احذروا التامين عند كونتكت كار

[overclockman]

بسم الله الرحمن الرحيم

السلام عليكم ورحمة الله وبركاته

ياجماعة انى واقع فى مشكلة مع شركة كونتكت للتامين وبالنسبة لى المشكلة مش مشكلة فلوس

نزلت يوم الصبح لاقيت الزجاج الامامى (البربريز )مضروب مفك والزجاج مكسور

المهم كلمت كونتكت قولتلهم على اللى حصل

ردو عليا قالولى ابعته المكان اللى هو التوكيل واحنا حنبعت نعاين طبعا قعدت فى التوكيل من 9 صباحا الى 1 ظهرا فى انتظار المهندس اللى بيعاين وفى الاخر مشيت

وجاه بعد مامشيت المهم عاين وقال الزجاج حتيغير بس السنسور اللى فى الزجاج مش حينفع نغيره قولتله ليه طيب قالى علشان الخبطة بعيدة عنه

المهم كلمت هندس التوكيل قالى السنسور لازم يتغير لانه لما بيتنقل من زجاج الى زجاج ياما بيقطع او مبيشتغلش وهو سنسور للمطر تمام لحد كده

الغريب فى الامر ان كل السيارات من نوع سيارتى اللى بتدخل فى التوكيل تبع كونتكت بيتغيرلها

الاتنين من كلام مهندس البافارية وتبع التامين


المهم رحت للفرع الموجود فى سموحة بكلم المسئول هناك قالى لا كلم الادارة المهم بعد شد وجذب كلم نائب المدير وهى ست للعلم

المهم بعد الكلام معها قالتلى كلم مهندس التوكيل يكتبلك الاتنين بند واحد واحنا ندفع مفيش مشكلة
طبعا قولت الكلام ده للمهندس قالى ده تزوير واحنا شركة محترمة ومالناش فى الكلام ده
لان كل قطعة بتتغير لها سيريل نمبر خاص بها

المهم كلمتها تانى قالتلى
لا مفيش مشكلة خالص والاتنين حتغيروا واحنا اسفين

فوجئت بهم بيكلمونى بيقولى الزجاج بس هو اللى حيتغير والسنسور لا

فطبعا اتنرفزت بعد ماقالوه حيتغير رجعو فى كلامهم بعد مذنبونى اسبوع

وللعلم انا بدفع 8000جنيه تامين واضطريت انى اغير السنسور على حسابى
والزجاج على حسابهم والسنة الاولى دافع 10000 جنيه ولم استفد بهم لانى مكنش فى مشاكل فى السيارة

الخلاصة من الموضوع

ان عروض البطاقة البرتقالى والزرقاء مجرد ضحك على الناس
ولا فى شى اسمه سيارة بديلة ولا قطر ولا اى حاجة من العرض اللى هما كتبنه بجانب معاملة فى منتهى قلة الذوق فى التليفون بعد ميكلمك ساعة يقولك كلم الادارة

يجانب ان فى التوكيل لما بيعرفوا انك تبع كونتكت مش عارف بحس معاملتهم بتتغير على عكس لما بروح اعمل صيانة بمفردى

انا عامل الموضوع ده لوجه الله لانى قيمة التامين لدى كبيرة جدا وبيتهربوا من الاصلاح فما بالكم اذا كانت قيمة التامين اقل من ذلك

واسف على الاطالة

[HAITHAM1985]

التأمين لعبة ......... وعايز رأيي لا تأمين ولا حاجة واللى يقدره ربنا يكون ..... " رؤية شخصية لا ألزم بيها أحد "

[A.Saad]

اشتكيهم فى هيئة الرقابة المالية
وحاول تاخد جواب من التوكيل ان الاتنين لازم يتغيروا سوى

[hosammoner]

يا فندم اطلع على هيئة الرقابة على التامين فورا اعمل شكوى

[overclockman]

وهل الهيئة الرقابية حتتاخذ اجراء فعال معاهم ولا ملوش لازمة

[A.Saad]

متقلقش
ممكن تطلع عينهم

[wael_dosoky]

التأمين لعبة ......... وعايز رأيي لا تأمين ولا حاجة واللى يقدره ربنا يكون ..... " رؤية شخصية لا ألزم بيها أحد "

للأسف في مصر كلامك صح

[mi22do]

التأمين لعبة ......... وعايز رأيي لا تأمين ولا حاجة واللى يقدره ربنا يكون ..... " رؤية شخصية لا ألزم بيها أحد "

انا مبحبش موضوع التأمين دة خالص ولا مقتنع بيه في مـصر

[alpha.ins]

