أستشارة بخصوص خبطه فى السيارة مؤمن عليها

[attaxp]

سلام عليكم يا شباب

الحقيقة الواحد استفاد من المنتدى كتير جدا فى اختيارى لنوع السيارة و الصيانة والحفاظ على السيارة

انا اشتريت هيونداى النترا 2015 من 3 شهر ولسه العربيه عامله 5000 كيلو . وانا شاريها تقسيط وبالتالى مؤمن عليها .

واحد الله يسامحه دخل فيا خبط الباب الخلفى و العضم حول العجلة الخلفية كما فى الصورة

دلوقتى انا لفيت لفة النهاردة على التأمين و رحت لسمكرى معرفة واحد صاحبى وقالى انها مش حينفع تترد على البارد علشان دى فى العضم ومحتاجه تسخين وسمكره ورش

انا عاوز اعرف رأيكم هل أسبها و لا أروح أشوفهم فى التوكيل . انا اتصلت بمندوب شركة التأمين قالى حنصرفلك 300 جنيه و السمكرى قال حياخد 350 بس اسلم التأمين كشف حساب ب 300 جنيه

[shiko85]

وعليكم السلام ورحمة الله وبركاته
قدر الله و ما شاء فعل و الحمد لله انها بسيطه
نصيحه خليها شويه و ان شاء الله قبل ما تخلص سنه التأمين شوف العربيه فيها و اعمله كله مره واحده
اللون اللى فيها هيطلع بالبولش او الكمبوند

[attaxp]

متشكر ليك يا شيكو على اهتمامك
انا فعلا عملته بالبولش واللون طلع
بس مش عارف اقولك حالتى النفسيه عامله ازاى منها
كل ما اركب العربيه لازم اروح ابص عليها الاول
بتقهرنى اوى :)

[shiko85]

متشكر ليك يا شيكو على اهتمامك
انا فعلا عملته بالبولش واللون طلع
بس مش عارف اقولك حالتى النفسيه عامله ازاى منها
كل ما اركب العربيه لازم اروح ابص عليها الاول
بتقهرنى اوى :)

العفو, الشكر لله وحده
معلش فالأول بس و بعد كده هتتعود و هتنسى خالص و الحمد لله انها حاجه بسيطه