ماذا تفعل لو كنت مكاني

[waelfayez]

أريد شراء سياره في حدود مبلغ 90000 ألف جنيه و محتار جدا" بين شراء سياره مستعمله
مثل تويوتا كورولأ مو 2004 - 2005 أو رينو ميجان 2005-2006 أو بين شراء سياره زيرو مثل تويوتا ياريس أو هوندا سيتي أو بروتون جين 2 و علي فكره أنا أسرتي مكونه من 5 أفراد أرجوكم سرعة الرد وشكرا" مقدما"

[M!NA]

الزيرو زيرو مهما كان... تاخدها زيرو و تتابعها و تبقا عارف كل كبيرة و صغيرة فيها... و المستعمل حتى لو عاملة 1000 كيلو متضمنش حصل ايه في الألف كيلو دول.... (و ممكن تكون عاملة 100 ألف و تبقا زي الفل)

عموما في اختيار تالت و ربنا يوفقك في جميع الحالات...

ممكن تدفع ال90 دول كمقدم لحاجة كويسة و هيبقا باقي حاجة بسيطة ان شاء الله...

انا رأى تجيب حاجة مستعملة بحالة ممتازة و دور لو ملقيتش يبقى الزيروووووووووووو

يعنى مثلا دور على ميجان بحالة ممتازة و اكشف عليها فى التوكيل و شوف لو لقيتها ممتازة يبقى توكل على الله

لو ملقيتش حاجة ممتازة يبقى عليك و على الزيرو و انا رأى من رأى اخى VW_drive انك لو عاوز ممكن تدفعهم مقدم لحاجة كويسة جدا و حيبقى قسط بيسيييييييييييييييييط جدا على عدد السنين الى انت عاوزها

[ibrnassar]

الاخ العزيز لو معاك هذا المبلغ كاش هات طبعا تويوتا او ميجان مستعمل لا يقارنو باليارس او الجين2 بس اهم حاجة تكون العربية فابريكة برة و جوة و اوعى تصدق كلام اللى يقولك دى رشة برة نظافة او يقلك رفرف بس او الكلام دة و ثانى حاجة يكون الكيلومتر بتاعها 30000 مثلا مش اكتر من كدة و تكشف عليها فى التوكيل لو لقيتها كويسه تبقى لقطة و توكل على الله

[mando_07]

la2 tb3n el zero zero da 7ta kfaya ank htgebha w htkoon awl rgl tsoo2ha w akeed htkoon 7abbha w ht5af 3leha w ana ans7k bel yaris 3rbia 3a2lia w gameela w more7a fe elswa2a ana lma so2tha knt mstr5m mkan eltablou bs de 7aga htt3wd 3leha w alf mabrok mo2dmn

[GBYTE]

ابعد عن المستعمل ولو ببلاش جين2 او هوندا سيتى

[mazen86]

الزيرو زيرو راحة نفسية ليك حتي وهتحس بقيمة فلوسك في العربية

[hazem_khidr]

تعالي نفكر بصوت عالي
دلوقتي معاك 90 الف و اسرتك مكونه من 5 افراد
يبقي اسبعد خالص السيتي و الياريس و الجين 2
لانهم لو عربيه فيهم نفعتك السنادي بفرض اطفالك صغيرين يبقي كمان سنتين مش حتكفيكم و تستحملكم كلكم. لان دي عربيات شباب او اسره صغيره حديثه التكوين.
يبقي قدامك حاجه مستعمله في حدود ال 90 الف
سيبك من الميجان فيها مشاكل كتير و الكلام دا مش سمع لان من آراء ناس مجربينها و معاهم و بيندموا علي اليوم اللي اشتروها فيه.
مفيش غير الكورولا فعلا فول اوبشن اتوماتيك 2005
حتبقي الشكل الاخير و عربيه حموله جدا لاقصي ما تتخيل
او لانسر بوما 2007 و ابعد خالص عن العربيات المعقده علشان ما تبقاش قلقان
و برضه ابعد عن العربيات الصغيره علشان احتياجاتك حتكتر:)