yaris or gen2

[mino]

برجاء المقارنة بين التويوتا الياريس و البروتون جين2

[mino]

ياريس 1.3 A/C P/S R/C M/T 2008 81900

F/O M/T 2007 82000 1.6 Gen 2

[أبو عبدالله]

رايي ياريس
عمر افتراضي اعلى
اعادة بيع اعلى

[OsKaR]

GEN 2 3ASHAN 1600

[محمدايهاب]

أنا واجهت نفس القصة اخترت يارس لإنها تويوتا و إنها معمرة و إنها استهلاكها قليل للبنزين

[Eng.Osama.Afifi]

هوا أنا طبعا من الناس إللي محتارة جدا في الجين تو والياريس

بس أنا مش بحب شكل الياريس الصراحة

[Heshaam]

ما جربتش الياريس - بس شكلها مش مقبول بالنسبة لي - أذواق

ولكن لو هأختار - هأجيب الجين تو لأن موتورها أقوى وشكلها أفضل - تفضيلي الشخصي.

[mino]

الصراحة يا جماعة انا ركبت الاثنين و عاوز اقولكم علي انطباعي

أولاَ: الجين 2 كاملة فيها كل حاجة تكيف - بور - ازاز كهرباء - انزار - حساسات ركن - ايرباج -C.D - EBS و ب 82000
الياريس فيها تكيف - باور - كاسيت فقط و 82000 الكاملة 88000 و مافهاش EBS غير في الاوتوماتيك

ثانيا: الضمان في الجين تو 5 سنين وعند الطارق قايل ان في ضمان 10 سنين ضد الصدأ
الياريس سنتين فقط

ثالثا: الصاج الخارجي شكلة في الجين 2 اقوي من الياريس

رابعا: الصالون شكلة في الجين 2 يعني مقبول مش وحش تنجيد الأبواب و الفرش لكن الياريس كل اللي اقدر اقولة عليها انه فخم جدا و طبعا اوسع و الشنطة اوسع بس موضوع العداد اللي في النص ده غلس شوية مع ان الديزينر اللي عاملها ايطالي بس رخم و عامة بيقولولي هاتعود عليه

خامسا: الموتور في الجين 2 1600 ، 110 حصان في الياريس 1300 و 92 حصان عداد الجين 2 230 ، الياريس 200

سادسا: سعر اعادة البيع و سهولة البيع في الياريس احسن بكتيييييييييييير

يا رب اكون ما نسيتش حاجة مش عارف بصراحة لغاية دلوقت اقرر و محتاج مساعدة

[أبو عبدالله]

الياريس سنتين فقط

ثلاث سنوات او 100 الف كيلو ايهما اقرب

لكن الياريس كل اللي اقدر اقولة عليها انه فخم جدا

في فرق خامات في كل حاجه
ولا تنسى ان موضوع الخامات ده مش هيبان الا بعد مرور وقت

في الجين تو 5 سنين

حضرتك اكيد في عدد للكيلو مترات
واستحالة يقعد خمس سنين يضمن العربيه وهيا عامله مثلا 200 الف او 300 الف كيلو

[fahd_628]

بصراحة انا شاب و لو حختار حختار جين 2

و عاوز اقولك حاجة طبعا الياريس عربية جميلة جدا و انا ركبتها بس بصراحة مش شبابية زى الجين 2

الصاج بتاع الجين 2 اقوى من الياريس بفرق
المحرك فى صالح الجين 2
الثبات فى صالح الجين 2
الخامات و الوسع فى صالح الياريس
العمر الأفتراضى فى صالح الياريس مع ان الجين 2 محركها مصنوع بالأشتراك مع لوتس
الشكل الخارجى للجين 2 و دية ازواق
الكماليات جين 2
الأمان جين 2 تزيد عن الياريس بال ABS و ال EBD و الأتنين فيهم ايرباج
مش عارف حكاية الضمان مين احسن بس توكيل تويوتا احسن
اعادة البيع ياريس


انا قولتلك على كل الى اعرفة بأمانة و دون تحيز لأى عربية

و فى النهاية الأختيار يرجعلك

اتمنالك التوفيق ;)