ما هو العلاج الأمثل لخربوش في دهان العربية الخارجي

[megoo80]

يا جماعة أنا عربيتي كيا عصفورة اللون فيراني ميتالك
العربية اتخربشت في الدهان (ظهر لون البطانة الداخلي) ... الخربوش قطره 2 سم تقريبا
لذا فما هو العلاج الأمثل؟!

مستني ردودكوا

شكرا ليكوا

[sab3aawy]

فيه علاج من اتنين

الأول انك تروح لبوهياجى شاطر يضرب اللون ويعملها بقطنة ملفوفة على عود كبريت (وبرضه هايفضل لها اثر بسيط لكن مش هيبان من على بعد 5 متر )

والتانى هو انك تتعايش معاها زى ما هى كدة

لكن الكومباوند والحاجات دى مش هتعمل لك حاجة

[zakiali]

فعلا حكايه الخرابيش دي بتبقي غبيه خصوصا في الفيرنا الدهان بتاعها زي الزفت مفيش حل للدهان الزباله ده اللي لو حكيته بأيده يطلع ؟

[zakiali]

مفيش وش دهان يثبت او يقوي الدهان الأصلي ؟

[Nader]

الاوان الميتالك مش هيأثر فيها الكومباوند للاسف.




زكي ممكن علشان تحافظ على دهان عربيتك تعملها

بواكس كل فترة.

يا جماعة أنا عربيتي كيا عصفورة اللون فيراني ميتالك
العربية اتخربشت في الدهان (ظهر لون البطانة الداخلي) ... الخربوش قطره 2 سم تقريبا
لذا فما هو العلاج الأمثل؟!

مستني ردودكوا

شكرا ليكوا

متزعلش منى بحب اهزر

اعمل نفس الخربوش النحية التانية علشان الناس تفتكر دا موديل جديد هههههههه

معلش اصلى اول ما استلمت العربية من التوكيل اتخربش الاكصدام من سواق تاكسى لادا

[peranha]

شوف يا عم الكلام المفيد .. زمان من يجي عشر سنين نزل اعلان من تميمه عن ماده تدهن بيها الخربوش بقطنه يختفي علي طول وتقريبا هو بيزيب البويه حول حواف الخربوش ويملي بيها الخربوش ..وانا ليه صديق جربه وجاب نتيجه بس خربوش ..مش ترعه
اطلب تميمه واسألهم عليها يمكن يكون لسه عندهم منها او دور في النت

[nancy]

الله يخربيت كل سواقين التاكسي

[nancy]

هو مش ممكن الواحد يروح التوكيل يضبط كل ده ؟؟؟؟؟؟

[Nader]

التوكيل هيرش ويخلص.