لا التامين ليس لعبة على العكس مفيد جدا
ولكن للاسف واسف على كلمة جهل الناس بموضوع التامين
هو من فتح باب اللعب والنصب في مجال التامين
اولا الهيئة العامة للرقابة المالية ليس لها سلطان على كونتكت كار
لان وببساطة شركة كونتكت كار ليست شركة تأمين ولكنها شركة تقسيط سيارات
مثلها مثل اي معرض سيارات ولكنها تقوم بالتأمين لدى شركات التأمين
بل وتقوم بتحصيل مبلغ زيادة عن مبلغ التأمين المذكور في الوثيقة باسم انها من يقوم
بعمل التأمين في حالات التعويض
اما عن رد الاستاذ الذى يقول انه يفضل عدم التأمين فكلامه معقول
ولكن من يشترى سيارة بالتقسيط فهو مجبور على التأمين
اي على راى المثل مجبر اخالك لا بطل
واسف على الاطالة ولكن وجب علي التوضيح

احمد عدوي
وسيط تامين حر
اتعامل مع كل شركات التامين
مقيد في الهيئة العامة للرقابة المالية
01115020990 ---- 01091030087
am_adawy@yahoo.com

[goofy_in_love]

السلام عليكم

انا هشتري عربيه زيرو بالتقسيط و التامين مش هيكون اجباري فيها لانها بنظام اسلامي او حاجه زي كدا مش عارف بالظبط المهم ان القسط في الحاله دي هيكون اغلي اصلا من الطريقه التقليديه في التقيط

المهم انا بقي عايز أأمن علي العربيه و الفكره اني مش انا بس اللي هسوقها يعني في اخويا و ابويا و امي و ناس كتير يعني اللي هيا عربيه اللي يحتاجها ايه اللي ممكن اعمله ؟
انا سمعت عن التامين الايجاري ! هل التامين دا يشمل اي حد و الا ايه و اسعاره كام ؟


انا هشتري ان شاء الله يا سيراتو يا اكسنت لسه مش مقرر بس حابب اعرف القيمه كام في المئه !!


جزاكم الله خيرا

[Baher khedr]

بسم الله الرحمن الرحيم

السلام عليكم ورحمة الله وبركاته

ياجماعة انى واقع فى مشكلة مع شركة كونتكت للتامين وبالنسبة لى المشكلة مش مشكلة فلوس

نزلت يوم الصبح لاقيت الزجاج الامامى (البربريز )مضروب مفك والزجاج مكسور

المهم كلمت كونتكت قولتلهم على اللى حصل

ردو عليا قالولى ابعته المكان اللى هو التوكيل واحنا حنبعت نعاين طبعا قعدت فى التوكيل من 9 صباحا الى 1 ظهرا فى انتظار المهندس اللى بيعاين وفى الاخر مشيت

وجاه بعد مامشيت المهم عاين وقال الزجاج حتيغير بس السنسور اللى فى الزجاج مش حينفع نغيره قولتله ليه طيب قالى علشان الخبطة بعيدة عنه

المهم كلمت هندس التوكيل قالى السنسور لازم يتغير لانه لما بيتنقل من زجاج الى زجاج ياما بيقطع او مبيشتغلش وهو سنسور للمطر تمام لحد كده

الغريب فى الامر ان كل السيارات من نوع سيارتى اللى بتدخل فى التوكيل تبع كونتكت بيتغيرلها

الاتنين من كلام مهندس البافارية وتبع التامين


المهم رحت للفرع الموجود فى سموحة بكلم المسئول هناك قالى لا كلم الادارة المهم بعد شد وجذب كلم نائب المدير وهى ست للعلم

المهم بعد الكلام معها قالتلى كلم مهندس التوكيل يكتبلك الاتنين بند واحد واحنا ندفع مفيش مشكلة
طبعا قولت الكلام ده للمهندس قالى ده تزوير واحنا شركة محترمة ومالناش فى الكلام ده
لان كل قطعة بتتغير لها سيريل نمبر خاص بها

المهم كلمتها تانى قالتلى
لا مفيش مشكلة خالص والاتنين حتغيروا واحنا اسفين

فوجئت بهم بيكلمونى بيقولى الزجاج بس هو اللى حيتغير والسنسور لا

فطبعا اتنرفزت بعد ماقالوه حيتغير رجعو فى كلامهم بعد مذنبونى اسبوع

وللعلم انا بدفع 8000جنيه تامين واضطريت انى اغير السنسور على حسابى
والزجاج على حسابهم والسنة الاولى دافع 10000 جنيه ولم استفد بهم لانى مكنش فى مشاكل فى السيارة

الخلاصة من الموضوع

ان عروض البطاقة البرتقالى والزرقاء مجرد ضحك على الناس
ولا فى شى اسمه سيارة بديلة ولا قطر ولا اى حاجة من العرض اللى هما كتبنه بجانب معاملة فى منتهى قلة الذوق فى التليفون بعد ميكلمك ساعة يقولك كلم الادارة

يجانب ان فى التوكيل لما بيعرفوا انك تبع كونتكت مش عارف بحس معاملتهم بتتغير على عكس لما بروح اعمل صيانة بمفردى

انا عامل الموضوع ده لوجه الله لانى قيمة التامين لدى كبيرة جدا وبيتهربوا من الاصلاح فما بالكم اذا كانت قيمة التامين اقل من ذلك

واسف على الاطالة

[Baher khedr]

موضوع التامين فى فااشل كلهم نصابين الاول بكلام بعد كدى يعملوك كانك بتشحت منهم