سبحان الله والحمد لله ولا إله إلا الله

51 مشاهده ومحدش رد هههههههههه طيب عالعموم كل سنه وإنتم طيبين وبخير ورمضان مبارك وعيد سعيد على كل المسلمين والأمه

أنا بعون الله هطلع ورا أي أتوبيس سياحي وخلاص ويبقى ونس وشكرااااااااااااااااااااااااااااااااااااااا

السلام عليكم ورحمت الله وبركاته اخى الكريم لوعايز تروح شرم من القاهرة لانى من سكان ميت عقبة ( ميدان لبنان المهندسين) هتاخد المحور وبعد كدة الدئرى اتجه مدينة السلام وبعد كدة هتنزل نفق موقف العاشر وتمشى يمين على طول لحد مايقابلك كوبرى موضح عليه يافطة باتجاه السويس هتلف وتاخد اتجاه السويس وتفضل ماشى لحد قبل السويس بحوالى عشرين كيلو تقريبن بعد البوابات الخاصة بمدينة السويس هتلف شمال (يوتيرن ) مع اول يمين اتجاه النفق (نفق الشهيد احمد حمدى ) تعدى النفق وبعدين اول تقاطع تسيبه والتقاطع التانى تاخد يمين اتجاه مدينة راس سدر المحببة الى قلبى تفضل ماشى مع الطريق لا تاخد يمين ولا شمال خليك مع الطريق هتعدى على مدينة راس سدر وبعدين ابو زنيمة وبعدين الطور لحد ماتوصل الى شرم باذن الله وخلى بالك قبل ابو زنيمة توجد منحنيات خطرة فخلى بالك وكمان عند مدخل شرم مسافة عشرين كيلو منحنيات خطرة فخلى بالك واثناء السفر خلى تانك العربية فول عشان بعد الطور البنزيمات قليلة على الطريق وفى الغالب بتبقى مفهاش بنزين ولو تعرف تجيب جركن احطياطى يبقى كويس ويفضل انك تسافر بالنهار عشان الطريق من عند اتجاه النفق من السويس ضلمة لحد شرم مفيش غير نور القرى والسيارات القادمة وكمان المنحنيات الخطرة وسواقين الصوبر جيت ولا قدر الله حصل اى عطل تقدر تعرف تعلجة فى نور ربنا واتمنا من الله ان يكون شرحى افادك ومتنساش ام ترجع بالسلامة تطمناء عليك وان شاء الله زواج مبارك ( بارك الله لكم وبارك عليكما وجمع بينكم فى خير ) ومتنساش دعاء السفر وكل عام والالمة الاسلامية بخير وعيد فطر سيد ان شاء الله

توصل بالسلامه الاخ محمد قال كل حاجه في تفاصيل الطريق
الطريق جميل وأمان غير الملفات الخطيرة بتاعة ابو زنيمه عايزة شوية تركيز بس سهله ان شاء الله
بس خليك اصبح اطلع من عندك 6 مثلا
لما توصل بوبات شرم في دائرى على شمالك بتاع 15 كيلو ينزلك ورا المطار لو انت الفندق بتاعك هناك بدل متنزل في نص شرم و تعدى على كل المطبات بيختصر الوقت كتير اوى
وتبقا حط طفاية الحريق تحت كرسيك علشان انا من كام سنه خدونى مخالفه وانا داخل شرم "لعدم وجود طفاية الحريق في متناول اليد" ضحك السنين ودفعت 50 جنيه بعد يومين لف على الرخصه
وزواج سعيد

أستاذ محمود الله يكرمك يارب ويخليك وشرف ليا ردك وربنا يبارك فيك يارب وعيد سعيد وتسلم إديك على الوصف التفصيلي جداااااااااا وإن شاء الله لما هرجع هعمل تقرير تمام بعون الله وحده

أستاذ solly تسلم إيدك وربنا يباركلك وتمام كلامك صح أنا الفندق بعون الله هيكون جنب المطار جداا فحاضر هاخد بالنصيحه وعيد سعيد يارب وشكراااااااااااااااااا

