طلب نصيحه بخصوص الاسترا الهاتش باك كوبيه 2009

**Cypher** · 10-04-2009 03:39 PM

يا جماعه انا لفيت كتيير و سالت كتيير و بصراحه مش عارف اوصل لحل عشان كده قولت اسال اخونا الى عندوهم خبره فى العربيه و ركبنها عشان اققدر اخد قرار

اسئلتى هى بخصوص الاسترا الهاتش باك الكوبيه 2009 ايه رايكو فيها عايز تقييم كامل لحد يكون راكب مو2008 مثلا عشان حسب علمى متغيرتش و هى هى

و بعدين العربيه المانى و لا بولندى ؟؟ التوكيل بيقول المانى بالكامل و هنا قريت انها بولندى

التكيف اخبارو ايه ؟؟ و ياريت حد يكون مجرب اكتر من عربيه و يرد عليا

فى مشاكل فى نظام فتح الابواب و الكونتاكت بالمس ده و لا ايه ؟؟

العربيه اخبار ادائها ايه و السحب و الهورس باور و التوب سبيد ؟؟

ايه موضوع ان الفتيس الايزى ترونك بايظ و ان الشركه الام بطلت تعملو ؟؟ فعلن كده يعنى السحب و حش و ادائها مش كويس انا بتكلم على الكوبيه و هى مافيش منها غير كاتوجرى واحد اعلى حاجه دى و هى بالايزى ترونك ده

اسعار قطع الغيار ايه و الاعتماديه نظامها ايه ؟؟

الفرش بتاعها جلد طبيعى و لا قماش عشان التوكيل قالى الاتنين

انا بسالكو يا جماعه عشان انا هتحمل فرق سعر عالى عشان اضمن عربيه تكون 100/100 و تعيش معايا و تضمنلى فلوسى الى هدفعها

عشان توكيل اى عربيه او البياع بيحسسك ان العربيه نازله من السما و انا عايز اعرف الحقيقه

معلشى يا جماعه انا طولت عليكو بس ارجووكم تردو عليا و انا واثق انكو هتدينو نصيحه صح انشاء الله و مستينكو و شكرا مقدما

**Ahmad Allawy** · 10-04-2009 05:26 PM

شوف يا باشا..
العربية هي نفسها الهاتش باك العادية.. و مش متأكد موضوع تقفيل بلجيكي ولا الماني دي..
و بعدين التقفيل ده حتي لو بلجيكي فهو في منتهي النضافة|.. و ماعتقدش ان في حد اشتكي منه
الكماليا و التكييف و الفتيس و السحب و كل حاجة محدش اشتكي منها ف الهاتش باك العادية..

مفيش مشاكل في موضوع الkey less و الدنيا زي الفل.
واللي قالك موضوع ان الفتيس بايظ و الشركة بطلت تنزله ده شخص جاهل. و بيفتي..
و للعلم.. كل الشركات بتتوجه حاليا للتكنولوجي القريبة من الايزي ترونيك دي في الفتيسات..

موضوع الفلوس بقي.. العربية دي لو فكرت تبيع هتخسر فيها كتيييييييييييييير جدا.. و ده الطبيعي ف العربيات الكوبيه و كمان ماركة بيعها مش جامد وي زي الياباني.. متتوقعش انك تبيع بسعر كويس
لو بتفكر في بيع قريب يبقي بلاش منها.. و هات جولف ولا حاجة.. برضه سعرها ف البيع مش جاد قوي بس افضل شوية من الاوبل..

الاستخارة اول حاجة.. و ربنا يوفقك لما فيه الخير..

**osmana** · 11-04-2009 12:24 AM

بص يا باشا انا معايا الفيكترا التوب لاين و الفرق بينها و بين الاسترا مش كبير و شايف ان العربية ممتازة و الحمد لله في كل حاجة بس نصيحة قبل ما تاخد قرار الشراء جرب الايزي ترونيك و شوف هترتاح معاة ولا لا لو ارتحتلو يبقي ربنا يوفقك استخير ربنا و دووس

**Cypher** · 11-04-2009 01:05 PM

طب ممكن حد يوضحلى ايه مشكله الفتيس الايزى ترونك بالظبط ؟؟؟

**KHALED AYMAN** · 11-04-2009 01:48 PM

المشاركة الأصلية كتبت بواسطة Cypher

طب ممكن حد يوضحلى ايه مشكله الفتيس الايزى ترونك بالظبط ؟؟؟

هو مفيهوش مشكله ولا حاجه...
الموضوع بكل بساطه انه ميكانيكيا فتيس مانيوال..
يعنى فى دبرياج بس العربيه بتدوسه لنفسها ..

كل ما فى الامر ان العربيه و هى بتنقل خف رجلك شويه من على البنزين ..
هتلاقى العربيه نقلت زى اى عربيه مانيوال و ده فى رأيى احساس رائع ....
طيب لو مخفتش رجلك ؟؟
هتلاقى العربيه نطت نطه خفيفه ...(حلوه فى الشد النطه دى فى رأيى )...
طيب عتعرف منين انها هتنقل ؟؟
هى دى النقطه المهمه بقى !!!
تعود
بعد شويه هتحفظ عربيتك و هتفهمها ..
دى غير ان انت ممكن تتحكم فى النقله برجلك..
يعنى لو دوست بنزين و قمت خافف رجلك و دايس تانى ..
العربيه هتنقل لنقله اعلى ...
الموضوع سهل و بسيط و مينفعش فى الكلام ..
جربه و ريح دماغك..
طيب فى اعطال ؟؟
لا مفيش !!
الفتيس برا من سنه 2004 و محدش قال انه باظ ولا حاجه !!
يا رب يكون كلامى بسيط و مش مبعجر !!!
و طبعا يا باشا الاهم من ده كله الاستخاره !!!

و متنساش لفتى لمده اسبوعين ..
انا هنا فى المنتدى اى حد بيشترى عربيه بيديهالى اسبوعين اجريها ...

**N.a.j.d** · 11-04-2009 02:48 PM

انا الصراحه لسه مجربتش الموديل دا اما احنا نستنى راي الجماعه هنا اللى معا العربيات دي او اللى بعرف عنها

**asd7778** · 11-04-2009 03:56 PM

انا عندى راى من الناحية المالية السنه الجايه فى تغيير فى الشكل الاسترا والعربيه الى موجوده حتتغير واكيد سعرها حينزل زى اختها الكبيره الفيكترا لذا انا بنصحك تستنا شويه ويا اما تجيب الاسترا الجديده (ان نزلت مصر) يا اما تجيب الشكل القديم بسعر احسن من دلوقتى

**delebs** · 15-04-2009 01:23 AM

أنا أخويا مع و علي فكرة هي ممتازة بجد و أحسن حجا فيها السحب كانك ركب 2000 سي سي و الفرامل فوق الممتاز بجد و مفيش أ] مشكلا من كل دة هو المديء منة أنك مش حتشوف الكبوت لو حتي واقف و الحلو بردوا انها عالية عن الارض و التكيف جامد جدا و حور الازي ترونك انتا لو بتعرف تسوق مانويل حتتعود بسرعة