الاوبترا ولا جن 2؟؟؟

[amir]

ارجو المساعده

لو حضرتك شاب و عاوز شد و حرق و ثبات و شكل و صاج محمل و كماليات عالية يبقى جين 2

لو حضرتك عاوز عربية عائلية يبقى اوبترا

دة من رأى

[amir]

مش موضوع جري و خلافه , اصل انا قريب هاشتري و طبعا محتار من حيث الامكانت و نزلت بصيت علي العربيتين النهارده و اتصدمت بالشكل الداخلي للجن 2 و حسيت انها بلاستيك رديء و بلنسبه للاوبترا فكان تفكيري رايح للافيو لاكن ازازها اللي ورا قارفني منها يعني جت علي دي و معرفوش يخلوه كهربا لاكن تابلوها و منظرها الخارجي عاجبني بس الامكانات الماديه زادت فقولت اشوف الاوبترا لاكن الشكل الداخلي معجبنيش يمكن كنت فاكره ذي الافيو لاكن طلع شكل تاني فمحتاج اراء الناس الحلوه اللي هنا
و شكرا جزيلا علي الرد

بص يا امير انا كنت خلاص هشترى الجين 2 قبل ما اشترى الاوبترا و الصراحة العربية كانت عجبانى بس كان فيها شويه مشاكل خلتنى ابعد عنها اول حاجة انها ضيقة اوى من ورا عند الكنبة تانى حاجة انا بسافر كتير و باخد شنط كتير معايا و مساحة شنطتها مش كبيرة علشان تكفى الحاجات ديه كلها ثالت حاجة انى مش من القاهرة و ملهاش توكيل عندنا او حتى اى حد اشترى منه قطع غيارها و كل الحاجات ديه لاقتها فى الاوبترا فاشترتها بس لو مش هيهمك الحاجات ديه هات الجين 2 هتكسب اوبشن كتير بسعر معقول

[abo3bdolrahman]

الجين 2 أقوى فى المحرك و العفشة و الصاج و ممكن تستنى شوية لحد السيدان ما تنزل بصراحة السيدان جبارة.
و إمكانيات الجين 2 أعلى و السيدان الجديدة خاماتها الداخلية أفخم و بيقولوا هاتنزل على آخر السنة فى عز العرب.

[goodwave]

من رأيي تطلع برة الحيرة دي خالص والقيل والقال بتاع الكوري والماليزي وتجيبلك تويوتا ياريس! حتجيب من الاخر!

عربية ياباني ولو مكانك كنت جبتها على طول!

[amir]

نزلت شفت الصني و اختياراتي الان صني او ماتريكس او اوبترا بالترتيب ده, و انشاء الله اكيد هاكتب عن العربيه لما اشتريها

رأي الشخصي لو هتختار بين الصني والماتريكس والاوبترا يبأ هات الصني.










_____________
محمد عبدالله

[hamada2010]

طب ما تجبلك لا نسر وعيش حياتك وارزع وسافر وحمل وانسى العربية دى خالص

[Islam_galal]

الصني تجميع مصري

الماتريكس موضه و راحت

الاوبترا وكيل مش مريح و بيبالغ في اسعار قطع الغيار و المصنعيات

اللانسر في رأي الافضل

و بصراحة انا بحب ال Gen 2 جدا