إعـــــــلان

**doctor_eid** · 11-08-2010, 07:54 PM

تقرير جميل وتسلم ايدك عليه

**engahmedsamy** · 11-08-2010, 07:59 PM

الف حمد لله علي السلامة

**esam_comm** · 11-08-2010, 08:39 PM

انت كنت في رحله ترفيهيه ولا تاريخيه حمدالله علي السلامه

**Dr Zezo** · 11-08-2010, 09:38 PM

حمدا لله علي السلامة

و كل سنة و حضرتك طيب

و فعلا اغلب ما ذكرته صحيح - من خلال خبرة و اقامة دائمة هناك يجي 18 سنة او اقل -

بس فيه شوية ملاحيظ

سيناء تحتل مرتبة متقدمة في زراعة الزيتون و لكن في الغلب اغلبه بيصدر للخارج

دا اسبانيا - اللي هيا اسبانيا - بتبعت الناس يقطفوا و يضموا محصول الزيتون و هو لسه ع الشجر قبل ما يعصروه و بعدين يأخدوه لبره تصدير !!

غير طبعا الاسماك الفخمة اللي اغلبها للتصدير - سمك بحر مش مزارع -

بالنسبة للبترول هو مستغل و بيطلعوه بس في خليج السويس بس مش في العريش

و بالنسبة لموضوع الضرب علي الحدود و الانفاق و موضوع الحصار و ان احنا لينا عمليات بنقتل منهم غير معلنة و الله انا ذكرته من يجي ثمانية شهور في موضوع طويييييييييييييييييييييييل عن غزة

و محدش صدق ساعتها

و الشغل ده مش شغل عمر سليمان دا شغل المخابرات الحربية - و دا اللي في البر غير البحر و الجو

-

و بعض البدو مرتبطين بهم الي الان

حمدا لله علي السلامة

و فعلا سيناء جنة

**Karim_Monir** · 11-08-2010, 10:09 PM

تقرير رائع وشكرا جزيلا
لو مدعم بشوية صور يبقي هايل

**M.Zaher** · 12-08-2010, 01:11 AM

موضوع رااااااائع
حمد لله على السلامة

**uubaby2000** · 12-08-2010, 01:18 AM

حمدالله على السلامة وياارب ازور العريش مش مصدقة ان دى بلدنا ومنعرفش فيها اللا القاهرة ووسط البلد وسيتى ستارز :(

**elpasha009** · 12-08-2010, 01:38 AM

ياسبحان الله انت كأنك بتتكلم من دماغي بالظبط:)
أنا كمان لسه راجع من اسبوع من رحلة زي بتاعت حضرتك بالظبط بس كانت لسيناء كلها من أول نفق أحمد حمدي مرورا بكل مدن جنوب سيناء والوصول لمعبر طابا ثم مدن شمال سيناء كلها وصولا لمعبر رفح والرجوه مرة أخرى للنفق:)
بس كل ده في 3 أيام فقط.

بجد احنا مقصريين جداااااااااااااااااا في منطقة من أجمل مناطق مصر.

**SkyBird** · 12-08-2010, 01:42 AM

تقرير مبسط وجميل ولكن به بعض الملاحظات احب اوضحها

مبدئيا لابد من الاشارة الى ان الدولة مهملة في سيناء شمالها وجنوبها ووسطها اهمال شديد والتطور العمراني الذي يحدث هو ناتج طبيعي للحركة البشرية في البلد بدون اعتماد كلي على الدولة .. يعني سيناء تتعمر بيد ابنائها لا بيد الدولة حتى الترعة التي تبرع بها المرحوم الشيخ جابر لسيناء (ترعة الشيخ جابر- ترعة السلام) توقف الانشاء فيها منذ وفاة الشيخ جابر رحمه الله .
وقد تم ضخ المياه فيها لفترة من الزمن وحين استغلها اصحاب الارض الواقعة حول الترعة وحين رفضوا تسليمها للاقطاعيين الجدد من المستثمرين تم اغلاق المياه وتجفيفها من المياه لاجبار اهل الارض على تركها

يا ساده
لا يحق لاي مواطن من سيناء ان يتملك شبر ارض من سيناء بل انه لايملك بيته رسميا المواطن السيناوي لا يحق له ان يقول لارض اجداده هذه ارضي
لان الدولة تقول ان سيناء كلها ارض مملوكة للدولة ولايحق للمواطن السيناوي الا حق الانتفاع من الارض ولكن لا يحق له تملكها !!!!!

اما بالنسبة للمواطن السيناوي هل هو بدوي ؟
هناك لبس ثقافي في ذهن كثير من الناس بين معنى كلمة بدوي وبين عربي
البدوي هو من يسكن البادية سواء كان عربي ام اعجمي لان البداوة نمط حياه وليس عرق وعكسها الحضري الذي يسكن المدينه
فلا يقال لساكن مدينة العريش او رفح انه بدوي
اما كلمة عربي فلها معنيان
الاول ثقافي اي ان الفرد ثقافته عربية بصرف النظر عن عرقه اي يتكلم ويتخاطب باللغة العربية فهو عربي
المعنى الثاني لها معنى عرقي اي ان عرقه ينحدر من السلالة العربية
فالمواطن السيناوي
عربي العرق وعربي الثقافة
وبدوي اذا سكن البادية وحضري اذا سكن المدينة
لذا لزم التنويه ان اهل سيناء كلهم عرب وليس كلهم بدو

و شفت الحياة البدوية .... يكفى إنك تعرف إن الرجل البدوي مش بيشتغل و مراته هى إللى بتشتغل ...

غير صحيح بالمرة بل لا وجود لذلك في ثقافة البدوي منذ فجر التاريخ
انا اتصدمت لما قرات هذا الكلام

و البدو هناك بيحترموا الوزير عمر سليمان .

اهل سيناء عموما لا يحبون التعامل مع الشرطة
ويفضلون التعامل مع الجيش ممثلا في حرس الحدود
وقد حدثت مشاكل كثيرة لا داع لذكرها كلها تؤكد غباء الشرطة وغباء الحل الامني مع اهل سيناء فلا يتفاهم اهل سيناء الا مع الجيش فقط
وحين تتأزم الامور فيكون مرجعهم الوزير عمر سليمان نائبا عن رئيس الجمهورية
اي ان الحب ليس لشخص عمر سليمان بل لحب التعامل مع الجيش والمخابرات الحربية

في النهاية
شكرا جدا على التقرير

**Moh.Abdelbaset** · 12-08-2010, 01:46 AM

شكراً يا سيف على التقرير الجميل ده

أنا رحت العريش مرة واحدة بس منذ 8 سنوات تقريباً
هي بلد جميل جداً.. وعكست في نفسي حب جارف لبلدي و كره شديد لها في نفس الوقت
الحب كان ناتج عن أغلب اللي ذكرته في تقريرك من مناطق حلوة و مناظر طبيعية جميلة
أما الكره كان ناتج عن اهمال الدولة لسيناء بشكل عام
حاجة زي صخرة موشي ديان دي غايظني قوي
ده غير إن في طريقنا لرفح و رجعونا منه
مررنا بمكان كان فيه معسكر للإسرائيلين
طبعاً لما جم ماشيين هدموا المعسكر كله ..ماعدا المعبد بتاعهم (ديه حاجة مش جديدة عليهم..مش مشكلة)
اللي غايظني إن منظر المعسكر كأنه مهدود امبارح مش من 30 سنة
الحكومة مش هاين عليها تشيل الحجارة اللي موجودة من آثار الهدم

و اتفق معاك إن سيناء جنة فعلاً
أنا نفسي أزور جبل الطور و عيون موسي و محمية رأس محمد

**misoalex** · 14-08-2010, 07:31 AM

تقرير هااااااااااايل بجد

هو الفندق ده فين بالظبط والاقامه فيه بكام بعد ازنك

**hamdy** · 14-08-2010, 03:03 PM

معلومات جميلة و كان ليا لسة احد زملائي بالعمل كان لسة رايح وقيلي علي الصخرة دي

**age** · 14-08-2010, 03:27 PM

و كنت كل يوم الصبح أفرش على الشط و أراقب اسراب السلطعون ده ايه ده سمك ولا طائر

Comment

إعـــــــلان

.

تقرير عن رحلتى لشمال سيناء ...

تقرير عن رحلتى لشمال سيناء ...

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment