إعـــــــلان

Collapse

.

,
See more
See less

رحلتي لابو ظبي (مقارنه بمصر)

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    رحلتي لابو ظبي (مقارنه بمصر)

    الحمد لله سنحت لي الفرصه ان ازور ابو ظبي لمده شهر كامل و ده خلال شهر رمضان و العيد المهم

    قبل ما اسافر و انا بسمع حتكره مصر حتطلب تعيش هنا ها ها ........................
    العيشه في مصر زباله الناس في مصر همج هنا مش عارف ايه و بتاع ايه ............

    المهم الحمد لله نزلت مطار دبي لان التاشيره بتاعتي كانت دبي مش ابو ظبي و اكتشفت ان مقدرش اخد طياره لابو ظبي لازم دبي هما مش كلهم دوله واحده يعني انا لما اسافر مصر اعمل تاشيره قاهره اسكندريه اقصر اسوان مرسى مطروح شرم ؟؟؟؟؟؟؟؟؟؟؟؟؟؟؟؟

    المهم طبعا نزلت من المطار استخدام صحيح و كامل للتكنولوجيا لدرجه ان الحمامات تدار بالكامل الكتروني بغض النظر عن التفاصيل
    الاجرائات بسيطه جدا يادوب اخدوا بصمه عيني و سمحوا بالخروج حوالي 15 دقيقه علشان اخرج مش صعوبه في الاجرائات بس علشان المطار كبير

    لسه بطلع من المطار و العربيه مستنياني الاقي نفسي بكح جامد و بتخنق دخلت العربيه بسرعه حراره عاليه جدا و رطوبه لا تطاق تحس انك بتستنشق ميه مش بخار ميه
    الانسان في الامارات لازم يبقى في مكان مغلق مكيف
    مفيش حاجه اسمها هواء طلق

    المهم شوارع نظيفه منظمه العربيات ماشيه في الحاره بتاعتها فيه نظام البلد مش زاحمه او يمكن علشان كان الصبح بدري اشارات و وضع جميييييييييييييييل جدا احترام كامل و بالنسبه لدخولنا ابو ظبي مفيش كارتات زي عندنا بيبقى فيه باركود ملزوق فوق المرايه لكل عربيه و كاميرا بتبقى موجوده بتلقط البار كود و بتخصم من رصيده اللي انتا بتشحنه كانك بتشحن كارت تلفون بالظبط

    الردارات عملوا نظام جديد بيطبق انهم يركبو مثلا رادار يلقط البار كود بتاع عربيتك وواحد تاني بعد تلاتين كيلو مثلا يلقطك و يحسب السرعه المتوسطه لو لقاها اكتر من المسموح بيه مخالفه علشان الناس متهديش عند الرادار و تجري تاني و مخالفه السرعه بتبدي من 700 درهم

    خطوط مسارات للمشاه محدده باشارات و مينفعش سائر يعدي الشارع (بس كان بيحصل كتير من الهنود و شرق اسيا) لان اللي بيتمسك غرامه 200 درهم

    ممكن تشوف جميع انواع السيارات اللي تتخيل و متتخيلهاش الحمد لله عشت و شوفت المايباخ و كان فيه واحده تانيه في مطار دبي كانت مفتوحه شفتها يا نهااااااااااااااار قصر مش عربيه

    كان بيحصل في الشوارع بعض التجاوزات برضه من عرب و هنود دا غير كسر السرعه من المواطنين اللي مبتفرقش معاهم قيمه المخالفات

    اتوبيسات نقل العام في المجمل جميله جدا بس لو فيه زحمه محدش بيشيل التاني زي مصر و مقدارها درهم واحد لاي مسافه انت عاوزها او تجيب كارت ب60 درهم في الشهر يا بلاش

