إطارات بدون هواء من بريدجستون

[Eng.Osama.Afifi]

أعلنت شركة بريدجستون الأمريكية أنها نجحت في تطوير مجموعة من الإطارات الجديدة التي تسير بدون هواء، وسيتم طرحها خلال العام الحالي .
وتسمح الإطارات الجديدة بحرية الحركة للسيارة حتى إذا بلغ ضغط الهواء داخلها صفرا، وذلك لمسافة محدودة على سرعة منخفضة، كما يسمح أيضا بقيادة السيارة لمسافة تصل إلى 80 كلم بسرعة تصل إلى 80 كلم/ساعة .

وأعربت بريدجستون، وفقا لما أوردته صحيفة "القبس"، عن ثقتها بأن هذا الجيل الثالث من الإطارات سيلقى رواجا أكبر بين شركات صناعة المعدات الأصلية، مما يقلل الحاجة لتزويد السيارات بإطارات احتياطية.

وتحاول الشركة الأمريكية من خلال الفترة المقبلة تركيز جهودها التسويقية على صانعي المعدات الأصلية لكي يتم تركيب الإطارات في سيارات الركاب الجديدة .

وتهدف بريدجستون من خلال تلك الإطارات إلى تحقيق مزيدا من الراحة عند قيادة السيارات والتي تسمح بالقيادة حتى عند انعدام الهواء داخلها، بجانب الحد من استخدام الإطارات الاحتياطية .

[youtube]http://www.youtube.com/watch?v=-sQIiIH6Ve4[/youtube]

[zakiali]

فكرة ممتازه بجد ....

[El Prince]

ناس يتفكر ..
كفاية ان الواحد مايكونش خايف ان الكاوتش ينفجر لأى سبب و هو على سرعه ..

[kh_talaat]

الصراحه جامدة جدا

ويا ريت تطبق في كل العربيات اللي نازله زيرو وتبقى متوفرة بسعر معقول

نفسي أرتاح بقى من الخوابير واللحامات ..... توب علينا يا رب

[mohamed_rhem]

بصراحه جامده مووووووووووووووووووووت

[Eng.Osama.Afifi]

الصراحه جامدة جدا

ويا ريت تطبق في كل العربيات اللي نازله زيرو وتبقى متوفرة بسعر معقول

نفسي أرتاح بقى من الخوابير واللحامات ..... توب علينا يا رب

آه والله

ده الواحد حاسس إنه ماشي في صحراء أو غابة من التخريم إللي بياخده الكاوتش

[MohaMed_Refaat]

امال الجنط فية بلف لية ؟؟؟!!!

[elmashboh]

يبقى ريحونا والله

[E30power]

امال الجنط فية بلف لية ؟؟؟!!!

+111111111111 !!؟

[Ahmed Hassan]

يا جماعه دي مش حاجه جديده ولا حاجه. دي كاوتشات run flat و فعلا بتستخدم من سنين و موجوده في عربيات كتير منها ال bmw 3 series.

معلومه جانبيه.... الكاوتشات دي بتنتجها جميع شركات الكاوتش المشهوره تقريبا... بس بريدجستون بتتميز ان كاوتشات الرن فلات اللي عندها و بعكس باقي المنتجين مش بتحتاج جنط مخصوص

[Eng.Osama.Afifi]

+111111111111 !!؟

أنت قصدك يعني بدل ما كان يخرم بالشنيور

[yossef]

فكرة جامدة

[Yarisawy]

ان مش شايف ان الموضوع مميز جامد لينا ... ميزة الموضوع ان لو لا قدر الله العجله اتخرمت العربيه ممكن تمشى بعدها 80 كيلو فأكيد هانستخدم خوابير او لحام بعدها للمعالجه

واصلا ممكن العجله بتاعتك تكون مخرومه وانت ولا حاسس ولا حاجة ومش هاتستفيد بالميزه دى ... اللى ممكن يستفيد بالميزه دى اللى عندهم (( نظام مراقبة ومتابعه ضغط ودرجة حرارة الإطارات )) وهو اصلا مش موجود غير فى العربيات الفارهه الا اذا تم تركيبه على حده

احسن حاجة يبقى مع الواحد خوابير وكومبريسور صغير

[Ahmed Hassan]

ان مش شايف ان الموضوع مميز جامد لينا ... ميزة الموضوع ان لو لا قدر الله العجله اتخرمت العربيه ممكن تمشى بعدها 80 كيلو فأكيد هانستخدم خوابير او لحام بعدها للمعالجه

واصلا ممكن العجله بتاعتك تكون مخرومه وانت ولا حاسس ولا حاجة ومش هاتستفيد بالميزه دى ... اللى ممكن يستفيد بالميزه دى اللى عندهم (( نظام مراقبة ومتابعه ضغط ودرجة حرارة الإطارات )) وهو اصلا مش موجود غير فى العربيات الفارهه الا اذا تم تركيبه على حده

احسن حاجة يبقى مع الواحد خوابير وكومبريسور صغير

العربيات اللي بتنزل بالكاوتش ده فعلا فيها tire pressure sensors و منها بي ام الفئه الثالثه

[mohamed_abzo]

يا جماعة قطع غيار السيارت برخــــــــــص التراب
بس الحرمية مش بيسيبوها تعدى اللى مايخدوا

الاتاوة ( لمصلحتــــــــــــــــــــــــــــــــــــــك اولاً )