فين التقرير اللي وعدت بيه يا عريس

رحلتي إلى شرم

الصراحه أفدني جدا جدا شرح الناس المحترمه اللي هنا جدااااااااااااااا في إني أققضي شهر عسل جميل جداا

البدايه كانت إختيار الفندق وطبعا فحت وردمت مواقع الحجز لحد ما لاقيت فندق جميللللللللل جدداااااااا كان عامل عرض كويس على الحجز شامل كليا لغرفه عالبحر وبصراحه بتوفيق من ربي كان رووووووووووووووووووعه والشط خرااااااقه والأكل والخدمه كله كله 10 على 10
وهو Iberotel Club Fanara And Residence وده فوق الهضبه رووووووووووووووووووووووعه

طبعا بعد ما زجحت تذكرتين ليا ولمراتي ( أنا مش عارف ليه الواحد ميسفرش لوحده هههههههههههههههههههههههه ) قلقت بقى من موضوع الطريق طبعا قلقي مكنش أبدا من عربيتي الحمد لله كان معايا الوحش بمعنى الكلمه 307 بيجو حبيبتي قبل ما أبعها لظروف قهريه والله المهم ربنا يعوضني خير ويبارك لصاحبها ... المهم كان قلقي على الطريق جداااااااااااا مكدبش عليكو طلعت الساعه 1 على أمل أعدي البوابات قبل الحظر بس للأسف وقفونا قبل البوابات والله كانت مدعكه لحد الساعه 5 الفجر وفتحوا الطريق وكنت قلقان جدا مراتي نايمه جمبي وأنا صاحي ومقلق المهم ربك فرجها عليا بحد حبيبي كان مسافر القاهره اليوم ده الحمد لله وبنعمه عليا وصلت قبله القاهره وريحت في أون ذا رن اللي عند القريه الذكيه ومونت هناك فل وهو جه وفضل معايا لحد مطلعني على طريق السويس

هنا بقى مسكت الطريق لحد أول يو ترن لقيت بنزينه كويسه جدا برده نزلت ريحت أنا ومراتي شويه وغسلت وشي وإتكلت على رب العباد وخدت اليو ترن في إتجاهي للنفق الشهيد أحمد حمدي وبالفعل كان فيه 2 كمين قبله وعدتهم بسرعه لما كانوا بيشوفوني ومراتي مغمى عليها جمبي ههههههههههه نوم العازب تقولش هههههههههههههه كانوا بيعدونا الصراحه وطبعا كلاب وفتح شنط وتفتيش داخلي ورخص العربيه ورخصتي كله كله

المهم عديت النفق وبدأت في طريق شرم الطريق ممتاز جدااااااااااااااا جداااااااااااااااا بس أنا كنت بالنهار سواء رايح أو راجع مش عارف بليل إيه ظروفه الصراحه بس ملفاته صعبه جداااااااااااااااااااااااااااااااااااااااااااااااا ااااااااا لازم تهدي قوي قوي وبالذات سواقين النقل اللي بيعدوا الحاره التانيه قي ملف أصلا تقريبا 90 درجه وكمان البهوات بتوع اتوبيسات السفر اللي طايرين عالطريق وفاكرينها حداقه بقى وهو سواق

في منطقتين لقيت العربيه مبتسحبش خاااالص وتقيله جدااااااااااااااااااااا بس إفتكرت مناطق الجذب اللي قالو عليها طبعا كنت هنام والله ونروح فيها بسبب مراتي اللي نيمه دي طول الطريق ومدياني إحساس بالنوم فظيع لا وكل شويه تقوم مضايقه وتسئلني لسه موصلناش ؟؟؟؟؟؟؟؟؟ تخيل يا مؤمن ههههههههههههههه

