ياريس وهمية -عدسة كريم منير

[Karim_Monir]

يوم السبت اللي فات في بنزينة كالتكس في جسر السويس
كنا واقفين انا وهشام الفقي لقينا العربية الجامدة دي دخلت
طبعا مقدرناش نمسك نفسنا طلعت الكاميرا وصورت وقعدنا نسال صاحبها
قال انه شغال فيها بقالة شهرين عند واحد اسمه محمود ديزاين
مغير فيها كل حاجة بس للامانة التقفيل وهمي كانها فابيركة
صارف عليها 32 الف جنية ولسة ما خلصتش
حاطط شبكة باسات الجديدة وقاطع في الاكصدام
وحاطط شنطة بيمر 320
الجنوط زي مانتم شايفين
ولسه هايبعت يجبلها موتور كرولا 1800 من برة يسقطه فيها
طبعا هايخليها طلقة
مغير العفشة بالكامل لعفشة سبور مكلفاه فوق ال 7 الالاف
بصراحة العربية وهم وتستاهل وللاسف عشان البنزينة زحمة معرفتش اصور غير الكام صورة دووووول

[ezshereef]

بس حاجة حلوة إنه كاتب على العربية إسمها عشان الناس تعرفها بعد ما خلاها مهجنة

[ezshereef]

بس العربية فعلا جامدة

[hazem_khidr]

تحفه ما شاء الله عقبال عربيتك يا كريم يا رب
يا تري دي اللي كنت بتقولي عليها يوم المقابله ولا واحده غيرها؟؟؟

[Adham]

والله حرام واحد يشتري عربية زيرو موديل السنة و يعمل فيها كدة

يشتري عربية مستعملة و موتورها هلكان و صاجها مخبط بعشرين الف و يعدل فيها آة بس مش في عربية زيرو

يعني كان جاب جولف 2 او ياباني في التمانينات و يلعب فيها براحتة قص و لزق وتسقيط مواتير :?

[Heshaam]

شكرا يا كريم باشا على الصور الجميلة ديه

هي تحفة فعلا ربنا يباركله فيها

[eng_elnaggar]

والله حرام واحد يشتري عربية زيرو موديل السنة و يعمل فيها كدة

يشتري عربية مستعملة و موتورها هلكان و صاجها مخبط بعشرين الف و يعدل فيها آة بس مش في عربية زيرو

يعني كان جاب جولف 2 او ياباني في التمانينات و يلعب فيها براحتة قص و لزق وتسقيط مواتير :?

معاك 100 %

[ezshereef]

Adham كتب:
والله حرام واحد يشتري عربية زيرو موديل السنة و يعمل فيها كدة

يشتري عربية مستعملة و موتورها هلكان و صاجها مخبط بعشرين الف و يعدل فيها آة بس مش في عربية زيرو

يعني كان جاب جولف 2 او ياباني في التمانينات و يلعب فيها براحتة قص و لزق وتسقيط مواتير


معاك 100 %

فعلا معاكو حق الواحد يستخسر العربية اللي زي الفل ديه حد يقطع فيها

[Karim_Monir]

لاء يا حازم دي غيرها

-------------
يا جماعة دي ادمغة يعني هو دماغة بدل ما يشتري سي 4 ب 120
يجيب دي 2006 بحاجة وسبعين ويصرف 30 او 40 بس هاتبقي مميزة طحن
زي اللي بيجيب دبانة ب 70 برضة ويعدل عليها
هاتقوللي دي بي ام ودي ياريس
معلش اهي ادمغة فعلا والتعديلات برة حاجة فوق الوهم وخاصة في دبي وبقية الدول العربية وشوفت اكتر من عربية خرافة بالتعديل
وطبعا احنا عارفين ان في شركات خاصة بالتعديل
يعني شركات بتعدل لمرسيدس وشركات بتعدل لب ام وشركات بتعدل لبورشة
تخيلو واحد جايب بورشة ويعدل فيها
وتقولولي ياريس :D :D :D

[Sharky]

مش هارف حاسس إنها Over قوى
هو الشبكة عاملها زى الباسات من قدام ؟؟؟

[modux]

والله حرام واحد يشتري عربية زيرو موديل السنة و يعمل فيها كدة

يشتري عربية مستعملة و موتورها هلكان و صاجها مخبط بعشرين الف و يعدل فيها آة بس مش في عربية زيرو

يعني كان جاب جولف 2 او ياباني في التمانينات و يلعب فيها براحتة قص و لزق وتسقيط مواتير :?

+1

[cpt_shawky]

شكلها مقرف! :?

[اسلام المصرى]

شكرا يا كريم على الصور :-) هى أذواق و أدمغة ذى ما أنت قولت طبعا ربنا يباركله فيها , أنا عن نفسى أعمل عفريت فى الموتور و العفشة و العجل و الجنوط و الصالون و عمرى ما أفكر أعدل فى جسم العربية أى حاجة طول ما أنا فى مصر!

[محمدايهاب]

لو حط موتور 1800 هتبقى جامدة جدا
أنا عارف واحد صارف على جنوط المازدا 27.000 بس :mrgreen:

[MTAK]

طبعا كل واحد وراحته

عن نفسى حاسس انه مزودها شويه كتيييييييييييييييييييير
و بعدين دا احنا فى بلد لما تخرج بالعربيه الصبح تدعى انك ترجع بيها سليمه يا دوبك كام خدش
صاحبنا ده لو ميكروباس الترامكو غبى " ربنا يحفظهاله " ريح عليه بعد كل ده
التعديل بره كتيير و شركات متخصصه و ما الى ذلك
لكن عندهم شوارع و طرق و ناس بتسوق سيارات
مش مدينه ملاهى