If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
ممكن اسأل افضل شركة تأمين بدون تحمل لسيارة بيجو 301 موديل 2014 ثمنها 136000 زيرو كاش لسة مستلمتهاش وعايز شركة تكون بتتعامل مع التوكيل بمعنى ان الشركة هى اللى تتحمل لاقدر الله الحادث بمجرد ما يحصل مش انا اللى ادفع وبعدين هما يدفعوا لى بشيك ارجو توضيح الشركات ونسبة كل شركة بالنسبة لسعر السيارة حتى لو على الخاص
وشكرآ
بعد اذنك عاوز شركة تأمين محترمة ويا ريت نقطة العميل يدفع اولا وبعد كده يطلع له شيك متكنش موجودة , العربية :
كيا كارينز هاى لاين موديل 2011
ماشية 55000 كيلو
وارجو ارسال رقم تليفونك لى على الخاص
وشكرا
استاذ سمسم
التوكيلات الام مش بتتعامل مع التامين
الا لو هيا اللي بتأمن عن طريقها
مثل غبور او هوندا الفطيم او كونتكت
لان نفس المبدأ عندهم
انا ليه هستنى علي فلوسى واجرى وراها وابعت موظفين يخلصو الملفات والشيكات
ايه المقابل طيب العميل جاى جاى وهيدفع كاش غصب عنو
لازم فيه مقابل للفلوس اللي بتتركن في التامين وفلوس للموظفين اللي بتروح شركات التامين تخلص الملفات والشيكات بدل العميل؟
عشان كده المقابل فى كونتكت وغبور انه هوه اللي بيامن عن طريقه وبياخد مسبة من الوثيقه مكسب ليه هوه
بياخد خصم مش بيدفع اللي علي الوثيقه ده مكسبة
اما الفطيم فله شركه تامين بتاعته (المشرق للتامين)لذلك هوه بيـأمن عشان يشغل شركته ويكسب برضو من بيع السيارة والاصلاح والتأمين
حضرتك ممكن تسال توكيل بيجو الام عن التامين
وانا ممكن اجبلك اسعار شركات برضو وتشوف ايه اللي يريحك تعملو وتختار براحتك
واسف علي الاطاله
بعد اذنك عاوز شركة تأمين محترمة ويا ريت نقطة العميل يدفع اولا وبعد كده يطلع له شيك متكنش موجودة , العربية :
كيا كارينز هاى لاين موديل 2011
ماشية 55000 كيلو
وارجو ارسال رقم تليفونك لى على الخاص
وشكرا
نفس الاجابة يا استاذ عصام
فيه شركات عندها وكيل معتمد مش كيا الام eit
عشان نفس الاسباب
ليه الوكيل يستنى علي فلوسه
استاذ /
sofi man
في جميع شركات التامين
يوجد تحمل 25% من مبلغ التامين في حاله السرقه او السطو
يعنى سيارة حضرتك بمبلغ 170000
حتتحمل 42500
هيتخصمو من التعويض لاقدر الله لو السيارة تعرضت للسرقه او السطو
وممكن تشيل التحمل ده بزياده 50% من صافي القسط
بمعنى لو التامين هيكون بمبلغ 4000 جنيها
هتدفع 6000 جنيها
ده اولا
ثانيا
في حاله الشغب لايوجد تعويض
الا بوثيقه اضافيه
تغطى الشغب و الاضرابات الاهلية
زى اللي بيحصل الايام دى
من مظاهرات وتخريب وكده
ثالثا
يوجد تحمل 10% في حاله الاصلاح في التوكيل
رابعا
الالتزام بشروط الوثيقه ولا سقط حقك في التعويض
سواء حادثه او سرقه او سطو او حريق (لا قدر الله )
ففكر ولو حبيت اجبلك اسعار الشركات انا تحت امرك
ولو عاوز تستفسر عن حاجه تانى عرفنى
واسف علي الاطاله
الف شكر لحضرتك..انا لسة شايف ان حضرتك رادد هنا معلش.
طيب افضل شركة و اسرعهم حسب ما عرفت aig بس مينفعش تتعامل مع التوكيل بدون تحمل؟
والسعر كام؟
بالنسبة للسعر في aig
اجبهولك
لاكن مش فاهم تتعامل مع التوكيل بدون تحمل يعنى ايه
تحمل 10%
ولا تحمل الاجبارى ولاتحمل ايه
ممكن توضح النقطه دى عشان مش فاهمها
بالنسبة للسعر في aig
اجبهولك
لاكن مش فاهم تتعامل مع التوكيل بدون تحمل يعنى ايه
تحمل 10%
ولا تحمل الاجبارى ولاتحمل ايه
ممكن توضح النقطه دى عشان مش فاهمها
انا بعتلك سعر
aig
لاكن مستنى ردك في التعامل مع التوكيل بدون تحمل
موضوع رائع ومجهود واضح جدا.. بس لو سمحت لو تبعت تمن التأمين للأشاتذه اللي بيسألوا هنا على العام وليس على الخاص لنعلم المعلومه والفرق بين اسعار الشركات المختلفه..
موضوع رائع ومجهود واضح جدا.. بس لو سمحت لو تبعت تمن التأمين للأشاتذه اللي بيسألوا هنا على العام وليس على الخاص لنعلم المعلومه والفرق بين اسعار الشركات المختلفه..
والله انا كنت عاوز اعمل كده واكتر شوية
كنت عاوز اجيب تخفيض لاعضاء المنتدى
بس اداره المنتدى قالت ممنوع تحط اسعار
وممنوع تكتب اسعار اي شركه
ولو عاوز تجيب تخفيض وتحطه تدفع ثمن اعلان
لان ده يعتبر اعلان عن سلعه ولازم تدفع عليه فلوس
عشان كده بصراحه مجبتش تخفيض ولا حطيت اسعار
مع ان في واحد حاطط اسعار هنا هي المنتدى
ومع ذلك الادارة معملتلوش حاجه خالص
ولا حتى قفلت الموضوع بتاعه
Comment