العربية اتخبطت

[حسين عشري]

السلام عليكم
العربية اتخبطت بضمير من ورا
الشنطه و الرفرف و الفوانيس
و العربية بي واي دي 2015 اوتو
و بالتقسيط من بنك عودة و لسه في اول سنه
استلام 7/7/2014
التامين عند مصر للتامين
اعمل ايه ؟؟؟
و هل شركة التامين محترمة بحيث تلتزم بسداد تكلفة التصليح و لا هتتملص و تعمل من بنها؟؟؟

[lamada]

يا عم سيب بنها فى حالها و ربنا يعوض عليك

[tameem2010]

هتعمل محضر بالحالة وتجري على التوكييل تعمل مقايسة اصلاح وتاخد المحضر ومقايسة الاصلاح وتروح مصر للتامين هتاخد من هناك نموذج اخطار حادثة تملاه وتسلم التلات حاجات دول للموظف وفي خلال 48 ساعة الخبير هيروح يعاين وخليك معاه هناك وقت المعاينه هو عادة هيكلمك وهو رايح
واللى هيتفق عليه الخبير مع التوكيل هيتم تنفيذه

بعد ماتتصلح العربيه هتجيب الخبير يعاين المعاينة التانيه بعد الاصلاح
هيقول لك تمام
هتدفع انت كل الفلوس بتاع الاصلاح في التوكيل وديه بيكون اتفق عليها الخبير مع التوكيل اثناء المعاينة الاولى
وتتابع بعد كده مع مصر للتامين الشيك اللى هيطلع لك بكام وعادة بيكون 85-90% من قيمة الفاتورة اللى انت دفعتها طالما انك لسه اول سنة واصلاح توكيل
وبيطلعوا لك الشيك بعد حوالى شهر من معاينة الخبير التانيه

بس خلاص

[Abo_Mazen]

يا عم سيب بنها فى حالها و ربنا يعوض عليك

أنا بصراحه كنت داخل أسأله ..إشمعنى بنها ؟؟؟!!!!

[حسين عشري]

هتعمل محضر بالحالة وتجري على التوكييل تعمل مقايسة اصلاح وتاخد المحضر ومقايسة الاصلاح وتروح مصر للتامين هتاخد من هناك نموذج اخطار حادثة تملاه وتسلم التلات حاجات دول للموظف وفي خلال 48 ساعة الخبير هيروح يعاين وخليك معاه هناك وقت المعاينه هو عادة هيكلمك وهو رايح
واللى هيتفق عليه الخبير مع التوكيل هيتم تنفيذه

بعد ماتتصلح العربيه هتجيب الخبير يعاين المعاينة التانيه بعد الاصلاح
هيقول لك تمام
هتدفع انت كل الفلوس بتاع الاصلاح في التوكيل وديه بيكون اتفق عليها الخبير مع التوكيل اثناء المعاينة الاولى
وتتابع بعد كده مع مصر للتامين الشيك اللى هيطلع لك بكام وعادة بيكون 85-90% من قيمة الفاتورة اللى انت دفعتها طالما انك لسه اول سنة واصلاح توكيل
وبيطلعوا لك الشيك بعد حوالى شهر من معاينة الخبير التانيه

بس خلاص

المفروض في المحضر أوضح مين خبطني و لا مش هتفرق مع شركة التأمين ؟؟

[KemozTanta]

اول خطوة كلم شركة التأمين واعرف مطلوب محضر ولا لاء
مصر للتامين بتصلح لحد 10 لالاف جنية بدون محضر
بتروح التوكيل تعمل مقايسة وتصلح والشيك بيجيلك بعد شهر من شركة التامين
او شوف مركز معتمد بيخرج فواتير تصلح عندة لو التوكيل غالي
ولو مطلوب محضر اعملة ضد مجهول وعرف امين الشرطة انه عشان شركة التامين وهما عارفين بيكتبوا ايه بالظبط
يارب اكون فادتك