إعـــــــلان

Collapse

.

,
See more
See less

حل مشكلة التكدس السكاني و الزحام المروري علي الطريقة الاسرائيلية

Collapse
X
 
  • Filter
  • الوقت
  • Show
Clear All
new posts

  • حل مشكلة التكدس السكاني و الزحام المروري علي الطريقة الاسرائيلية

    الأخوة و الاخوات اعضاء منتدي نايل موتورز الموقر ....

    أسعد الله أيامكم كلها بكل الخير ....


    كنت اتابع من فترة أخبار القضية الفلسطينية و ما صرح به اخيرا النتن ياهوووو عن نيته في اجراء أكبر عملية تهجير جبري للفلسطينين من الضفة الغربية و تبادر الي ذهني شريط الذكريات عما مر به هذا الشعب من ألام و مأسي علي مر مايقرب من قرن من الزمان و كيف جرت عمليات التهجير للسكان الاصليين و توطين ألاف اليهود المهاجرين في مستوطنات صغيرة مكونة من كرافانات يسهل تفكيكها و اعادة نقلها كبرت بعد ذلك و أصبحت مدنا يصعب أزالتها

    و هنا قفزت الفكرة الي ذهني ....
    و هي لماذا لانستفيد من التجربة الاسرائيلية (مع الفارق طبعا) في حل مشاكلنا المتعلقة بالتكدس السكاني و أزمة الاسكان المتسبب في جزء كبير من مشاكلنا المرورية

    الفكرة التي يجب أن تصبح مشروعا قوميا تتبناه أجهزة الدولة و علي رأسها القوات المسلحة :
    1- أزالة كل الاماكن العشوائية بالقاهرة مثل (عزبة الهجانة - و النخيل - و القرود - و غيرهم) من العشوائيات المكتظة بالعشش الغير ادمية و التي لاتصلح للسكن
    2- نقل السكان المزالة مساكنهم الي مستوطنات بسيطة مكونة من كرافانات مجهزة بكل وسائل الحياة الادمية
    3- تعتمد هذه المستوطنات علي نفسها في المرافق الاساسية ..
    - الصرف .. من خلال خزانات مخصصة
    - الكهرباء .. يتم توليدها من النفايات و الصرف الصحي
    - المياه .. متوفرة من خلال أنابيب المياه الممتدة عبر ترعة السلام و من أبار المياه الجوفية الموجودة
    4- يتم أقامة هذه المستوطنات في سيناء (نعم سيناء) و ذلك لتحقيق الاهداف التالية :
    (1).. اقامة تجمعات سكنية في سيناء تكون بمثابة درع و عائق امام أي خطر قادم من جهة الشرق
    (2).. أستصلاح الاراضي المحيطة بهذه المستوطنات لتحقيق الاكتفاء الذاتي لها و تصدير الفائض الي باقي مصر
    (3).. أستغلال موارد سيناء الطبيعية (رمال - مناجم الفحم بالمغارة - مناجم المنجنيز - و غيرها) بواسطة شباب هذه المستوطنات الصغيرة
    (4).. أقامة صناعات يدوية صغيرة داخل هذه المستوطنات لتحقيق الاكتفاء الذاتي و التصدير

    طبعا يمكن أقامة مثل هذه المستوطنات بأماكن أخري كالصحراء الغربية في الوادي الجديد و البحر الاحمر و النوبة و لكن التركيز يجب أن يكون منصبا علي سيناء شمالها و جنوبها

    - تخيلوا معي تفريغ القاهرة مثلا من سكان العشوائيات كيف سيصبح الحال
    - و كيف ان أسرة كانت تعيش في غرفة بلا وسائل للحياة الادمية أصبحت تعيش منزل علي هيئة كرافان منظم به كل وسائل العيش المناسب و الامن و تضمن لهم الخصوصية
    - تخيلوا كم من شباب العشوائيات العاطل أصلا سيجد عملا مناسبا (الزراعة - التجارة - صناعات صغيرة - خدمات)

    هذه مجرد خطوط عريضة راودتني و نحن نمر بالذكري الثامنة و العشرين علي تحرير سيناء و أرجو منكم المشاركة لتطوير هذه الفكرة فقد يجئ اليوم الذي تتحول فيه من مجرد فكرة الي واقع ملموس

