اوعى الشاسيه

[Hossam_Hassan]

يوم الخميس وانا راجع من الساحل و بعد ما عديت البوابات فجأة لقيت شاسيه معدى من شمالى زى الصاروخ، بجد زى ما بقولكم، شاسيه عربية نقل بموتور و 4 عجلات و نمر تجارية و بس و السواق منه للهوا و قاعد على كرتونة و فاتح على 130 على الأقل، المهم شديت علشان اصوره لقيت الباشا عمال ياخد غرز فى عز الزحمة - الساعة كانت 5:15 و عربيات كتيرة طالعة من القرية الزكية - المهم صورته و كان بيتكلم كمان فى الموبايل و بعد لما هديت لقيت واحد غيره جاى بيجرى كمان بس معرفتش اصوره.

[hazem_khidr]

ما شاء الله دا انت متابعه طول الطريق و مش سايبه :D .
بس ايه دا اهو واحد زي دا المفروض يتعلق علي المشنقه من اللي ماشي بيه دا من غير حتي لمبه استوب تكون غاله.

[أبو عبدالله]

:mrgreen: :mrgreen: :mrgreen: :mrgreen:

ضحكتني والله يا حسام

كان بيجري من ايه هما سارقينهم ولا ايه

[Nader]

طيب لو كبس فرامل دة هيعمل اية؟؟ اكيد هيلزق في اقرب ازاز قدامة!!

[Hossam_Hassan]

والله يا أبو عبدالله انا مش عارف دول جايين منيين و رايحيين فين و المرور سايبهم ازاى؟

[hero]

تبقي اكيد اكيد في مصر.....

[fahd_628]

:shock: :shock: :shock: :shock: :shock: :shock: :shock: :shock: :shock: :shock: :shock: :shock: :shock:

ربنا يشفى