مساعدة فى تلميع العربية

**momo44** · 31-03-2008 07:45 AM

السلام عليكم ورحمة الله وبركاته
انا عربيتى فيها بعض الخدوش فى منها اللى فى بوية العربية ومنها اللى مش فى البوية بتاعة العربية ودى قالولى انها تصلع بكومباوند
وكما فى اثار لصق على العربيى كمان بيتهايألى تطلع بكومباوند
كمان فى خدوش بسيطة من اللى فى البوية هل دى تطلع بكومباوند
المهم انا اشتريت الكومباوند وكمان بولش عشان المع العربية
مش عارف الموضوع صعب انه اعمله بنفسى ومحتاج اروح لواحد عشان يعملهولى
ولا ممكن اعمله بنفسى
ولو اعمله بنفسى ممكن شرح بسيط ازاى ممكن اعمله
ولو هعمله بره هيتكلف حوالى كام
شكراااااااااااااااااااااا

**shady_elkady** · 31-03-2008 11:57 AM

الموضوع بس مجهدود عضلى

**kh_talaat** · 31-03-2008 12:17 PM

بالظبط هو مجهود عضلي ومش محتاج تروح لحد يعملهالك بس المهم يكون الوقت مناسب يعني يكون يوم جمعة كدة بعد الصلاة وتكون راكن في حته ضل وتعيش مع نفسك يا معلم

الأول تستعمل الكمباوند على أماكن الخدوش وتقعد تدعك فيها كدة بضمير لغاية ما تختفي

بعد كدة تنفض العربية من أي تراب وتاخد حبة بولش كدة حلوين وصاية وتوزعهم على كل العربية وتسيبهم ينشفوا مدة 5 ثواني وبعديت تديها دعك هتلاقي العربية بتبرق يا باشا

وميزة البولش إنه بيمنع التراب إنه يمسك في العربية ....... بيزحلقه هههههههه

**ASD peugeot** · 31-03-2008 12:21 PM

انا عايز اسأل هما تمنهم كام بكومباون و بولش

**kh_talaat** · 31-03-2008 12:23 PM

الكمباوند حسب نوعة يعني فيه بـ 17 جنة وفيه بـ 45 جنية

البولش بـ 5 جنية

**momo44** · 31-03-2008 11:23 PM

المشاركة الأصلية كتبت بواسطة kh_talaat

الكمباوند حسب نوعة يعني فيه بـ 17 جنة وفيه بـ 45 جنية

البولش بـ 5 جنية

بيتهيألى انك تقصد العكس
عموما انا جبت الكومباوند ب 5 جنيه والبولش كان فيه منه نوعين واحد ب5 جنيهات والتانى ب10
وانا جبتهم من عند الموان اللى فى شارع دمشق

وبالنسبة للطريقة اللى اعمل بيها البولش
اوزعها ازاى يعنى فى اى اماكن فى العربية
وارجو تفاعل كل من يعرف شئ عن هذا الموضوع

**NaderNabil** · 01-04-2008 12:04 AM

أول حاجة تغسل العربية بخرطوم مية عشان توقع كل التراب و الذي منه

تاني حاجة تجيب العلبة الدهبي (الكومباوند) و تجيب قطنة...و تاخد بصباعك من العلبة و تدعك منطقة الخدش كويس قوي بصوابعك....و بعدين تبتدي تمسح بالقطنة علي شكل دواير مدوره :) و دوس جامد علي الخدش....و بعدين هات قطنة تانية نضيفة و امسح البواقي

و بعدين تجيب البوليش (العلبة الصفراء) و تجيب بصباعك برده و تحط علي مناطق صغيرة....يعني الجزء العلوي من الباب و بعدين السفلي....و اوعي تسيبه ينشف....لازم سريع سريع...عشان يجير و يبقي زي الزفت....و اقعد بايدك برده سيحة علي الحتة كلها و كرر نفس العملية بالقطنة...مع الدعك

نصيحة مني الموضوع متعب جدا و مش هتعرف تعمل العربية كلها في مرة واحدة...واديها لبتاع دوكو يعملها كلها أحسن و بياخد 50 جنية

**momo44** · 01-04-2008 05:52 PM

اصل انا اشتريت الكومباوند و البولش والقطن كمان

**tutankhamoun** · 01-04-2008 07:50 PM

أيه يا شباب ........ فين القوة ؟؟؟
الموضوع كله بيأخذ 2 ساعتين
يعني مش قضية ......... هو في الأول ذراعك هاينمل :D و مش هاتقدر تحركه خالص :D :D :D أنا طبعا بهزر

هو مجهود عضلي للذراع و اليد و لكن ممكن إنجازه في ساعتين أو أقل
بس لازم العربية تكون نظيفة تماما من الأتربة و أنت بتلمع
و أنا لسه عامل عربيتين من يومين و بقوا فلة

و ربنا معاك

**eng_mkhalaf** · 03-04-2008 12:02 AM

نصيحة مني الموضوع متعب جدا و مش هتعرف تعمل العربية كلها في مرة واحدة...واديها لبتاع دوكو يعملها كلها أحسن و بياخد 50 جنية

+100000000000000000000000000000

الموضوع: مساعدة فى تلميع العربية

LinkBack

أدوات الموضوع

عرض

-

-

-

-

-

-

-

المواضيع المتشابهه

كيفية تلميع العربية

تجربة تلميع فوانيس العربية بـ كلوس اب

تجربة wd 40 فى تلميع العربية وازالة الخدوش السطحية

استفسار بخصوص تلميع العربية

استفسار صغير في تلميع العربية

الكلمات الدلالية لهذا الموضوع

المفضلات

المفضلات

ضوابط المشاركة