    و كل عام و مصرنا الحبيبة و سيناء بخير

    مع خالص تحياتي
    م/ سمير الشهاوي
    [SIGPIC][/SIGPIC]

  • #2
    فكرة جميييييييلة
    ربما لا تكون بهذا التصور لكنها كفكرة جمييلة جدا
    لكن طالما ورائنا هذه الحكومة فإن الحال سيبقى هو الحال ما دامت الحياة
    الله المستعان

    Comment


    • #3
      طبعا يمكن أقامة مثل هذه المستوطنات بأماكن أخري كالصحراء الغربية في الوادي الجديد و البحر الاحمر و النوبة و لكن التركيز يجب أن يكون منصبا علي سيناء شمالها و جنوبها
      لا معلش خليهم يبعدوا عن النوبة , خليهم يسيبوها في حالها هي مش ناقصة خالص
      (أخوك مراسل المنتدى في النوبة)

      Comment


      • #4
        ياراجل انت ترضى تترمى الرمية دى في سينا وكمان في مستوطنات او كرافانات

        الحكاية عايزة مشروع كامل مدن كاملة بمرافقها بطرقها بمدارسها بمستشفياتها

        بلد قائمة بذاتها عشان نقدر نقول ان الناس دى تعيش بجد

        Comment


        • #5
          مش هيحصل، اللى مسكنها مش عوزين، اللى فى العشوائيات مش عوزين
          [CENTER]:brn:
          [/CENTER]

          Comment


          • #6
            طبعا يا باش مهندس فكر محترم و راقي جدا

            جدير بالتنفيذ وليس بالتفكير فيه

            بس

            الكلام ده عايز حكومة بتفكر

            بس كده


            لكن بما ان الموضوع للحلم فممكن نتكلم شوية

            ::

            Comment


            • #7

              طبعا بالنسبة للبنية التحتية للنقل و المواصلات فهي ممتازة في اغلب المناطق الحيوية في سيناء

              لكن يبقي استكمال خط القطار الي رفح المصرية - المشروع متوقف منذ سنوات - في بئر العبد !!!!!

              لكي يسهم في نقل المواطنيين و البضائع و المواد الخام

              بالنسبة للزراعة و هي اهم شئ في الوقت الحاضر

              ....* في سيناء

              البدء في زراعة الالاف الافدنة التي تحتاج فقط الي ايدي عاملة - بعض المناطق تحتاج لاستصلاح -

              في سيناء الشمالية الاراضي منبسطة و هي سهلية تصلح جدا للزراعة خاصة لزراعة القمح و هناك اكثر من تجربة لزراعته هناك - علي مستويات ضيقة- ناجحة جدا و تعطي انتاجية اعلي من انتاجيته في الاراضي الطينية

              التخلي عن الزراعة المطرية في مناطق سهل العريش الخصيب و التي تزرع في الغالب بالكنتالوب و الخوخ و قليل من الشعير و القمح و الاتجاه لزراعة القمح بشكل موسع و استخدام الري الدائم

              انشاء العديد من السدود لتخزين الامطار بدل من ضياعها في البحر مع التوسع في استخدام المياه الجوفية


              مناطق الجنوب خاصة القريبة من خليج السويس التوسع في زراعة اشجار الزيتون و انشاء معاصر لاستخراج الزيت علي اعلي مستوي و بيعه و تصديره للخارج


              في مناطق الوسط

              انشاء مناطق صناعية تعتمد استخراج الفحم و المعادن النفيسة - بما فيها اليورانيوم الموجود بكميات قليلة - و انشاء صناعات تقوم علي هذه المواد الاولية مع انشاء مناطق صناعية في منطقة خليج السويس للبتروكيماويات بشكل اكثر تقنية مما هو متاح حاليا في مصر


              في الجنوب

              تحويل منطقة نوبيع الي منطقة تصدير لتصدير المنتوجات الزراعية و الصناعية الي دول المشرق العربي عبر الاردن

              و انشاء شركات نقل كبيرة لنقل هذه البضائع الي دول المشرق و جلب بضائع الي مصر و باقي دول المغرب بدل استيلاء شركات النقل الاردنية و السورية علي هذا المجال


