استشارات في كل ما يخص التأمين

[insurancebroke]

انا بعتلك علي الخاص

[insurancebroke]

حد عنده سؤال او استفسار

[asmag]

انا لسه مستلم بيجو ٣٠١هاي لاين وكنت ناوى اامن عليها فى وثاق للتأمين فكنت عايز اعرف هدفع اد ايه وايه نظامهم وهل اامن معاهم ولا مع شركة تأمين تانية ولكم جزيل الشكر تامين بدون تحمل

[insurancebroke]

انا لسه مستلم بيجو ٣٠١هاي لاين وكنت ناوى اامن عليها فى وثاق للتأمين فكنت عايز اعرف هدفع اد ايه وايه نظامهم وهل اامن معاهم ولا مع شركة تأمين تانية ولكم جزيل الشكر تامين بدون تحمل

شركه كويسه
والمحضر عندهم لحد 10000
والتعويض بيخلص بسرعه هناك
وسعرهم كويس جدا جدا بالمفارنه لاسعار باقي الشركات وبالمقارنه لمده صرف التعويض
ولديهم مركز متغاقدين معاه بيصلح بيجو في شارع153 المعادى
ولو العربية كاش مش هتدفع فلوس
ال10% توكيل والتالف فقط
البيجو عليها تحمل 200 جنيها فقط علي الحادث
ويمكن تشيل 200 ج بزياده في لبقسط

[ibrahimelt]

هى هتفرق فى ايه لو شركه التامين متعاقده مع التوكيل لو العربيه قسط

يعنى مثلا شركه مصر للتامين متعاقده مع توكيل رينو .... العربيه قسط
ايه الامتيازات اللى بتقدمها مصر للتامين مع عربيات رينو مش موجوده فى الشركات الغير متعاقده مع توكيل رينو

شكرا

[insurancebroke]

هى هتفرق فى ايه لو شركه التامين متعاقده مع التوكيل لو العربيه قسط

يعنى مثلا شركه مصر للتامين متعاقده مع توكيل رينو .... العربيه قسط
ايه الامتيازات اللى بتقدمها مصر للتامين مع عربيات رينو مش موجوده فى الشركات الغير متعاقده مع توكيل رينو

شكرا

العربية لو قسط العميل هيحاسب

لو فيه تعاقد بين التوكيل وشركه التأمين والعربية كاش شركه التامين هيا اللي هتحاسب

يعنى باختصار لو العربية قسط مش هتفرق حاجه خالص
يعنى لازم تختار شركه كويسه في التعويض وبتصرف بسرعه
عشان العميل هيدفع من جيبه ويستنى الشيك

انت عربيتك نوعها ايه

[Msanad]

انا عربيتى نوعها نيو صنى 2013
عامله 16000 كيلو تقريبا وسعرها وقت الشراء كان 112000 جنيه
كنت عايز اعرف شركة تأمين كويسة يكون مفيس نسبه تحمل ويكون التصليح فى التوكيل بدون ما ادفع ال 10 %

وعايز افهم هوا ايه اللى ممكن ادفعه غير كده - يعنى هل التالف بيتم محاسبتى على جزء من تمنه - بمعنى اخر لو تم استبدال اكصدام مثلا وتمنه 1000 جنيه وتم تسليم التالف لشركة التامين - كم سأدفع من الالف جنيه

منتظر ردكم الكريم
شكرا

[insurancebroke]

انا عربيتى نوعها نيو صنى 2013
عامله 16000 كيلو تقريبا وسعرها وقت الشراء كان 112000 جنيه
كنت عايز اعرف شركة تأمين كويسة يكون مفيس نسبه تحمل ويكون التصليح فى التوكيل بدون ما ادفع ال 10 %

وعايز افهم هوا ايه اللى ممكن ادفعه غير كده - يعنى هل التالف بيتم محاسبتى على جزء من تمنه - بمعنى اخر لو تم استبدال اكصدام مثلا وتمنه 1000 جنيه وتم تسليم التالف لشركة التامين - كم سأدفع من الالف جنيه

منتظر ردكم الكريم
شكرا

اولا
بالمسبة لل 10% اصلاح التوكيل ده لازم
لكن ممكن تشيل الشرط ده بزياده 25% من القسط
بالمسبة للتحمل مكن تعمل وثيقة بدون تحمل

بالمسبة للتالف
اذا تم تسليمه للشركه
العميل مش هيدفع حاجه عليه
واذالم يتم التسليم هيتخصم 100 جنيها من الالف (خصم 10% من التالف)
اللي بيتخصم تاني الاستهلاك عن كل سنة 5% من قطع الغيار ماعدا الزجاج لايتم خصم استهلاك علية

