إعـــــــلان

Collapse

.

,
See more
See less

احد حاول الزحمه فى القاهره

Collapse
X
 
  • Filter
  • الوقت
  • Show
Clear All
new posts

  • #16
    الزحمة جوه البلد سببها اساسا المرور و اللي بيعملوا رجال المرور!يعني في اشاره تلاقي اتجاه زحمه موت مفيش امل انها تفك و تلاقي الامين فاتح الاتجاه التاني بحري لحد ما فجأه تلاقي عربية اسود في اسود عدت و بعديها يبدأ يفتح الاتجاه التاني شويه شويه بس بعد خراب مالطه و حدوث اختلاق لا يتم علاجه الا بعد ساعات و لا حد بيهمه طالما الباشا عدى مرتاح و كلوا تمام و في داهية ال عشر تلاف سواق التانيين اللي اتزنقوا في عربياتهم.
    بعدين لو حصلت حادثة و لو بسيطه تلاقيهم مصرين يقفلوا الشارع بعربياتهم قاصدين علشان يخلوا الناس كلها تعاني معاهم في مشكلتهم! و يا اما تتحل بعد ساعة و انت قاعد مستني في عربيتك على ما تفرج يا اما يقرروا يطلبوا البوليس و ساعتها يبقى واقعتك سوده لأن البوليس في البلد دي بيوصل بعد 3 ساعات بالتمام و الكمال!
    الميكروباص موتوا و سموا انو يركن على جنب علشان ينزل حد او يركب حد, لازم يقف في وسط الطريق و ياخد راحتوا اوي. الا بقى لو ست من ستات مصر الحلوين اللي وزنها عدى الميه بمراحل يعني ممكن تستنى نص ساعه و هي بتركب او تنزل و دا بمساعدة الجماهير طبعا
    التاكسي حكايته كلها انوا ممكن يقف قدامك 100 مره لحد ميركب زبون و كل شوية يشاورلك معلش, طب معلش مره ماشي بس خمسين مره و برضه لسه بتشاور معلش؟! يا اما انت عبيط يا هو فاكرك عبيط. طب متوسع و عديني و اقف براحتك!!!!!!
    النا تلاقيها واقفه مستنية تعدي الشارع لحد اول ما تفتح الاشارة او الطريق يفتح و يدوب تدوس بنزين و العربية تبدأ تجمع و هووووب يفتكر انه عاوز يعدي قدام عربيتك بالذات و يا سلام لو تعديه جماعية يعني لازم الفرامل تصرخ و حتقف غصب عنك بتاع 10 دقايق تاني.
    دا في وسط البلد .. انما على الطرق المفروض انها سريعة و باقت ابطأ من وسط البلد دلوقتي

    اولا النقل التقيل, لسه امبارح انا ماشي على الدائري و يادوب معدي نزلة القطامية و ماشي على 90 الاقي قدامي 3 عربيات نقل تقيل كلهم محملين واحد في البطيء و التاني بيحاول يعدييه في تاني حاره ماشي ابطأ منه و التالت يعني فاكر نفسه ماشي على ميه داخل الحارة الاخيرة و قفل الشارع كله و همه كلهم ماشيين على 20 لأن العربيات محمله على الاخر و الطريق مطلع!!!!!!!
    الاتوبيسات بتاعت المدارس الخاصة بتوع الرحلات دول فاكر نفسه فيسبا خمسات على ستات على قطع طريق و فرمله يقفل اشد طريق من طريقة سواقته.
    انا قلت لو النقل محمل, لو فاضي و شفته جاي من وراك احسن حاجه تركن خالص و مش مشكله العطلة, بيبقى ماشي على 120 لحد 140 و بيدي غرز ولا الفيراري!!!! و المتابع للحوادث بيشوف اول بتسمع حادثة كارثية تشوف ان المتسبب نقل . فحافظ على حياتك احسن
    للحديث بقية.......
    :policeman: الحل السحري للتخلص من الازمة المرورية [URL]http://www.nilemotors.net/Nile/120871-a.html[/URL]

    Comment

    Working...
    X