رينو فلوانس 2015 - Total loss

[mohamedadel86]

السلام عليكم،،،

لو سمحتم ياشباب محتاج مساعدتكم .. انا عملت حادثه والعربيه غالبا total loss ... العربيه e3 2015 والبوليصه كانت ب 160 الف ... كنت عايز اعرف شيك التأمين هايكون في حدود كام ..

وشكرا

[ali ashraf]

حمدا لله على سلامتك

السلام عليكم،،،

لو سمحتم ياشباب محتاج مساعدتكم .. انا عملت حادثه والعربيه غالبا total loss ... العربيه e3 2015 والبوليصه كانت ب 160 الف ... كنت عايز اعرف شيك التأمين هايكون في حدود كام ..

وشكرا

الأجابة مش عندى الحقيقة معرفش انما كلمة total loss دى تخض و المهم انك بخير و حمدلله على سلامتك

[ENG.MaRk]

واحد معرفة كان عامل حادثة ب BMW 320i F30 و جاله تقرير المهندس إنها هتتصلح ب 142500 و التأمين دفع المعظم و هو مادفعش غير 16500 ... الحمد لله علي سلامة حضرتك و هو ده المهم و ربنا يوفقك و تصلحها :)

[mohamedadel86]

الأجابة مش عندى الحقيقة معرفش انما كلمة total loss دى تخض و المهم انك بخير و حمدلله على سلامتك

الله يسلمك .. الحادثه كبيره والحمد لله طلعنا سالمين

[mohamedadel86]

واحد معرفة كان عامل حادثة ب BMW 320i F30 و جاله تقرير المهندس إنها هتتصلح ب 142500 و التأمين دفع المعظم و هو مادفعش غير 16500 ... الحمد لله علي سلامة حضرتك و هو ده المهم و ربنا يوفقك و تصلحها :)

الله يسلمك ياباشمهندس .. العربيه خلاص total loss مش هاتتصلح .. وكنت عايز اعرف الشيك هايكون في حدود كام علشان افكر من دلوقتي اجيب ايه.

شكرا لاهتمامك

[ENG.MaRk]

الله يسلمك ياباشمهندس .. العربيه خلاص total loss مش هاتتصلح .. وكنت عايز اعرف الشيك هايكون في حدود كام علشان افكر من دلوقتي اجيب ايه.

شكرا لاهتمامك

الشيك بيكون حسب قيمة العربية قبل الحادثة و المهندس اللي بيعاين بيتأكد من عداد الكيلومتر و من حالة الأجزاء السليمة بعد الحادثة و ده كله بيتضرب في factor و يتخصم من تمن العربية الأصلي اللي اشتريتها بيه بشرط يكون معاك الفاتورة ... ده حد علمي عن ما يدفعه التأمين مقابل الحوادث و لو هتفكر تجيب حاجة تاني هات برضه فلوانس و ربنا يسترها معاك و يحفظك إن شاء الله ... بالتوفيق :)

[mohamedadel86]

الشيك بيكون حسب قيمة العربية قبل الحادثة و المهندس اللي بيعاين بيتأكد من عداد الكيلومتر و من حالة الأجزاء السليمة بعد الحادثة و ده كله بيتضرب في factor و يتخصم من تمن العربية الأصلي اللي اشتريتها بيه بشرط يكون معاك الفاتورة ... ده حد علمي عن ما يدفعه التأمين مقابل الحوادث و لو هتفكر تجيب حاجة تاني هات برضه فلوانس و ربنا يسترها معاك و يحفظك إن شاء الله ... بالتوفيق :)

شكرا ياباشا علي اهتمامك وياااارب الشيك يطلع بمبلغ معقول علشان الجميله وحشتني والله :)

[ENG.MaRk]

شكرا ياباشا علي اهتمامك وياااارب الشيك يطلع بمبلغ معقول علشان الجميله وحشتني والله :)

العفو يا فندم ... ماتقلقش الشيك هيطلع بمبلغ كويس و ربنا يوفقك لما فيه الخير إن شاء الله :)

[mohamed_rhem]

اعتقد 90% من سعرها في السوق

[mohamedadel86]

طيب دلوقتي التأمين حدد القيمه السوقيه للعربيه 135 الف مع اني شاريها ب 165 وسعرها في السوق دلوقتي مستعمل 155 ... تنصحوني اعمل ايه

[AlphaCharlie]

طالما موديل 2015 يبقى حيصرف 90 % من قيمة التعاقد (المبلغ المؤمن به)
وحيحملك شوية مصاريف زي عقد بيع مسجل بإسم الشركة
وخلي بالك أي قطعة من العربية مفقودة حيحملك بيها حتى لو طفاية.

[mohamedadel86]

طالما موديل 2015 يبقى حيصرف 90 % من قيمة التعاقد (المبلغ المؤمن به)
وحيحملك شوية مصاريف زي عقد بيع مسجل بإسم الشركة
وخلي بالك أي قطعة من العربية مفقودة حيحملك بيها حتى لو طفاية.

علي كلام حضرتك يبقي صح هي البوليصه انا عاملها ب 150 يبقي 90% يعني 135 فعلا ..

شكرا علي الاهتمام والرد

[yasser100]

حمد الله على سلامتك .

المشكله انه التأمين بيقدر تمن العربيه تقدير تانى خالص غير السوق بخصومات غريبه بيحطوها .

[Samah AbdAllah]

حمدالله على سلامتك وفعلا في حالة التوتال لوس التامين بيدفع 90% من قيمة التعاقد
مالوش دعوة بسعرها دلوقتى كام

[mohamedadel86]

حمد الله على سلامتك .

المشكله انه التأمين بيقدر تمن العربيه تقدير تانى خالص غير السوق بخصومات غريبه بيحطوها .

الله يسلمك ياسر باشا ... والله الواحد بيعاني من العشوائيه في كل حاجه في البلد دي ... ربنا يصلح الحال.