بالمسبة للاصلاح في التوكيل
لو امنت في وثاق للتامين مش هتدفع غير الاستهلاك والتالف و10% اصلاح التوكيل او تسلم التالف
وهما متعاقدين مع توكيل نيسان (اوتو ايجبت)في ابو رواش
بالنسبة للسعر هتدفع كام
انا بعتلك علي الخاص هتدفع كام

[insurancebroke]

حد عنده سؤال

[insurancebroke]

حد عنده سؤال او استفسار

[insurancebroke]

بالمسبة للتامين
اهم حاجه سعر العربيه في السوق
اللي عاوز يامن علي عربية لانسر موديل 2008 ب 120000 عشان دي القيمه السوقيه للعربية
ده كلام غلط
وعلي فكره اي شركه تامين هتاخد منه ثمن التامين علي 120 بس ساعه التعويض هتطلع خبير يقيم السيارة
والخبير عنره ما هيديها اكتر من 80000
العميل حاسب علي اساس السوق وده طالع نازل
واذا كانت دلوقتى فابيركه ساعه الحادثه هتكزن مش فبيركه وفاتحه ايرباج(يتحمل العميل 25%)من ثمنه
وهتتقيم العربيه بالكتير 80000
شركات التامين مش عبيطه خالص
وكمان مين من الاعضاء هنا ممكن بشترى بالسعر ده
هل ده سعرها
انا اسف طولت عليكو بس حبيت اناقش الموضوع معاكو

[drmomoking]

انا بشترى byd قسط و العربية طبعا صينى انا عاوز اعمل وثيقة بدون تحمل و فى المعرض رشحولى مصر للتامين و انا عاوز تامين لو لا قدر الله حصلت حادثة هى اللى تحاسب على طول مش انا احاسب و بعدين استنى التعويض ؟؟ اية راى حضرتك واية الاختيارات المتاحة ؟

[insurancebroke]

انا بشترى byd قسط و العربية طبعا صينى انا عاوز اعمل وثيقة بدون تحمل و فى المعرض رشحولى مصر للتامين و انا عاوز تامين لو لا قدر الله حصلت حادثة هى اللى تحاسب على طول مش انا احاسب و بعدين استنى التعويض ؟؟ اية راى حضرتك واية الاختيارات المتاحة ؟

اولا
السيارة عشان قسط لازم العميل يحاسب
ده شرط البنك
الا لو بنك فيصل الاسلامى

ثانيا
ابعد عن مصر للتامين

[محمود سعد]

طيب انا خلاص الحمد لله قررت اشترى الجيلى باندينو وحجزتها خلاص ودفعت المقدم اكتر من 60 % من قيمة العربيه
العربيه تبع بنك بلوم
كنت عاوز اعرف انا من حقى اختار شركة التامين ولا البنك هو اللى بيختار
ثانيا التامين الشامل ده بيبقى شامل ايه اصلا
وانا هيبقى ايه وضعى فى الصيانه الناتجه عن الجوادث لاقدر الله او فى اى حاجه تخص التامين
شكرا مقدما

[insurancebroke]

طيب انا خلاص الحمد لله قررت اشترى الجيلى باندينو وحجزتها خلاص ودفعت المقدم اكتر من 60 % من قيمة العربيه
العربيه تبع بنك بلوم
كنت عاوز اعرف انا من حقى اختار شركة التامين ولا البنك هو اللى بيختار
ثانيا التامين الشامل ده بيبقى شامل ايه اصلا
وانا هيبقى ايه وضعى فى الصيانه الناتجه عن الجوادث لاقدر الله او فى اى حاجه تخص التامين
شكرا مقدما

كنت عاوز اعرف انا من حقى اختار شركة التامين ولا البنك هو اللى بيختار

من حقك تختار شركه التامين
البنك ليه وثيقه وبس


ثانيا التامين الشامل ده بيبقى شامل ايه اصلا
شامل الحوادث والسرقه والسطو المسلح
بس فيه تحملات
زي
10% اصلاح التوكيل
25% في حاله السرقه او السطو
25% الايرباج
وممكن يكون فيه تحمل اجبارى 100 جنيه
لو اختياري
4 في الالف من ثنت السيارة
وفيه 10% علي التالف
بس عموما الجيلي هتاخد سعر عالي عشان صينى
والماركه مش منتشرة