة تحت الكابوت كانت ضايعة ... لكن العربية نفسها من جوة الصالون كانت الأضرار فيها بسيطة جداً ... الاير باجين اتفتحوا .. البربريز ماتكسرش .. و بعض التلفيات البسيطة فى التابلوه ... و اللى راكبين العربية محصلهمش حاجة على كلام السمكرى ...

الحاجة الوحيدة اللى لفتت نظرى و مكانش المفروض تحصل ان العتب انفصل و اتعوج تماماً رغم انه بعيد عن مكان الاصطدام ... و طبعاً المشكلة الأكبر ان السمكرى قال ان اكتر من نصف الحاجات اللى عايزين يغيروها للعربية مش موجودة عند التوكيل (طبعاً هو بيتكلم عن ما يخص السمكرة انما لسة الموتور الله أعلم فيه ايه .. هى محتاجة محرك كامل جديد أصلاً) و طبعاً العربية مركونة بقالها فترة صاحبها مش عارف يبدأ شغل فيها ولا يبيعها حوادث لأنه مش عارف اذا كان التوكيل حيجيبله قطع غيارها أم لا ... لو رحت للسمكرى تانى حأحاول أصورها و أحط الصور هنا باذن الله

[أبو عبدالله]

الحاجة الوحيدة اللى لفتت نظرى و مكانش المفروض تحصل ان العتب انفصل و اتعوج تماماً رغم انه بعيد عن مكان الاصطدام ... و طبعاً المشكلة الأكبر ان السمكرى قال ان اكتر من نصف الحاجات اللى عايزين يغيروها للعربية مش موجودة عند التوكيل (طبعاً هو بيتكلم عن ما يخص السمكرة انما لسة الموتور الله أعلم فيه ايه .. هى محتاجة محرك كامل جديد أصلاً) و طبعاً العربية مركونة بقالها فترة صاحبها مش عارف يبدأ شغل فيها ولا يبيعها حوادث لأنه مش عارف اذا كان التوكيل حيجيبله قطع غيارها أم لا ... لو رحت للسمكرى تانى حأحاول أصورها و أحط الصور هنا باذن الله

لا حول ولا قوة الا بالله

ياريت الناس كلها تشوف علشان تعرف العربيات دي ممكن تعمل في صاحبها ايه