تحفه في المحله

[hazem_khidr]

كنت بوصل واحد صاحبي و فجأه لقيت العربيه دي قدامي واقفه قدام الكار كير بتتغسل و كنت ببششوفها ايام زمان واقفه في مشحمه بتاع واحد خواجه لكنه مات و فضلت العربيه مركونه في الشمس يجي 17 سنه يعني قمه الاهمال لحد ما اختفت فجأه و بالصدفه لقيتها و وقفت مع صاحبها و اتعرفت عليه و دار بينا حوار مش اقل من ساعه و قعد يفرجني علي العربيه و فعلا قال كلام مذهل عنها
العربيه جاجوار MK10 و الموديل دا ما نزلش منه غير 25 عربيه فقط لا غير!!!!
واحد منهم هنا و التانيه في ميدان غرناطه لونها احمر بس تعبانه .
كان شاريها بمبلغ كبير و اتعرض عليه من شخصيه هاويه النوعيات دي انه ياخده بتلات اضعاف تمنها لكنه مش موافق لانه جايبها لمزاجه .
عربيه 6 سلندر بس ما اعرفش قوتها كام و فتيسها 4 غيار .
فيها اتنين تانك للبنزين علي الجنبين علشان يحف توازن العربيه من الخلف.
التابلوه بتاعها مصنوع من خشب الورد و ريحته فيه لحد انهارده و طبعا HAND MADE

موديل 1964 و كانت بتاع القنصل البريطاني في مصر .
البويه اللي عليها من سنه 1980 .و يوم ما اشتراها في 2002 مكنتش بدور و بعت جاب ميكانيكي مخصوص لجاجوار من القاهر قعد تلات ايام علشان يعرف يدورها .
عربيه قمه في الفخامه الصراحه و تحس و انت راكبها انك من العائله المالكه كده :D
حسيبكم مع الصور و مستني رايكم



الواجهه الاماميه ذات الاربع مصابيح الدائريه و الشبكه النيكل المميزه و هي التصميم الذي استعان به جاجوار لانتاج ال s type



السياره من الخلف و تصميم يمثل مرحله انتقاله بين التصميمات ما قبل عام 50 و رؤيه جديده لما يمكن ان يكون عليه تصميم السيارات الحديثه آنذاك وع نكهه انجليزيه فريده!


المقعد الخلفي و يلاحظ الرفاهيه في التصميم و الاستخدام السخي للخشب في المكونات



لوحه القياده مصنوعه بالكامل من الخشب الفاخر مع وجود مفتاح لاداره المحرك علي غرار السيارات الحديثه(المفتاح اللي جنب الولاعه علي الشمال



الموتور الرهيب ذات ال 6 اسطوانات


الوجية حازم خضر :D :D



تم تعديل حجم الصور واضافة الصورة السادسة بمعرفتي
Nader

[Karim_Monir]

روعه طبعا
دي تحفة وليه حق ما يبعهاش ابدا

[hazem_khidr]

الراجل بيقولي يا باشمهندس انه بيحلم بالعربيه دي من ايام ما كان في ابتدائي و فضل ورا ابن صاحبها ست سنين لحد ما اشتراها منه و بيقولي انا جايبها لمزاجي و مش بخرج بيها كتير بحب اشوفها بس كده واقفه تحت البيت وهو بيروح امريكا ليه شغل هناك و بيبعت يجيب قطع غيارها و هو هناك لما بتحتاج حاجه بيبعت يجيبها من المصنع!!!!
الفانوس اللي ورا باعت يجيبه و هو بيرشها حاليا جايب الصنايععيه قدام الكار كير بتاعه يشتغلو فيها و كل مسمار هو اللي بيفكه و يعينه و يكتب عليه مكانه !!!!!!!! بجد فرحت لما شوفت حد بيهتم كده بالعربيه بتاعه

[fahd_628]

والله العربية ما شاء الله تحححححححفة

بجد كويس ان فية ناس بتهتم بالعربيات دية

[sokasoon]

• عربية حلوة فعلا وموتور قوى وصالون واسع جداااااا
  
  وياريت تجيبلنا صور ليها بعد ماتتظبط وتترش

[ecybrarian]

الله أكبر. ايه الجمال ده. ياريت تكون خدت نمرة تليفونه علشان المجلة. وياريت برضة تكون دعيته للاشتراك في المنتدى

[PRO-DRIVE]

اوووووووووووووووووووووووووه

المتور بتاعها I6 مش V6 زي ما كنت متوقع كدا العربيه دي زي سكاي لاين

عاوز اسألك سؤال بجد المتور بتاعها تحسه مايل شويه ولا لا ؟؟؟ لان كنت ملاحظ ان كل مواتير سكاي لاين مايله شويه مش مستقيمه !!! و واحد قالي كل الI6 كدا

[eng_amrazek]

بسم الله ما شاء الله
العربية تحفة فعلا
ربنا يباركله فيها

[Nader]

تحفة طبعاً وصاحبها الاولاني معرفش يقدر قيمتها.

* انا شفت صورة تانية يا حازم وفي واحد صاحبنا راكب فيها :d ، هي فين الصورة دي؟؟

[hazem_khidr]

بتحرجني يا ندور .حاضر يا سيدي ولا تزعل حنزل الصوره اللي انت عاوزها بس يا ريت تصغر حجم الصور شويه لحسن مش عارف

[Hossam_Hassan]

بسم الله ماشاء الله

[PRO-DRIVE]

لما الصوره صغرت عرفت احدد المتور مايل فعلا :mrgreen:

[waleedabbas]

ماشاء الله
العربيات مش بتقدم هتفضل ليها احترامها وقيمتها وتثبت انها احسن من عربيات حديثة كتير

[Abouelela]

سبحان الله .. العربيات دى بالذات ليها طعم مختلف .. يا سلام لو لونها كان يبقي أحمر ملكي ..
فاكرين أن جت فترة كان ممنوع أن أى عربية تبقي لونها أحمر غير عربيات الأسرة المالكة ..
ربنا يباركله فيها .. ويكفيه شرها بإذن الله

[bannawy]

اهي دي التحف والا بلاش .. لو تعرف تجيب صورها بعد التجديد هتبقي حاجة جميلة الواحد يمتع بيها عينيه ..