مصر للتامين

[mamer1983]

السلام عليكم

انا ناوي اشتري عربيه رينو فلونس سعر العربيه 156000 وكونت عاوز اعرف لو هعمل تامين تابع لشركه مصر للتامين

التامين هيكون كام ونسبه التحمل كام والنسبه للتامين كام من قيمه العربيه

[سعد المحمدى]

اسأل مجرب

السلام عليكم

انا ناوي اشتري عربيه رينو فلونس سعر العربيه 156000 وكونت عاوز اعرف لو هعمل تامين تابع لشركه مصر للتامين

التامين هيكون كام ونسبه التحمل كام والنسبه للتامين كام من قيمه العربيه

النسبة 3.5 % من تمن العربية، احسبها
بيبقى تأمين شامل ضد الحوادث، لكن لا قدر الله لو حادث كبير و فيه الايرباج اتفتح بتدفع 25% من قيمة الايرباج الجديد
ولو لا قدر الله العربية توتال لوس، بتاخد تعويض 90% من مبلغ التأمين خلال اول عام، او القيمة التسويقية للعربية، ايهما اقل، و غالباُ بيحددوا تمن العربية التسويقى ب 75% من تمنها، و انت بتعترض عليه،
اما بالنسبة للسرقات، يبقى لازم تسال عليه لان ليخ ملحق تانى مع الوثيقة و بتدفع عليه نسبة تانية من تمن العربية.

[وفاء]

السرقة ملهاش ملحق تاني ولا حاجه السرقة بتغطي مع الوثيقة
وسعر التأمين بيفرق من شركة الي شركة
وحسب الوثيقة بتحمل ولا لا

[Omar Sarray]

طب السرقه عرفناها ملهاش لازمه ماشى طب لو العربيه اتكسرت او اتحرقت التامين يشملها مثلا والنسبه 3 وكسر دى شامل هايه مثلا فى التامين شامله مثلا حوادث العربيه

[Mahmoud_Lutfi]

في حالة السرقة او السطو الشركة بتتحمل تمن العربية بالكامل

اما لو حالة حادث لا قدر الله و فيه Total loss بتتحمل الشركة 75% من تمن العربية

اي عطل تاني او حادث اصلاح بسيط بتتحمل 90% من تمن مقايسة اصلاح العربية

و التأمين لا يشمل حالات الحوادث الناتجة عن مظاهرات او اعتصامات

يعني لو مظاهرة قامت و كسرت عربية متأمن عليها الشركة مالهاش دعوة