حد يساعدنى يا اخوااااااااانى بخصوص الترخيص ونقل الملكية

[modyhalem]

بسم الله الرحمن الرحيم

اعضاء المنتدى الكرام

السلام عليكم ورحمة الله وبركاته

انا اليومين دول بجدد الرخصة وبنقل ملكية ومعايا علما بان رخصة العربية القديمة هى نفس المرور بتاعى اللى للاسف فيصل ، وطلعت شهادة مخلفات وبيانات واشتريت الملف بالكامل دلوقتى هاروح اعمل عقد مسجل لنفسى عايز اعرف بقى ايه الخطوات بالظبط اللى هامشى عليها .. وكمان دفعت ضريبة وانا بطلع شهادة المخلفات هى دى هادفعها تانى ولا ايه ؟؟

[svneleven]

حضرتك تطلع علي الشهر العقاري بتاعك بالرخصة و البطاقة و لو الرخصة منتهية يبقي معاك كمان شهادة بيانات موجهه للشهر العقاري. هتعمل العقد المسجل هناك و تختمه بختم النسر و ترجع بيه علي المرور و تدفع تامين اجباري و تظبط طفاية و مثلث و شنطة اسعافات و تخلص الفحص و تدخل علي الشباك تقدم كل الورق و تستني الرخصة.

[miam0502788391]

وكمان دفعت ضريبة وانا بطلع شهادة المخلفات هى دى هادفعها تانى ولا ايه ؟؟

ضريبة ايه ؟؟
مفيش ضريبة لشهادة المخالفات دى الغرامات اللى على العربية
ولا حضرتك دفعت ضريبة لشهادة البيانات !!!

[د.محمود صلاح]

اهم حاجة ان رخصة العربيبة نفس المرور بتاعك .. كده الإجراءات اسهل
1- عقد بيع مسجل الشهر العقاري وده بيحتاج شهادة بيانات موجهه للشهر العقاري
2- فحص السيارة ومطابقتها بأورنيك الفحص القديم وده ممكن تاخد يوم كامل
3- نقل وثيقة التأمين بإسمك او شراء وثيقة تأمين جديدة
4- شراء طفاية او ما يثبت ان طفايتك تبع العربية وسليمة
5- شراء مثلث وشنطة واحتفظ بالفواتير
6-الدخول لموظف التراخيص لمراجعة الاوراق ومايثبت بدفع رسوم التجديد

كل ده ياخد 3 ايام بالمرتاح