مشكلة فى بى ام دبليو 320iموديل 2007

[محمد سمير المر]

السلام عليكم ورحمة الله وبركاته برجاء المساعدة من المتخصصين انا معايا بى ام دبليو 320i موديل 2007 زيت الموتور بينقص حوالى كيلو كل 1000 كيلو ولمبة الزيت تديلى انزار ممكن اعرف المشكلة من ايه
كمان حضرتكم بتطلب منى سيرفس عند تدوير العربية وانا لسة عامل سيرفس مغير فيه بجوهات وزيت فتيس وتنظيف فلتر فتيس وتنظيف فلتر بنزين وتغيير سير دينمو وتغيير فلتر هوا وتغيير زيت موتور بالفلتر وبحس بتقطيع وانا لسة بدور بحس ان التدويرة مش طبيعية وبتطول شوية وممكن متدورش من اول مرة ياريت حضرتكم الى يقدر يفدنى فى المشاكل دى وجزاكم الله كل خير

[عبدالله برعى]

- فى العموم اساب استهلاك ونقص الزيت بهذا المعدل مؤشر خطير واسابة معروفة (شمبر او مشاكل ميكانيكية فى الموتور )او ممكن يكون
هناك تسريب ما وهذا احتمال ضعيف
-عدم التدوير بانتظام سببة مشاكل فى دورة الوقود (مخلفات وشوائب) او مشاكل فى عمليات الوقود الالكترونية
-يجب مسح الاخطاء اولا بالكومبيوتر

[محمد سمير المر]

انا بشكر حضرتك لأهتمامك وردك بس انا بجد الموضوع شاغلنى جدا ياريت اهل الخبرة يدلونى على حد متخصص يكون محترم لان انا من دمياط ومعرفش حد كويس وياريت لو حد مر عليه الموضوع دة يفيدنى او يطمنى وممكن اعرف سعر الموتور كام وممكن تغييرة بأكبر يعنى 2500 cc او 2200cc ونوع الموتور الكويس الى ممكن مشترية لقدر الله وبكون كفائته اعلى فى السحب والتجميع معلش انا طولت عليكم واسئلتى كتير بس حابب اعرف من اهل الخبر ولكم جزيل الشكر

[pepo2011]

اخي العزيز نورت المنتدي
حضرتك ماتقلقش بخصوص مشكلة الزيت احتمال مشاكل مكنة شمبر يعني او احتمال يكون تسريب من اويل سيل او جوان مثلا ودي او دي هاتبان بسهولة
مشكلة الدوارة هاتكون ايدول او حساس ماف او tps
لذلك يجب وضعها عالجهاز الاول طبعا عند متخصص وبعدين تشوف
اما بخصوص المكنة خليك في 2000 افضل وانسب لان اكتر من كده هاتتعبك واستهلاك بنزين وضريبة
وبالتوفيق

[محمد سمير المر]

انا بشكرك جدا عشان طمنتنى بس عايز اعرف اروح لمين فى الموضوع دة يكون كويس وعايز اعرف سعر الموتور من باب العلم بالشئ

[محمد سمير المر]

معلش ولو امكن تكلفة كل مشكلة ممكن تسبب الموضوع دة ولكم جزير الشكر

[pepo2011]

عزيزي يوجد مراكز كتير تكشف كمبيوتر مفيش مشكلة عندك الصعيدي في مدينة نصر في السابع والدكش في جسر السويس والقدس في الحرفيين
تكلفة طبعا ماقدرش افتيلك بالظبط كام لاننا مش عارفين ايه
اكشف الاول واعرف ايه المشكلة بعدين نشوف التكلفة

[محمد سمير المر]

ان شاء الله هنزل الاسبوع دة مصر وهسأل على حد يكون كويس قبل منزل لان النهردة لمبة الزيت نورت ولمبة مياه الياتير الزيت كان ناقص 2 كيلو والمية كانت ناقصة شوية كتير برضو انا بشكركم بجد كتير

[pepo2011]

تحت امرك وتنزل بالسلامة ولو احتجت اي حاجة كلنا اخوات هنا وبالتوفيق

[محمد سمير المر]

ربنا يكرمك يارب بس فى ناس كتير فى دمياط بيقلولى بلاش المكن دة بالذات حد يلعب فية واحسن ميكانيكى عندنا فى دمياط طلب منى احطلها زيت شمبر واخد بيها مشوار وارجع اغير الزيت والفلتر واحطلها زيت الف كيلو مرتين او ثلاثة وبعد كدة اغير الزيت ثلاث الاف واشوف النتيجة قبل معمل اى حاجة والى اتضحلى ان العربية بتخزن دخانة اثناء الوقوف وبعد خروج الدخانة مش بتدخن تانى انا والله محتار جدا وعندى قلق ومش عارف اعمل ايه

[محمد سمير المر]

معلش تعبتكوا معايا ياريت تساعدونى بقدر الامكان لان نقص 2 كيلو زيت فى اقل من الف كيلو كتير جدا والدخان الى بيطلع دة بظروفها جدا عشان يحرق 2 كيلو زيت

[محمد سمير المر]

معلش تعبتكوا معايا ياريت تساعدونى بقدر الامكان لان نقص 2 كيلو زيت فى اقل من الف كيلو كتير جدا والدخان الى بيطلع دة بظروفها جدا عشان يحرق 2 كيلو زيت كمان نصحونى اغير زيت كسترول

[محمد سمير المر]

النهردة الصبح دورت العربية عشان تسخن فبل ممشى بيها بعد لما دارت بحوالى 20 ثانية المكنة اترعشت وبطلت دة ممكن يكون من اية كمان معروض عليا موتور 2000 سي سي بستة الاف جنية هيتشال من على نص انتو ايه رايكم ولا اصرف على الموتور دة واعالجة احسن شورو عليا

[محمد سمير المر]

النهردة الصبح دورت العربية عشان تسخن فبل ممشى بيها بعد لما دارت بحوالى 20 ثانية المكنة اترعشت وبطلت دة ممكن يكون من اية كمان معروض عليا موتور 2000 سي سي بستة الاف جنية هيتشال من على نص انتو ايه رايكم ولا اصرف على الموتور دة واعالجة احسن شورو عليا

[borio1704]

إيه نوع الزيت اللي حضرتك بتستخدمه؟؟؟

خلي بالك ان بي ام بتشترط انواع زيوت معينة تتحط في مواتيرها

فممكن جدا تكون المشكلة في الزيت..ومجرد ما تحط الزيت الصح تختفي المشكلة.. او تقل .