المهم في الطريق أنا مريحتش خالص غير في قبل شرم بحوالي 30 كيلو زودت بنزين في نتزينه وكانت غلطة عمري لإن تقريبا مكنش بنزين العربيه نتشت وسخنت جدااااااااااااا ووقت شويه لحد مبردت وبعدين كملت قبل شرم في كام ملف قمة الخطووووووره فبراحه وعلى مهلك الطريق جميل وسلس جدااااا بس طبعا أنا معايا علم من علامات الثبات كل واحد بقى وعربيته وهو أدرى بيها

وصلت بوابات شرم وطبعا كانت حوالي الساعه 4 العصر وأنا نفسي أنااااااااااااااااااام لإني صاحي من 1 بليل شرم بقى والبحر وجماله وحلاوته أووووووووووووووووووووبا طبعا أنا ملفتش كتير بس سألت فين الهضبه أم السيد دلوني طلعت الهضبه لقيت الفندق فوووووق آخر الهضبه عاليمين

المهم دخلت الفندق وسبت مراتي نص ساعه بس يا مؤمن عشان أشيك بس لقيت مراتي نااااااااااااااامت ههههههههههههههههههههههههه المهم وصلت الحمد لله
طبعا شارم روووووووووووووووووووعه بالعربيه جداااااااااااااااااا وبتسهلك كل حاجه وتسهر بليل براحتك وكمان الإسغلال بتاع سواقين التاكسي

هناك أنا كنت واخد 7 أيام طبعا الفندق روعه مينفعش أتكلم عليه سواء إمكانيات أو ناس محترمه إلى أقصى حد لكن الخروج بقى أنا نمرت على شركه كويسه جدا إسمها صن آند فن وكانت ممتازه رحت سفاري ورحت رحله بمركب شراعي روووووووووووووووووووووووووعه بالأكل والبوفيه تحففففففففففففففففففففففففففففففه ورحت الغواصه شوف كل ده أنا ومراتي اتكلفنا بعد طبعا ما تفاصل لازم حوالي 1250 تقريبا وبصراحه الرحلات كلها روووووووووعه كانت وكمان لو رحت سفاري أجر العربيه اللي بتتركب مش البيتش بجي تحفه للعروسين إنت ومراتك هتفرح جدااااااااااااااااااااااا بسواقتها وأئمن ليكم عشان لو عرسان إسأل مجرب

طبعا لو رحت شرم مينقعش متكلش كباب من عند المصريين ولا تفوت سمك وجمبري فارس أنا إسكندراني خد مني ومتراجعش ورايا في السمك والجمبري ههههههههههههههههه

أنا قضيت هناك بالفندق بالشرا بالخروج قهاوي ببنزين برحلات بخروجه رومنسيه بيخت عالبحر أنا والحبيبه كله كله 7500 جنيه 7 أيام طبعا أنا صرفت شرا وحاجات وكده إنت طبعا لو هتفضل بس في الفندق والرحلات وشوية خروجات عالقهاوي وكده ممكن بالفندق بس أنا كنت شهر 8 حوالي 6000 تقريبا أنا طبعا 7 ليالي أكيد هتفرق لو 4 بس طبعااااااااااااا كتير معاك

الخروج رحت المشايه رووووووووووووووعه ورحت الغرقانه وكمان متنساش تروح سوهو مكاااااااااااااااااااااااان روعه وأسعاره جميله جداااااااااااااااااااااااااااا

العوده كانت أحسن بكتير جدااااااااااااا لإني خدت عالطريق الحمد لله ومراتي صاحيه هههههههههههههههههههه ومونت في شرم وغسلت العربيه وشيكت عليها زيتوت وميه وكله وتوكلت على الله لإسكندريه نفس الطريق اللي جيت منه بس لما رجعت خدت كبري مش عارف إسمه الصراحه لحد ملقيت داخله يمين زي ما وصفولي بتقول الإسكندريه صحراوي نزلت النزله دي عالقريه الذكيه ومنها إلى روحي إسكندريه

وده كله اللي حص يااارب أكون أفدتكم وأي إستفسار أنا موجود