الحمد لله ... حادثه بسيطه

[kareemrwash]

الحمد لله على كل شىء اولا و اخيرا..
عملت حادثه بسيطه بسيارتى (سكودا فانتازيا 2013) و كانت الخسا~ر عباره عن الاكصدام الخلفى فقط لاغير...
المعاينه الاوليه فى الوكيل قدر التكلفه 2500 جم..
-هل ممكن اشترى الاكصدام و ارشه و اركبه فى اى ورشه غير التوكيل ؟؟
-كم نسبه التحمل فى هذه الحاله علما بان نسبه التحمل فى حالة الاصلاح فى التوكيل 10 % ؟؟
ما هى الاجراءات ؟؟
شركه التامين المؤمن معها : مصر للتامين


شكرا مقدما....

[dem0]

حمدلله ع السلامة وان شاء الله حد من الاخوه يفيدك

[aftr]

الف مليون سلامه عليك خليك فى التوكيل افضل شغل مضمون وبعدين ااحسن حاجه ان العربيه متامن عليها
المفروض التامين يشيل التصليح كامل انا كان عندى حادثه فى الباب الشمال وتم تغيره فى التوكيل بدون تحمل اى مصاريف والتامين صرف الشيك كان تابع قناة السويس

[Magoda]

الف سلامة علييك وكويس انك بخيير
اللى يجى ف الريش بقشيش
مدام متأمن عليها يبقى التأمين يتحمل كامل المصاريف
وربنا يعينك يا بطل

[dadapharma]

الحمد لله.. إرجع لوسيقة التأمين.. لو مكتوب فيها نسبة تحمل 10% فى حالة الأصلاح فى التوكيل يبقى هتدفع حوالى 250 جنيه و ممكن يبقى فيه مصاريف تانية بسيطة... المشكلة بس أنك فى الغالب هتدفع المبلغ كله من جيبك و بعدين تسترده بشيك من شركة التأمين بعد المعاينة النهائية بأسبوعين تقريبا.... طبعا تصلحها فى التوكيل!! أمال أنت مأمن ليه. .. بالتوفيق..