بخصوص الزرار في الاسترا عليه العلامة دي *

[Ahmad Allawy]

السلام عليكم..
انا لما جربت عربية مصطفي فاروق اخونا هنا في المنتدي.. شوفت زرار في الكونسول عليه علامة شبه دي *
افتكرته الاول بتاع التكييف. وسألته هو قالي كلام مش فاكر تفاصيله ومش متأكد منه قوي..
المهم سألت المهندس اللي باتعامل معاه وهو كان شغال في مقار..
قالي حاجة حلوة قوي..ده الواحد بيشغله في حالة ان الارض فيها تلج او زيت.. ومش عايز العربية تتزحلق وهي طالعة او العجل يلف ع الفاضضي والعربية متمشيش..
بتدوس علي الزرار ده يقوم يقلل عزم العربية في الطلوع..و يخلي العجل متزحلقش علي الحاجة اللزجة اللي تحته سواء كانت تلج او زيت..
عرفت المعلومة حبيت اعرفها لكل الناس..

[Mzeid]

أنا حبيت أضيف حاجة صغيرة كمان إن الزرار دة بيشتغل و العربية ماشية كمان في إن الجو شتاء و في مطر و الأرض مزحلقة .
;);););)

[Ahmad Allawy]

انا سألت المهندس فعلا علي الموضوع ده فقالي ان مش هيبقي ليه لازمة قوي عشان هيقلل جدا من عزم العربية.. فهتحس انك ماشي علي نقلة عالية و العربية مش بتمشي..
ده بالنص اللي قاله..
والاهم بقي هل انت جربت الموضوع ده ولا لأ.. ولو جربته ايه اللي بيحصل بالظبط..؟؟
والف شكر يا باشا علي التعديل و التصحيح..

[tmz9111]

شكرا يا باشا على المعلومة

[Mustafa_Farouk]

Thank u ya Ahmed.

[ramyso4]

السلام عليكم..
انا لما جربت عربية مصطفي فاروق اخونا هنا في المنتدي.. شوفت زرار في الكونسول عليه علامة شبه دي *
افتكرته الاول بتاع التكييف. وسألته هو قالي كلام مش فاكر تفاصيله ومش متأكد منه قوي..
المهم سألت المهندس اللي باتعامل معاه وهو كان شغال في مقار..
قالي حاجة حلوة قوي..ده الواحد بيشغله في حالة ان الارض فيها تلج او زيت.. ومش عايز العربية تتزحلق وهي طالعة او العجل يلف ع الفاضضي والعربية متمشيش..
بتدوس علي الزرار ده يقوم يقلل عزم العربية في الطلوع..و يخلي العجل متزحلقش علي الحاجة اللزجة اللي تحته سواء كانت تلج او زيت..
عرفت المعلومة حبيت اعرفها لكل الناس..

أنا معرفش الزرار د فل opel astra بس ال انت بتقولو ده نظام ال-ASR ودة نظم فل فرمل أول الشركات العملتو مرسيدس وألفا روميو ود وظفته ذي ما حضرتك قلت كدة وبيبئة مفيد كمان فل عربيات ال-FWD وال-cc بتاعها عالي بس حتة إنو بيكتم من عزم العربية وتحس انك ماشي على نقلة أوطى من الإنت ماشي عليها د مش مظبوط وأنا عندي ASR ف عرتي ولو شغلت الزرار أو مشغلتوش مش بحس بفرق محسوس لدرجة اني أعرف الزرار أون ولا أف منغير ما أبص

[M.Mokhtar]

انا سألت المهندس فعلا علي الموضوع ده فقالي ان مش هيبقي ليه لازمة قوي عشان هيقلل جدا من عزم العربية.. فهتحس انك ماشي علي نقلة عالية و العربية مش بتمشي..
ده بالنص اللي قاله..
والاهم بقي هل انت جربت الموضوع ده ولا لأ.. ولو جربته ايه اللي بيحصل بالظبط..؟؟
والف شكر يا باشا علي التعديل و التصحيح..

انا جربته يا باشا
واقولك ممكن تجربه ازاى

شد فرامل اليد وحاول تطلع بالعربيه هتلاقى العربيه بتمشى معاك خفيف
اضغط على الزرار ده (شغل النظام) وحاول تطلع والفرامل مشدوده العربيه مش هتتحرك من مكانها خالص

أنا معرفش الزرار د فل opel astra بس ال انت بتقولو ده نظام ال-ASR ودة نظم فل فرمل أول الشركات العملتو مرسيدس وألفا روميو ود وظفته ذي ما حضرتك قلت كدة وبيبئة مفيد كمان فل عربيات ال-FWD وال-cc بتاعها عالي بس حتة إنو بيكتم من عزم العربية وتحس انك ماشي على نقلة أوطى من الإنت ماشي عليها د مش مظبوط وأنا عندي ASR ف عرتي ولو شغلت الزرار أو مشغلتوش مش بحس بفرق محسوس لدرجة اني أعرف الزرار أون ولا أف منغير ما أبص

اعتقد ردى على الاستاذ احمد بيوضح ان فى فرق بس يمكن فى الطلعه بس لكن على السرعه مش بتحس بفرق جامد

[Ahmad Allawy]

والله يا جماعه كده اتحقق الغرض الاساسي من الموضوع..
ان اللي عرف معلومة قالها مش شرط تكون صح 100% بس اللي عرفته قولته..
واللي جربه قاله و كده عرفنا الموضوع تماما من وجهة النظر النظرية و العملية..
واهم حاجة اننا الحمد لله استفدنا معلومات كويسة.. واللي هيحب يسأل عن الموضوع هيلاقي شرح كافي ووافي ان شاء الله.. وتجارب كمان..
الي الامام يا رجالة منتدي اوبل..

[M.Mokhtar]

الي الامام يا رجالة منتدي اوبل..

بس محدش يزق انا بحب امشى براحتى

ياريت فعلا كلنا نفيد بعض
اكيد مفيش حد عنده كل المعلومات وكلنا هنستفاد من بعض

[HNaga]

أه الزرار ده إسمه Skidding Road
وده عكس زرار Sports وكمان بيلغيه يعنى لو دايس Sports وبعدين دست Skidding Road
هتلاقى Sports إتطفى