              المواصلات و البني التحتية حاليا متوافرة و يمكن بوضعها الحالي خدمة ما يقارب مليون نسمة اضافية ومع التوسع و تكبيرها يمكنها لاحقا خدمة 4 ملايين نسمة تستطيع سيناء استعابهم بكل سهولة

              بالنسبة للسياحة علي الرغم من انها تدر مكاسب طائلة الا ان تنميتها للاسف غير مستدامة و لا تصب في سيناء


              اخيرا من الممكن تحويل سيناء الي منطقة صناعية و تجارية كبيرة لانتاج كل شئ بدءا من الملابس حتي الالكترونيات و الصناعات المعتمدة علي الزراعة و مد خطوط عرضية و طولية توصل هذه المراكز الانتاجية بقناة السويس تحديدا شمال القناة و جنوبها لتحمل السفن بضائعها و ترحل الي وجهتها

              علي ما اذكر سيناء حتي العام 1979 كان بها مستوطنات صهيونية تدر المستوطنة الواحدة مدخولات سنوية ما بين المليار و المليار و نصف دولار

              و لما خرجوا فككوها و اللي معرفوش يفكوه حرقوه و نسفوه بالقنابل



              كل التوفيق للقيادة الحكيمة

              Comment


              • #8
                لولا اني متأكد من مستوي حكمتنا و رشدنا لكنت قلت ان سينا دي زي ما تكون حتة ارض مرهونة عندنا

                لغاية لما النتن يجي يأخدها او حد من اخوانا يسكن فيها قهرا بعد ما الضرب يشتد عليهم و ساعتها الرهنية تتفك عشان تحل ازمة و كل بثوابه

                و النظريات الفيزيائية بتقول المليان " 2مليون " يكب علي الفاضي " ربع مليون "

                Comment


                • #9
                  تقف عقبة التمويل عائق امام هذه الافكار

                  Comment


                  • #10
                    الفكره إن أغلب سكان العشوائيات مرتبطين بالقاهره في أعمالهم
                    الحل الوحيد فقط إيجاد فرص عمل بديله في سينا ساعتها الناس هتروح لوحدها إحنا مهملين في سينا بشكل فظيع
                    [CENTER]أول رئيس مدني لجمهورية مصر العربية
                    [sor2]http://img03.arabsh.com/uploads/image/2012/06/20/0e32444861f306.jpg[/sor2] [/CENTER]

                    Comment


                    • #11
                      ياراجل انت ترضى تترمى الرمية دى في سينا وكمان في مستوطنات او كرافانات

                      الحكاية عايزة مشروع كامل مدن كاملة بمرافقها بطرقها بمدارسها بمستشفياتها

                      بلد قائمة بذاتها عشان نقدر نقول ان الناس دى تعيش بجد
                      - ماهو لو قلنا مدن كاملة بمرافقها هاتقابلنا عقبة التمويل
                      - لكن كرافانات هاتكون أسهل و أرخص كبداية ممكن تتحول الي مدن كبري فيما بعد
                      - أما حكاية رمية و ناس ترضي , يعني اللي ساكنين في العشوائيات دول في عشش صفيح من غير سقف يحميهم من مطر و برد الشتاء و لا دورات مياه أدمية و متكومين في غرفة متر في متر كده عايشين ؟؟
                      لكن اللي أنا بأقول عليه أكرم و أحسن لهم 100 ألف مرة

                      مش هيحصل، اللى مسكنها مش عوزين، اللى فى العشوائيات مش عوزين
                      ها
                      ماهو أحنا قولنا ده مجرد حلم عايز أرادة سياسية تحوله لمشروع قومي زي مشروع بناء السد العالي و بناء الألف مصنع و تأميم قناة السويس و عبور قناة السويس
                      كل دي كانت مجرد أحلام و أمنيات وقتها لكنها تحققت رغم ضعف الامكانيات بالارادة و العزيمة و ألتفاف الناس حولها

                      ياسيدي الفاضل ..
                      المصريين مش ناقصهم حاجة علشان يبدعوا و يشتغلوا و يثبتوا حبهم و انتمائهم لبلدهم و لكن محتاجين اللي يوجههم الي مشروع و هدف قومي كبير و جبار زي ده بدل مابيتم توجيههم لمباريات الكورة و أستاد القاهرة الدولي

                      الفكره إن أغلب سكان العشوائيات مرتبطين بالقاهره في أعمالهم
                      الحل الوحيد فقط إيجاد فرص عمل بديله في سينا ساعتها الناس هتروح لوحدها إحنا مهملين في سينا بشكل فظيع
                      ماهو لما يكون مشروع زي ده هدف قومي و أستراتيجي هايتم تنفيذه و لو بالقوة و الجيش يقدر علي كده زي مابيعمل لما بيطردوا الناس دي من مساكنها لكن المرة دي هاينقلوهم لأماكن نظيفة و مجهزة للعيشة الادمية و أحسن من العشش الصفيح اللي كانوا عايشين فيها

                      أما عن فرص العمل :
                      هما مش لازم يتوظفوا علي مكاتب هناك .. لأ دول هايشتغلوا في أستصلاح و زراعة الاراضي المحيطة بهم و هايعملوا مصانع صغيرة و الجيش و الحكومة هما اللي هايمولوا و يقدموا المساعدة لهذه المشاريع علشان الناس دي تنتج اللي هما بيستهلكوه من غذاء و ملبس

                      علي فكرة انا والدي كان طبيب بوزارة الصحة و لما جت له الفرصة يشتغل في سيناء راح و لم يتواني و قضينا هناك 5 سنوات و في بداية حياته كطبيب أشتغل بالوادي الجديد في الستينات

                      و انا شخصيا مستعد اترك مجالي و أشتغل في الزراعة و احاول أعمل مزرعة نموذجية و منتجة بس اللي يديني حتة أرض في سيناء و لا أي مكان بعيد عن القاهرة بضوضائها و تلوثها

                      المشكلة ان أحنا دائما بنفكر نعيش و نشتغل في المكان اللي نشأنا فيه و لو بعدنا عنه يبقي بضع كيلومترات , جه الوقت اللي لازم نتغير فيه و نخرج بقي من الوادي الي ضاق بينا مصر مساحتها 1000000 كم مربع و أخنا كلنا 80 مليون في بلاد مساحتها 1/10 من مساحتنا و عدد سكانهم يمكن أكثر و مافيش عندهم زحام مروري و لاتكدس و لا شوفت عندهم عمارات و أبراج سكنية
                      [SIGPIC][/SIGPIC]

                      Comment


                      • #12
                        انا الصراحة احييك على الفكرة

                        بس انت قلت، أرادة سياسية

                        حتى ذلك الحين، استودعكم الله :)
                        [CENTER]:brn:
                        [/CENTER]

                        Comment


                        • #13
                          فكره حلوه بس صعب تنفدها الحكومه
                          [CENTER]soon 2011[/CENTER]
                          [CENTER][img3]http://img103.herosh.com/2010/03/17/929079106.jpg[/img3][/CENTER]
                          [CENTER]لا اله الا الله محمد رسول الله[/CENTER]
                          [CENTER][URL="http://www.nilemotors.net/Nile/148285-a.html#post3872639890"]مناقشه حول ثبات الاوبل[/URL] [/CENTER]
                          [CENTER][URL="http://www.nilemotors.net/Nile/155281-test-drive-opel-astra-2010-a.html#post3872734259"]Test Drive opel astra 2010[/URL][/CENTER]
                          [CENTER][URL="http://astra.opel.info/pt/astra-photography/photos-opel-astra-durability.html"]picuters 4 astra 2010[/URL][/CENTER]
                          [CENTER][URL="http://www.nilemotors.net/Nile/106417-a.html#post3872125574"]موضوع مهم خد بالك منه[/URL][/CENTER]

                          Comment


                          • #14
                            الفكرة حلوة بس عيزة حكومة استراد ولو من الصين اما حكومة اسبرطة الى عندنا والي تعرف الصح وتعمل عكسه ماتنفعش معاها الفكرة دي
                            [mshosh2]http://www7.0zz0.com/2013/05/08/17/903528565.jpg[/mshosh2]

                            Comment


                            • #15
                              اللي حضرتك بتقوله هيحصل بالتدريج ولكن بصورة عشوائية

                              Comment

                              Working...
                              X