    التاكسيات في ابو ظبي يعتبر زي عربيه خاصه مستاجره يوديك اللي انتا عاوزه و يستناك و مينفعش يقولك لأ عربيه نضيفه غاليه المعظم عربيات التيما و كامري و كابريس و بعض انواع قليله جدا نيسان صني و تيدا بس الاجره غاليه ممكن مشوار يكلفك 20 درهم حوالي 9 كيلو لانه بيحسب حسب زمن الاستخدام و عدد الكيلو مترات بس بالنسبه لمستوى المعيشه رخيص جدا


    بس ده بالنسبه لنظام المرور في ابو ظبي و حكمل الموضوع ان شاء الله
    [CENTER][SIGPIC][/SIGPIC][/CENTER]

    [CENTER][SIZE=5]اكبر تعديل لسكودا فيفوريت :vctry:[/SIZE][/CENTER]
    [CENTER][URL]http://www.nilemotors.net/Nile/101990-a.html[/URL][/CENTER]
    الكلمات الدلالية (Tags): بمصر, رحلتي, ظبي, عبد, لابو, مقارنه
  • #2
    على فكرة انا معروض عليا شغل فى دبى بس معرفش هل كويس ولا لا هو حوال 1800 درهم والسكن عليهم

    هل ده مناسب ولا ايه ؟؟؟؟؟؟؟؟؟؟؟؟؟؟؟؟
    [CENTER][SIZE=7][COLOR=Blue][B]والله بحبك يامصر
    [/B][/COLOR][/SIZE][SIZE=6][B] [SIZE=7]عارفه سواد العسل اهو ده اللى حالك ليه وصل قوليلى ازاى مكمله[/SIZE][/B][/SIZE]
    [/CENTER]

    Comment

    • #3
      البلد تحفة باستثناء موضوع الرطوبة حمدا على سلامة الوصول
      .....................
      1800 درهم يدوب تاكل وتشرب بيهم

      Comment

      • #4
        لأ طبعا مش حلو خالص دا يادوب اوي على العموم لسه حكمل عن المعيشه هناك ازاي

        الله يسلمك بس للاسف في حاجات تانيه معجبتنيش في البلد غير الرطوبه
        [CENTER][SIGPIC][/SIGPIC][/CENTER]

        [CENTER][SIZE=5]اكبر تعديل لسكودا فيفوريت :vctry:[/SIZE][/CENTER]
        [CENTER][URL]http://www.nilemotors.net/Nile/101990-a.html[/URL][/CENTER]

        Comment

        • #5
          حمدالله على سلامتك ويارب تكون قدرت تاخد على هنا تانى

          Comment

          • #6
            المشاركة الأصلية كتبت بواسطة crazylambada مشاهدة المشاركة
            خطوط مسارات للمشاه محدده باشارات و مينفعش سائر يعدي الشارع (بس كان بيحصل كتير من الهنود و شرق اسيا) لان اللي بيتمسك غرامه 200 درهم


            و مصريين اى واحد يعدى يقولك ده يا مصرى يا هندى
            [marq="3;right;3;scroll"]فياتاوى و اعتز ... زملكاوى و افتخر والى مش عاجبه ينتحر[/marq]

            Comment

            • #7
              حمدا لله على سلامتك وفى انتظار باقى الموضوع
              [CENTER][B]لا اله الا انت سبحانك انى كنت من الظالمين
              [/B]
              [B]سبحان الله وبحمده سبحان الله العظيم[/B]
              [/CENTER]

              Comment

              • #8
                حمد لله على السلامه
                ومستنين نعرف ايه اللى موش عاجبك تانى
                [CENTER] اللهم صل على محمد وعلى آله وصحبه أجمعين
                [/CENTER]

                Comment

                • #9
                  المهم طبعا نزلت من المطار استخدام صحيح و كامل للتكنولوجيا لدرجه ان الحمامات تدار بالكامل الكتروني بغض النظر عن التفاصيل
                  انت قصدك على التفاصيل الى فى المطار.. مطار دبى... السيفون بيتشد لوحده... والحنفيات من غير حنفية تحت ايدك تحت الحنفية وتشتغل هيا لوحدها...

                  بص انا دبى ديه عشت فيها كتير جدا .. البلد نضيفة جدا وحلوة جدا بس اوحش حاجة انها هادية فحت ومملة بعض الاوقات ملكش فيها صحاب كتير.. مينفعش تقف تحت البيت مع صحابك زى هنا فى مصر عشان لو وقفت حتتشوى... ابوظبى اوحش من دبى بكتير
                  ابوظبى دمها تقيل جدا جدا جدا من اول العمارات الطويلة جدا جدا جدا لدرجة ان الاسانسيرات فيها بيبقا مكتوب على الزراير 40 و اكيد فى اكتر من كدة..
                  انت جبت سيرة التجاوزات هناك فى دبى... الدعارة هناك منتشرة بشكل جامد جدا جدا جدا وكلهم من شرق اسيا

                  طبعا ارخم حاجة هناك فى دبى معرفش ازا كانت عندك فى ابوظبى ولا لا بس اكيد عندك.. الركن الى بفلوس .. ولازم تحط درهم كل ساعة ديه بجد رخمة جدا.. غير كدة ابوظبى مفيهاش مولات حلوة زى دبى
                  دبى كلها مولات ... انا اكتر مول مقرب ليا وبحبه جدا جدا جدا مول سيتى سنتر بتاع دبى .. انا مولد تقريبا فيه... وانا صغير كنت بعرف انطق اسم المول وبغلط فى اسم بابا... كل المولات الجديد بقا حلوة جدا بس سعات من كترها تنسا انت فى انهى مول ..
                  وفى حجات جديدة اتفتحت لسة مشفتهاش .. عشان بقالى سنتين مرحتش.. زى المترو ومولات كتير زى المول الى فيه حوض سمك وفيه سمكة قرش.. حجات كتير.. بس التاكسى هناك غالى اغلى من مصر... بس بصراحة يستحق يبقا غالى لانه مكيف وعربية واسعة ومريحة جدا كفاية انها كامرى
                  شفت عربيات الشرطة؟ جيب و مرسيدس, بى ام و لاند كروزر وحجات كتير ..
                  بس بصراحة مصر احلى ... لو خيرونى اعيش هنا ولا هناك حختار مصر طبعا... حتى لو معايا الجنسية الاماراتية...
                  [CENTER]ستيكر نايل موتورز منور[/CENTER]
                  [CENTER][shfaf2]http://i645.photobucket.com/albums/uu180/Mora93_2009/DSC05710_zpsa00a51c1.jpg[/shfaf2][/CENTER]

                  Comment

                  • #10
                    الله يسلمكم كلكم

                    كابوس الليل حمد الله على السلامه كلامك كله صح و مقدرش اقول حاجه عنه

                    نرجع تاني لاسلوب المعيشه و الاسعار

                    الاسعار في ابو ظبي لاحظت غلو الخضراوات بصوره عامه 6 درهم و انتا طالع فكره تقسيم الفاكهه اللي كنت دايما بسمع عنها و كان نفسي تظبق في مصر يعني انتا نفسك تشتري بطيخ و عايش لوحدك تشتري واحده بحالها ليه و تدبس فيها ممكن تشتري ربع بطيخه حتبقى غاليه بس حتبقى ضامن تاكلها كلها و انها تبقى حمرا مش مضروبه و ان مفيش حاجه تترمى و هكذا حتى لو عاوز تشتري موزه واحده مش زي مصر

                    بالنسبه للاكل و الشرب جميع انواع المنتجات متوفره من جميع انحاء العالم الخضار المصري مفضل اكلت اللحم البرازيلي و الاسترالي معجبونيش مش عارف ليه و لقيت المصري جبته بس و انا باكله قولت هو مصر مش فيها ازمه لحمه و بصيت للطبق انتي جيتي ازاي هنا ما علينا

                    المهم اللحمه رخيصه بالنسبه لمصر و بتتباع قطع حسب مكانها في البقره مثلا و مفيش الهبل القرف اللي ساعات بيتقطع مع اللحمه العاديه عندنا هنا

                    احسن ماركت في ابو ظبي كان الجمعيه في الاكل و الشرب و كارفور في الالكترونيات و اللعب الساعات
                    محلات الاكل و الشرب منتشره جدا و اشهر محلات زهره لبنان و جاد المصري و سويت بالاس دا مصري برضه
                    بالنسبه للفاست فود مبدائيا مفيش حاجه اسمها خدمه توصيل ياخد عليها فلوس جربت هناك ماكدونالدز زي مصر عدا ماك فلوري بتاع مصر احلى و كنتاكي مصر لو مكروتوش في الشغل حيبقى احلى طبعا الوجبه 4 قطع ب20 درهم يعني 30 جنيه بس احسن مطعم اكلت عنده و كنت ادمنت عليه اسمه popeyes و معرفش هل ليه فرع في مصر ولا لأ بس عمتا لو حتعيش لوحدك في ابو ظبي متدلع ممكن تسرف في الشهر اكل و شرب 1500 درهم تقريبا
                    [CENTER][SIGPIC][/SIGPIC][/CENTER]

                    [CENTER][SIZE=5]اكبر تعديل لسكودا فيفوريت :vctry:[/SIZE][/CENTER]
                    [CENTER][URL]http://www.nilemotors.net/Nile/101990-a.html[/URL][/CENTER]

                    Comment

                    • #11
                      المشاركة الأصلية كتبت بواسطة crazylambada مشاهدة المشاركة
                      الله يسلمكم كلكم

                      كابوس الليل حمد الله على السلامه كلامك كله صح و مقدرش اقول حاجه عنه

                      نرجع تاني لاسلوب المعيشه و الاسعار

                      الاسعار في ابو ظبي لاحظت غلو الخضراوات بصوره عامه 6 درهم و انتا طالع فكره تقسيم الفاكهه اللي كنت دايما بسمع عنها و كان نفسي تظبق في مصر يعني انتا نفسك تشتري بطيخ و عايش لوحدك تشتري واحده بحالها ليه و تدبس فيها ممكن تشتري ربع بطيخه حتبقى غاليه بس حتبقى ضامن تاكلها كلها و انها تبقى حمرا مش مضروبه و ان مفيش حاجه تترمى و هكذا حتى لو عاوز تشتري موزه واحده مش زي مصر

                      بالنسبه للاكل و الشرب جميع انواع المنتجات متوفره من جميع انحاء العالم الخضار المصري مفضل اكلت اللحم البرازيلي و الاسترالي معجبونيش مش عارف ليه و لقيت المصري جبته بس و انا باكله قولت هو مصر مش فيها ازمه لحمه و بصيت للطبق انتي جيتي ازاي هنا:u_thin1[1]: ما علينا

                      المهم اللحمه رخيصه بالنسبه لمصر و بتتباع قطع حسب مكانها في البقره مثلا و مفيش الهبل القرف اللي ساعات بيتقطع مع اللحمه العاديه عندنا هنا

                      احسن ماركت في ابو ظبي كان الجمعيه في الاكل و الشرب و كارفور في الالكترونيات و اللعب الساعات
                      محلات الاكل و الشرب منتشره جدا و اشهر محلات زهره لبنان و جاد المصري و سويت بالاس دا مصري برضه
                      بالنسبه للفاست فود مبدائيا مفيش حاجه اسمها خدمه توصيل ياخد عليها فلوس جربت هناك ماكدونالدز زي مصر عدا ماك فلوري بتاع مصر احلى و كنتاكي مصر لو مكروتوش في الشغل حيبقى احلى طبعا الوجبه 4 قطع ب20 درهم يعني 30 جنيه بس:b4_556: احسن مطعم اكلت عنده و كنت ادمنت عليه اسمه popeyes و معرفش هل ليه فرع في مصر ولا لأ بس عمتا لو حتعيش لوحدك في ابو ظبي متدلع ممكن تسرف في الشهر اكل و شرب 1500 درهم تقريبا
                      زمان كانوا فاتحين وجبة حتى الاشباع فى kfc ب 22 درهم بس الوجبة ديه دمار بجد رخيصة وجميلة جدا جدا وتاكل لحد ما تحس انك بطنك بقت عاملة زى البلونة... بس اعترض شوية فى حتت ان محلات الفاست فود هناك وحشة...
                      الاكل هناك كله تحفة .. انا لما بروح هناك بتخن.. بص حقولك على كام مطعم حيعجبوك اوى وسيبك من الاكل المصرى الى هناك لانه مش قد كدة ... بس كل المطاعم ديه فى دبى .. وعلى فكرة فعلا مطعم جاد الى فى ابوظبى اكله حلو جدا بس ملهوش فرع فى دبى.. بص لما تروح دبى ؟؟؟ روح سوق نايف بس واسئل على مطعم اسمه الافغانى... اكله تحفة بطريقة بشعة.. ومش غالى اوى ..طبعا لو ليك فى الاكل المشطشط يبقا خش على الاكل الهندى.. اكل من كتر حلوته حتنسى كتر الحميان الى فيه...
                      واحسن فرن فى الامارات كلها فى الشارقة .. اسمه مخبز المختار... بيعمل كل انواع العيش.. المصرى هوا اصلا مخبز لبنانى.. بيعمل مناقيش ملهاش حل ..
                      وكل مطاعم الفاست فود خصوصا برجر كينج اكله تحفة هناك
                      اه كمان بوبويز ده ليه فرع فى مصر بس معرفش بقا اصلى ولا لا فى مصر الجديدة تقريبا وغير كدة الايس كريم بتاع مكدونلز الى هنا فى مصر ب 3 جنيه ونص هناك بدرهم واحد ... وكل الكانزات هناك بدرهم واحد ... الحياة هناك حلوة بس برضوا مصر احلى
                      [CENTER]ستيكر نايل موتورز منور[/CENTER]
                      [CENTER][shfaf2]http://i645.photobucket.com/albums/uu180/Mora93_2009/DSC05710_zpsa00a51c1.jpg[/shfaf2][/CENTER]

                      Comment

                      • #12
                        تمام يا كابوس باين عليك لفتها كعب داير زي ما بيقولوا
                        يمكن كان حظي وحش في المرات اللي اكلت فيها هناك
                        popeyes بحب فيه البطاطس المحمره و المهروسه بالصوص بتاعها :D ريقي جري و الله
                        بس للاسف معرفش ممكن اسافر تاني و لا لأ لأن فيه حاجات كتيره شوفتها قلقتني لسه حتكلم عنها
                        [CENTER][SIGPIC][/SIGPIC][/CENTER]

                        [CENTER][SIZE=5]اكبر تعديل لسكودا فيفوريت :vctry:[/SIZE][/CENTER]
                        [CENTER][URL]http://www.nilemotors.net/Nile/101990-a.html[/URL][/CENTER]

                        Comment

                        • #13
                          الفسح
                          قعدت اول اسبوعين في حاله خمول و زهق و قرف مش مرتاح مع جو ابو ظبي لدرجه ان بقيت انزل اتمشى لوحدي في الشوارع رغم ان الجو زباله بلانهار مفيش رطوبه بس فيه شمس بتحرق شمس مصر بتسخن الواحد لكن شمس ابو ظبي بتحرق بمعنى الكلمه
                          اكتر معاناتي كانت مع الهنود في تعاملاتهم العربي و الانجلش بتاعهم ضايع ليهم لكنه غريبه لدرجه اكتشفت لما لقيت سواق هندي بيكلمني عربي و انا مش عارف و فيه واحد من افغانستان بيقولي هو انتا منين قولتله من مصر قالي ما المصريين بيتكلموا عربي فضحكت و قولتله عندي مشكله في السمع مرضتش اقوله انتا العربي بتاعك ضايع و الانجلش كمان

