ماتيريا ولا جين تو محتاااااااااااار

[eng.octooo]

السلام عليكم

انا بموت فى الجين تو :k10: وباعشق الدايهاتسو ماتيريا

وانا مش عارف اختار فياريت انتم اختارولى
انا مش عاوزكم تختاروا من ناحية الشكل لانهم هما الاتنين شكلكم داخل دماغى

انا عاوز عربية

رفاهية من االداخل للسائق
وتكون بتستحمل السفر الشبابى (اسكندرية مارينا و .....)
وتكون عفشتها ماسكة نفسها يعنى مااوديهاش كل شوية للميكانيكى
واهم حاجة تكون فيها رفاهية من الداخل للسائق والجميع

وباكد عليكوا انا هاخد رايكوا انتو فبلاش تخلونى ادعى عليكوا (بهزررررررررر انتم زى اخواتى )

اختارولى بين الماتيريا والجين تو هما الاتنين هايكونو اوتوماتيك وفل اوبشن

[hotboja]

الماتيرا شبة عربية سلاحف النينجا كل الناس بتقول كدة علية بس انا عن نفسى بحبة شكلة على شان مختلفة

[NaviGator_13]

مش عارف الماتير شكلها مبيعجبنيش خالص
خليك فى الجين

[معاذ الشرباصى]

هى مقارنة غريبة شوية

لكن هنحاول كده نقارن طلب طلب بالعربيتين

رفاهية من االداخل للسائق

قصدك بأيه بالرفاهية؟

الماتريا عليها وسع داخلى و رحاية غير عادية على عكس الجين 2 تماما

لكن عفشة الجين 2 احلى من عفشة الماتيريا, فأريح منها

وتكون بتستحمل السفر الشبابى (اسكندرية مارينا و .....)

الاتنين يستحلوا سفر, لكن الماتيريا تشيل ناس اكتر و اريح فى السفر

وتكون عفشتها ماسكة نفسها يعنى مااوديهاش كل شوية للميكانيكى

العفشة فى الجين 2 اريح عن الماتريا

بس عموما فى الاتنين هتحتاج تربط عفشة بأستمرار علشان شوارعنا مبهدلة

واهم حاجة تكون فيها رفاهية من الداخل للسائق والجميع

الماتريا تتفوق فى النقطة دى و فى حاجة مميزة جدا جدا الا و هى الزجاج الفيمية الفابريقة و ده شىء لا يقدر بثمن

كفاية انك بتخزق عين اى ظابط فى اى لجنة:k40:

الامر راجع ليك

لو ليك اسالة تانية تحت امرك

[waelwael]

شبابى جين 2 عائلى دايهاتسو ماتيريا وربنا يباركلك للوصول للقرار الصائب وعشان إنت بتموت فى الجين 2 وإنت شاب ماريناوى يبقى توكل على جين 2 وربنا يباركلك فيها .

[Lord of the flies]

الماتريا ستايل جديد وراحة داخلية سوبر وكفاية انها يابانى

[AboMaro]

بجميع ما تحتاج في سياره المستقبل الماتيرا افضل بدون شك وخصوصا انها افضل مية مره ف العفشه بالذات وانا كده طبعا بختلف مع الاخ الفاضل معاذ اللي ذكر مرتين ان عفشه الجين تو افضل !!!!!!!! الله اعلم ازاي
بس خلي بالك شعار المنتدى الجديد و التصميم الجديد بقى فيه عربيتين جين تو برتاقلي بيجروا فوق يعني لو مجبتش جين تو تبقى من الاعداء زيي كده :k48: