و عليكم السلام و كل سنه و حضرتك طيب
لو حضرتك رايح من المعادي يبقي تطلع علي شارع اللاسلكي و منه لشارع النصر فالاتوستراد ثم الطريق الدائري و منه لطريق القاهره السويس و هتمشي فيه حوالي 85 كيلو فيه و بعدين هتلاقي u turn تلف منه و ده هيدخلك نفق الشهيد احمد حمدي بعد كده هتطلع منه تدخل يمين في طريق رأس سدر و هتكمل فيه هتلاقي طريق الطور رأس سدر و برضه تكمل فيه و هتدخل شمال علي طريق الطور سانت كاترين ثم طريق شرم الشيخ الطور و بعد كده تلاقي مدخل شرم الشيخ . طبعا ده وصف باختصار بس الطريق حضرتك هتلاقي عليه يفط كتير علشان ما يتوهش و هو ان شاء الله بسيط و ان كان طبعا طويل .

بالنسبه لطول المسافه هي مبدأيا هتبقي معديه ال ٥٠٠ كم يعني ممكن نقول كمتوسط ٥٥٠ كم مثلا و زمن الرحله اكيد يتوقف علي سرعه قياده حضرتك و هتقف ترتاح قد ايه بس خلينا نقول برضه في المتوسط من ٦ ال ٧ ساعات .

بالنسبه لتوقيت السفر يستحسن لو ينفع حضرتك تطلع بدري شويه عن كده يعني علي ٦.٣٠ مثلا او حتي ٦ صباحا و ده علشان تقلل المشي في الحر علي قد ما تقدر و حتي لو وصلت بدري شويه مش مشكله بس علي الاقل تقعد في الفندق في الظل.

بالنسبه للنصائح طبعا تراجع علي ضغط الهواء في الاطارات و مستوي السوائل في السياره اللي هي الزيت و المياه و لو في اي صيانه او تغيير زيت تغيره قبل ما تسافر و ان حضرتك تفول العربيه من بنزينه كويسه و قريبه لطريق السويس زي مثلا إمارات مصر اللي قبل كارفور او شل اللي علي الدائري و فوّل العربيه لحد الزور لان الطريق طويل و بعد كده البنزينات هتبقي قليله و كمان مش مضمونه جوده البنزين بتاعها لان كتير منهم بيعتمدوا علي انك هتمون مضطر و ممكن تبقي تقف تريح في بنزينه مش مشكله و تفول تاني مثلا لما التانك يوصل للنصف علشان تبقي في الامان و حاول ما تفضلش مشغل التكييف علي طول علشان الحمل علي الموتور و كمان استهلاك البنزين و علشان كده قلت لحضرتك تسافر بدري .
طبعا لازم تبقي متابع الأخبار علشان تتأكد ان النفق مفتوح مش قافلينه و تراجع علي الاستبن و تخللي معاك شنطه عده صغيره و كشاف طوارئ و يبقي معاك منفاخ للعجل اللي بيتوصل علي البطاريه ده و طبعا يبقي عينك علي الطريق و علي العربيات اللي حواليك و يستحسن لو لقيت عائله مسافره هناك برضه تمشوا ورا بعض كنوع من الامان و الموبيل يبقي مشحون و فيه رصيد و لما توصل هناك تحط تكمل تفويل العربيه لان البنزين هناك احيانا بيبقي قليل و عليه زحمه فباستمرار حاول انك تبقي مغطي النقطه دي و توصل بالسلامه ان شاء الله و رحله سعيده

شكرا جدا لاهتمامك يا أستاذ land_cruiser

حضرتك كده سهلتلي الموضوع الحمدلله و ان شاء الله هاطلع بدري على الساعة 6 مثلا
و ان شاء الله هعمل تشيك كويس على كل حاجة في العربية قبل ما أسافر و هأغير زيت

استفسار تاني صغير معلش

لو أنا طالع الدائري من ناحية اوتوستراد المعادي منزل طريق السويس هيبقى بعد منزل السخنة بكام منزل

على حسب ما أنا فاكر منزل السخنة-القطامية و بعديه منزل القاهرة الجديده و بعديه منزل التجمع الخامس
فاضل كده كام منزل على طريق السويس؟؟

العفو يا فندم و حضرتك ماشي علي الدائري هتعدي النفق الاول اللي هو بتاع التجمع الخامس و تفضل مكمل علي طول علي الدائري و تعدي كمان النفق التاني اللي عند اكاديميه الشرطه و برضه تكمل طوالي لحد ما تلاقي بنزينه موبيل و ماريوت ميراج هتنزل من اول فتحه من جنبهم هتنزل حضرتك منها علي طريق القاهره السويس في اتجاه السويس فبعد البنزينه و ماريوت ميراج خليك علي اليمين و هتلاقي يافطه مكتوب عليها طريق السويس

ومن طريق السويس تاخد اول ملف بعد كمين السويس وتاخد طريق الرائد وده طوله 15 كيلوا تقريبا لغايه النفق وع اول النفق ف بنتزين وطنيه واحده بس الشغله والتانيه صيانه وتوصل بسلامه

كل سنه وانتم طيبين .. وعيد سعيد .

و حضرتك طيب و بخير و صحه ان شاء الله

تروح و تيجى بالسلامه

السادة الكرام

Land_Cruiser

Ahmed A.Maksoud

abb


شكرا جدا ليكم يا شباب على ردودكم الجميلة

بجد أفادتوني كتير و أنا شاكر جدا لاهتمامكم


akmm

كل سنة و أنت طيب و عيد سعيد عليك يا رب


DR/P.K.Sh

ربنا يخليك و تسلم على اهتمامك

و كل سنة و كلكم طيبين و بخير سعادة
و يا رب السنة الجاية حال مصر يبقى أحسن من كده كتيييييييييير

اللهم امين يبقى حال مصر فى احسن من كدة

السلام عليكم تروح وتيجي بألف سلامه يارب ياريت بس لما ترجع إن شاء الله تقولنا عملت ايه لحسن أنا ناوي كمان بعون الله

ياريت تقولنا تقريير عن الطريق واخباره والاستراحات وطبعا شرم والاماكن والاسعار يعني تقرير مفصل ويارب تكون قضيت اجازه سعيده

السلام عليكم يا أجمل منتدى

الصراحه أفدني جدا جدا شرح الناس المحترمه اللي هنا جدااااااااااااااا في إني أققضي شهر عسل جميل جداا

البدايه كانت إختيار الفندق وطبعا فحت وردمت مواقع الحجز لحد ما لاقيت فندق جميللللللللل جدداااااااا كان عامل عرض كويس على الحجز شامل كليا لغرفه عالبحر وبصراحه بتوفيق من ربي كان رووووووووووووووووووعه والشط خرااااااقه والأكل والخدمه كله كله 10 على 10
وهو Iberotel Club Fanara And Residence وده فوق الهضبه رووووووووووووووووووووووعه

طبعا بعد ما زجحت تذكرتين ليا ولمراتي ( أنا مش عارف ليه الواحد ميسفرش لوحده هههههههههههههههههههههههه ) قلقت بقى من موضوع الطريق طبعا قلقي مكنش أبدا من عربيتي الحمد لله كان معايا الوحش بمعنى الكلمه 307 بيجو حبيبتي قبل ما أبعها لظروف قهريه والله المهم ربنا يعوضني خير ويبارك لصاحبها ... المهم كان قلقي على الطريق جداااااااااااا مكدبش عليكو طلعت الساعه 1 على أمل أعدي البوابات قبل الحظر بس للأسف وقفونا قبل البوابات والله كانت مدعكه لحد الساعه 5 الفجر وفتحوا الطريق وكنت قلقان جدا مراتي نايمه جمبي وأنا صاحي ومقلق المهم ربك فرجها عليا بحد حبيبي كان مسافر القاهره اليوم ده الحمد لله وبنعمه عليا وصلت قبله القاهره وريحت في أون ذا رن اللي عند القريه الذكيه ومونت هناك فل وهو جه وفضل معايا لحد مطلعني على طريق السويس

هنا بقى مسكت الطريق لحد أول يو ترن لقيت بنزينه كويسه جدا برده نزلت ريحت أنا ومراتي شويه وغسلت وشي وإتكلت على رب العباد وخدت اليو ترن في إتجاهي للنفق الشهيد أحمد حمدي وبالفعل كان فيه 2 كمين قبله وعدتهم بسرعه لما كانوا بيشوفوني ومراتي مغمى عليها جمبي ههههههههههه نوم العازب تقولش هههههههههههههه كانوا بيعدونا الصراحه وطبعا كلاب وفتح شنط وتفتيش داخلي ورخص العربيه ورخصتي كله كله

المهم عديت النفق وبدأت في طريق شرم الطريق ممتاز جدااااااااااااااا جداااااااااااااااا بس أنا كنت بالنهار سواء رايح أو راجع مش عارف بليل إيه ظروفه الصراحه بس ملفاته صعبه جداااااااااااااااااااااااااااااااااااااااااااااااا ااااااااا لازم تهدي قوي قوي وبالذات سواقين النقل اللي بيعدوا الحاره التانيه قي ملف أصلا تقريبا 90 درجه وكمان البهوات بتوع اتوبيسات السفر اللي طايرين عالطريق وفاكرينها حداقه بقى وهو سواق

في منطقتين لقيت العربيه مبتسحبش خاااالص وتقيله جدااااااااااااااااااااا بس إفتكرت مناطق الجذب اللي قالو عليها طبعا كنت هنام والله ونروح فيها بسبب مراتي اللي نيمه دي طول الطريق ومدياني إحساس بالنوم فظيع لا وكل شويه تقوم مضايقه وتسئلني لسه موصلناش ؟؟؟؟؟؟؟؟؟ تخيل يا مؤمن ههههههههههههههه

المهم في الطريق أنا مريحتش خالص غير في قبل شرم بحوالي 30 كيلو زودت بنزين في نتزينه وكانت غلطة عمري لإن تقريبا مكنش بنزين العربيه نتشت وسخنت جدااااااااااااا ووقت شويه لحد مبردت وبعدين كملت قبل شرم في كام ملف قمة الخطووووووره فبراحه وعلى مهلك الطريق جميل وسلس جدااااا بس طبعا أنا معايا علم من علامات الثبات كل واحد بقى وعربيته وهو أدرى بيها

وصلت بوابات شرم وطبعا كانت حوالي الساعه 4 العصر وأنا نفسي أنااااااااااااااااااام لإني صاحي من 1 بليل شرم بقى والبحر وجماله وحلاوته أووووووووووووووووووووبا طبعا أنا ملفتش كتير بس سألت فين الهضبه أم السيد دلوني طلعت الهضبه لقيت الفندق فوووووق آخر الهضبه عاليمين

المهم دخلت الفندق وسبت مراتي نص ساعه بس يا مؤمن عشان أشيك بس لقيت مراتي نااااااااااااااامت ههههههههههههههههههههههههه المهم وصلت الحمد لله
طبعا شارم روووووووووووووووووووعه بالعربيه جداااااااااااااااااا وبتسهلك كل حاجه وتسهر بليل براحتك وكمان الإسغلال بتاع سواقين التاكسي

هناك أنا كنت واخد 7 أيام طبعا الفندق روعه مينفعش أتكلم عليه سواء إمكانيات أو ناس محترمه إلى أقصى حد لكن الخروج بقى أنا نمرت على شركه كويسه جدا إسمها صن آند فن وكانت ممتازه رحت سفاري ورحت رحله بمركب شراعي روووووووووووووووووووووووووعه بالأكل والبوفيه تحففففففففففففففففففففففففففففففه ورحت الغواصه شوف كل ده أنا ومراتي اتكلفنا بعد طبعا ما تفاصل لازم حوالي 1250 تقريبا وبصراحه الرحلات كلها روووووووووعه كانت وكمان لو رحت سفاري أجر العربيه اللي بتتركب مش البيتش بجي تحفه للعروسين إنت ومراتك هتفرح جدااااااااااااااااااااااا بسواقتها وأئمن ليكم عشان لو عرسان إسأل مجرب

طبعا لو رحت شرم مينقعش متكلش كباب من عند المصريين ولا تفوت سمك وجمبري فارس أنا إسكندراني خد مني ومتراجعش ورايا في السمك والجمبري ههههههههههههههههه

أنا قضيت هناك بالفندق بالشرا بالخروج قهاوي ببنزين برحلات بخروجه رومنسيه بيخت عالبحر أنا والحبيبه كله كله 7500 جنيه 7 أيام طبعا أنا صرفت شرا وحاجات وكده إنت طبعا لو هتفضل بس في الفندق والرحلات وشوية خروجات عالقهاوي وكده ممكن بالفندق بس أنا كنت شهر 8 حوالي 6000 تقريبا أنا طبعا 7 ليالي أكيد هتفرق لو 4 بس طبعااااااااااااا كتير معاك

الخروج رحت المشايه رووووووووووووووعه ورحت الغرقانه وكمان متنساش تروح سوهو مكاااااااااااااااااااااااان روعه وأسعاره جميله جداااااااااااااااااااااااااااا

العوده كانت أحسن بكتير جدااااااااااااا لإني خدت عالطريق الحمد لله ومراتي صاحيه هههههههههههههههههههه ومونت في شرم وغسلت العربيه وشيكت عليها زيتوت وميه وكله وتوكلت على الله لإسكندريه نفس الطريق اللي جيت منه بس لما رجعت خدت كبري مش عارف إسمه الصراحه لحد ملقيت داخله يمين زي ما وصفولي بتقول الإسكندريه صحراوي نزلت النزله دي عالقريه الذكيه ومنها إلى روحي إسكندريه

وده كله اللي حص يااارب أكون أفدتكم وأي إستفسار أنا موجود