                          بعد فتره بتبدي تتعود على اللكنه بتاعتهم و تفهمهم عدا الارقام لحد دلوقتي معرفش اسمعها منهم لحد دلوقتي لدرجه بخليهم يقولوهالي براحه سواء عربي او انجلش

                          للاسف معرفتش ازور اماكن كتير لكسل مني بالاضافه لظروف خارجه المهم كان فيه نادي كاراكال ده قريب من مسجد الشيخ زايد و ده بيعلموا و بيمرنوا فيه المواطنين و الاجانب ضرب النار

                          مسجد الشيخ زايد استغفر الله العظيم متحسش انه مسجد من كتر الترفيه الماظ و دهب و رسومات على الرخام بالليزر و السجاد مش عارف منين فلوس هبل
                          دا غير اطول ساريه علم في العالم
                          مول ابن بطوطه عبقريه كنت مستغرب من اسمه لحد ما عرفت لما دخلته معمول على هيئه اجنحه مصر لوحدها ليها جناحين الجناح الفرعوني و الجناح مصر القديمه و ده في دبي

                          كان فيه مولات تانيه بس صغيره في ابو ظبي الى حد ما عدا مارينا

                          مشيت على كورنيش ابو ظبي في عز الرطوبه بس علشان استكشف البلد اخدته مشي من اوله لاخره في حوالي ساعه وربع كورنيش راس البر و اسكندريه برقبته

                          لاحظت ان ابو ظبي بيردموا البحر كل شويه علشان يوسعوا مساحاتها
                          دخلت فيلم 3D في مارينا مول كان تمن التذكره 50 درهم يعني 75 جنيه عادي رخيص بالنسبه للرواتب و اسلوب المعيشه

                          كان فيه قدامي مرسيدس شبح S500 موديل 93 ب 7 الاف درهم يعني حوالي 10500 جنيه لا تعليق
                          ميزه ابو ظبي الفقير و الغني حيعرفوا يعيشوا بس تظل صغيره جدا ابو ظبي لدرجه ان سالت عن عدد السينمات فيها 20 سينما لمدينه تعتبر العاصمه طب هي كام مليون قالي 3 مليون مش الاهل لأ السكان يعني المواطنين بالاجانب

                          المهم اخر جزء اتكلم عنه التعامل بين الجنسيات و بعضها و الناحيه النفسيه بعد ما شرحت الناحيه الماديه في المعيشه في ابو ظبي
                          [CENTER][SIGPIC][/SIGPIC][/CENTER]

                          [CENTER][SIZE=5]اكبر تعديل لسكودا فيفوريت :vctry:[/SIZE][/CENTER]
                          [CENTER][URL]http://www.nilemotors.net/Nile/101990-a.html[/URL][/CENTER]

                          Comment

                          • #14
                            أبو ظبى الأيجارات فيها أغلى بكتير من دبى و باقى الإمارات

                            رحت دبى مول و مول الإمارات ؟

                            مول الإمارات عادى بس دبى مول تحفة......فيه الأكواريام ( حوض سمك كبييييييييييييييييييييييييييييير أرتفاعه 3 أدوار و فيه اكتر من سمكة قرش ) و فيه نافورة دبى الراقصة و فيه جنبه لزق برج دبى أو برج خليفة حسب المسمى الجديد.
                            [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                            [/CENTER]

                            Comment

                            • #15
                              رغم التلوث و الفساد و الانحرافات و انعدام الأمن و انهيار النظامو ارتفاع الاسعار المبالغ جدا


                              مصر أحسن بلد نعيش فيها
                              [mshosh2]http://www.4shared.com/photo/lCkSz74F/morsee.html[/mshosh2]

                              Comment

                              السابق 1 2 3 template التالي
                              Working...
                              X